بسم الله الرحمن الرحيم
السلام عليكم ورحمة الله وبركاته
اخواني الافاضل الكرام من مشرفين واعضاء وزوار هذا المنتدى المبارك
اهنأكم على قدوم شهر الخير والبركه والله يجعلنا من صوامه وقوامه ويرحم من لاعاد عليهم برحمته الواسعه
اخواني استميحك عذراً عن غيابي طيلت هاذي المده لظروفي الخاصه
وارجو من الله الكريم ان تتقبلو مشاركتي المتواضعه وان تشفع لي عندكم بطول مده غيابي عنكم وتكون خفيفه ظل عليكم وان تحوز ولو على القليل من رضاكم
وقد سميتها هذه المشاركه نسبه الى صوره من الصور
صراع الجبابره
وهاذا الصراع بين الحبارى والطير من قديم ولن ينتهي
جاني اتصال من صديقي ابو نشمي الله يحفظه ويحفظ له عياله الساعه العاشره مساء ويقول ان اخوه وناس من جماعته متمشيه وشافو ثنتين من الحباري وانهم وقفو لصلاة المغرب وانه جاهم ناس من الناس وهم قنوص تطردهم من الديره الي هم فيها ويقولون لهم ان الديره تعذركم وحنا اهلها واخوان خويي مامعهم طيور قال تكفا قلت ابشر بعزك اظهورها حمل عفشك والوعد الدرب واوصي الصبياني الي عندي يحملون العفش وهم يعرفون طلبي قالو سياره والى سيارتين قلت سياره واحده الحين و السياره الثانيه تلحقنا الصبح بدري معناته ان المده من اسبوع واكثر وانه يخاويني واحد من الصبيان والسياره الثانيه تلحقنا باقي النواقص مالكم بطويله المسافه حوال 300كم والباقي صحراء 70كم ماجت الساعه 11,30مساءً الى كل منا ماشي ومسك الطريق وكل واحد يعقب على الثاني بالجهاز وين انت ،
وصلنا المفرق وشيكنا على البنزين وبعض الأمور الدقاقه وتوكلنا على الله والديره هذي اعرفها شبر شبر وزنقه زنقه ودار دار من قديم واعرف اهلها والساعه3.30 الصبح والى حنا عندهم وسرعه مرحنا قلنا نكسبها لن ساعه والاساعتين والفجر الى ابو نشمي الله يجزاه عنا خير يأذن للصلاه ونصلي ونقوم ونزهب القهوه والفطور وهبه الريح
وناخذ علومهم خويانا الى قبلنا الى يوم تغيرت بعض العلوم وانهم شافو جره ثنتين حباري صار الشوف جره والناس الي جوهم ومنعهوهم من الديره ماعاد عادوعليهم المهم باح الشوف وين شفتوها قالو في هاذا المكان ويوم تقصصناها والها وحده حبارى لها جره قديمه لها يومين وجره جديده عصر أمس ومعي طير حر رابع طلاع وطير فرخ العام وكلها فاعله وحبيت اني اذكر الفرخ على الحبارى واوريه اياها وطير خويي طير موقف بالسبق والطلع وراعيه ذابح فيه ماشاء الله ولا قوة الى بالله سته حباري هاذي السنه وخمس منها كلها طلع وراعيه من يطلع من الديره يبلج برقعه عنه،
واخوان رفيقي والربع الي معهم لا يعرفون القصاص ولايعرفون الطيور وعفسونا عفسه عند الله خبرها الى يحول من الموتر ويقصون الجديد والقديم واللي يجي قدام مواترنا ويحوسون الجره علينا كن عندهم علم ،
الحاديه عشر ظهراً اشوف الحباري تدرج شوف العين
ياحي هاشوفه
والطير الي معي طلع عليها واشوفها حبرت ولبدت في رمثه
الحذر مافك الحباري من الموت
وقفت وبرقعت القرناس وفكيت سبق الفرخ البكر وقربته عندي وصوت لخوياي بالجهاز الحبارى عندي ولاحد منكم يجي من قدام موتري واحد من الشباب الله يهديه يوقف قدام موتري وينشدني وينها وبيده البندق
الله يعين على شله المطافيق
قلت ياربع لا حد ياصلها ولايقرب الى الموتر الي يبي يهد عليها والمواتر الثانيه تسبر الطير لخوينا الى يبي يهد قال ابو نشمي الله يسلمه حرام ان الهدد عندك قلت بيض الله وجهك واروح وادرجها للفرخ وتطير ومن هديت الفرخ وطار من يدي والى سيارت واحد من اخويانا الله يهديه يسابق الفرخ يافلان عود عط سداح فرصه (مشهور) والى الرجال يقوال بالجهاز والله ابغى اصور بالجوال ومطب يشيله ومطب يطيره
الطير هاد على الحبارى
الطير مكتف على الحبارى وصامل عليها
الطير راج وكسر عنها
والفرخ يتروع ويترك الحبارى ويهج وياقع على هضبه وارسله سياره كنه يعرف لطيور وهو اشوى من غيره ويدعيه ويتنكر الطير وهو صنيع شوي وحنا لنا اسبوع من جينا من المقناص ولا فيه مدعا لطيور قريب حولنا والمدينه المنوره دافيه الله يشرفها والدفا يصنع الطير في يومين المهم انه حذفله حمامه بثقاله ويبعد عن الطير والطير جاه شبوط وطيره وخوينا يضيع الطير وهو غشيم شوي بطيور قلناله اترك الطير وتعال احرص على الحمامه جبها معك اعرفه انه مايروح حبارنا عندنا واحلف على ابو نشمي انه يهد على الحبارى بعد تصويري لها وهي مخمره بعدت وضعيات
الهضبه الي زبن الطيرفيها
لاحد يشوفها
لزوم نهيضكم
من جهه اخرى ( يعني اني محترف تصوير)
ودي احول عليها من الموتر واحبها
الرجاء عدم الرد حتى اكتمال الموضوع