مطلوب بعض الكماليات للسفاري الفتك

[البر عشقي]

السلام عليكم ورحمة الله وبركاتة

ياشباب شريت لي سفاري والله الحمد لكن لقيت فيه بعض النواقص ابيكم عاد تساعدوني وين ألقاهن الأصليات وأفضل الأسعار

1- غطاء أسبير الكفر اللون أبيض .
2- طاولة الطعام اللي خلف المراتب الأماميه اللون بيج .
3- تخشيبة القير .

والحاجة الثانية ودي أعرف وش أفضل بنزين وزيت وكم ياخذ من علبه بالسيفون وبدونه
طبعً الموتر سفاري فتك 2007

وأكون لكم من الشاكرين

[vtc.6]

وعليكم السلام ورحمه الله وبركاته

اول شي الله يطعمك من خيره ويكفيك شره واحسن مااخترت وانا خوك بالنسبه لغطاء الاسبير انا من وجهة نظري مايحتاج تاخذ اصلي لانه فيبر مجرد شكل تحصله في الغرابي مليان واللون الابيض وبالنسبه لطاولات الطعام خذها من التشليح لاني ماقد شفتها ويمكن تحصلها والبنزين 95 ممتاز للموتر والتخشيبه رح لم محل الابداع في الغرابي ممتاز جدا يخشبلك اللي تبغى والزيت انا اغير الترا سفن وياخذ مع السفون 8 علب وبدون سيفون 8 علب الا وانشاء الله اني افدتك

[البر عشقي]

مشكور ومقصرت يالغالي معلومات وافيه من رجال وافي

[برايدوي عنيد]

هلابك اخوي

بالنسبه للغطاء وطاوله الطعام بالتشليح ازين شي وارخص وتلقى وكاله

بالنسبه للزيت والبنزين تفضل الرابط

كل ما يتعلق بكمية الزيت ودرجاته والبنزين للسفاريات ( 6 ولا 7 علب ) الاثبات بالصور http://www.mekshat.com/vb/showthread.php?t=264659

وتقبل مروري

[vtc.6]

العفووو يالغالي

[البر عشقي]

مشكور أخووي بريداوي عنيد على المعلومات

مريت تشليح بريده مالقيت شي عنه يقولون عليهن طلب مستمر لعل وعسى ألقا بمرات قادمة

مشكور على الرابط

[البر عشقي]

تجديد الطلب لطاولات الطعام وغطاء الاسبير