نص الشوزن

[محطم عنيد]

السلام عليكم ورحمة الله وبركاته

ياهل الخبرة

انا عندي نص شوزن أسبانية نظيفة بالحيل

إبريل اللي راح ماقدرت أطلع إلا مرتين بسبب ظروف الإمتحانات مع الحظ الشين ههههه

وحدة ماحصلت ولا قميرية

والثانية حصلت وحده ومن فرحة رميت تقريبا من 35 أقل أو أكثر مدري واخطيتها

السالفة هل النص سلاحن يتكل عليه بالنسبة للقميري

وإذا يتكل عليه وش نوع الفشق المناسب


وودي بإم وحده ستيفنز بس تخبرون السوق مولع نار

بالعربي وش اسوي ادخل الموسم ذا فيها ولا أشتري ام وحده

انتظركم على احر من الجمر

[محمد الشمروخ]

هل بالغالي
الشوزن النص ممتازه جداً لاكن عيبه الفشق اللي بالسوق فاشل
اذا طوله ٢٨ انش واكثر فهي ممتازه وتغني لانه الصيد وسط
خذ فشق فوشي ٦ ولا ٧.٥ او اي فشق ايطالي
على فكره النص شوزن عالميه مثل الكامله واكثر الشيبان يحبونه وتسوق بس تصلح وحده وحده او ثنتين ورى بعض متلازقات

[محطم عنيد]

محمد الشمروخ يعطيك العافية

بس

مافهمت وش تقصد وحده وحده ولا ثنتين مع بعض ؟؟؟

و ع فكرة اللي معي تركب عليها ماصورة ام وحده

رأيك أركب عليها ماصورة أم وحده ؟

[هآوي مكشات]

احسن فشق نص فيوشي رقم 6 والنص تسوق اكثر من الكامله وذا تقدر تغير الماصوره غيرها

[ابوسامي 2011]

الفشق جربت 9/36 فيوشي طلع اطيب فشق بعكس توقعاتي له والنص طيبه ونفس عمل الكامله وافضلة من ناحية الصوت والندف والايطاليه ام نجوم معروضه علي في الرياض بسعر مناسب لانها من افضل هذه الانواع يقول 3700 ان بغيتها راسلني

[محمد الشمروخ]

وحده وحده يعني قميريه قميريه ما تصلح للاجوال
وركب ماصورة ام وحده ازين من جديده تراهن غاليات
الله يوفقك وتلقى الفشق الطيب

[هدااج 2008]

احسن فشق نص فيوشي رقم 6 والنص تسوق اكثر من الكامله وذا تقدر تغير الماصوره غيرها

..
اخوي هااااوي مكشات
اثابك الله وعيدك مبارك
انا اختلف معك ان الشوزل النص تسوق اكثر من الكااامله
اصلااااا ولا فيه مقااارنه
والنص لي الشي القريب كويسه وطيبه
والفشق ازين شي الفوشي الريو الاسباني
وموفق خير
.

[بن جمعان]

اشهد ان النص بندق ممتازة .

عيبها ان فشقها قليل تحصله

[راعي عدلى]

انا خويي يبي فشق نص

ومادري وين احصله

الي يخبر واحد بالقصيم يبيع يرسلي رقمه بالخاص

[هبوب العارض]

هلابك اخوي الشوزن النص ممتازه جداً بس عيبها فشقها قليل وغالي

اما السوق فهي تسوق مثل الشوزن الكامله ولاكن ماتصلح للاجوال يعني القميري الواجد

ارجو ان افدتك

[ابو فواز 11]

كان الشوزن النص للبيع
انا بشتريها

[الرويضة اون لاين]

انكانها اسبانية فترى مالها ثمن ياخوووي

لاتفررط فيها الا انكانك لقيت اطيب منها...

[السلوم 2005]

مشكووور اخوي على الموضوع ..

بس ياجممماعه تقل فهمت من اغلب كلامكم ان افضل نص هي (الاسبانيه ) ؟؟؟

مهب افضل شي البرازيليه ؟؟؟؟؟

[بيكال وغزال]

انا عندي سوجن نص امريكيه او بالصح عند الوالد الله يحفضه والله ياهي طرب لها حول 15سنه بس نضيفه والله الوالد مايرمي غير فيها بس زي ماقالو الاخوان اهم شي الفشق فيه فشق لبناني لو بريال لاتاخذه

[الرويضة اون لاين]

السلوم


الاسبانية افضل انواع النص بلا منازع..

فية ناس اعرفهم باعوا الامريكية على 1500 والبلجيكية على ما اضن بنفس السعر , والاسبانية والله انها تاصل 5000 وعندي اسبانية وتسام مني بـ 5000 ونص صندوق شوزل ابو غزال ولا بعت..


اذا كنت تملكها لاتفررررط فييها نصيييحة..