[ مشكلة ب الــــكمورة يالربع ] أفيدونا ب خبرتكم !! .

[M A R W A N]

السلام عليكم ورحمة الله وبركاتة


كيف حالكم يالربع, وكيف أحوالكم وعلومكم و إن شاء الله إنكم طيبين !

ياجماعة الخير انا عندي موتر زوين كامري 2003, صارت لي مشكلة قريبه الحين وهي اذ جيت اهدئي ولا اوقف ينزل إمبير الحرارة تحت وتبدا السياره تهز ويرجع الامبير لوضعه الاول وثم ينزل تحت فجاءة وتهز

طبعا كل ذاه يصير عند التوقف مثلا ب اشاره او زحمة وانا او موقف .

وللعلم الموتر إوتوماتيك

وعندي مشكلة ثانية:

لا جيت احط الريوس السياره ماترجع طبيعي تعطي زي الدقة ؟

بصراحه المشكلة قروشتني ونبي حل من خبرتكم العريقة

والسلام عليكم.

[Avalanche]

ينقل للقسم الصحيح ...

[M A R W A N]

شكرا لك لنقلك الموضوع الى القسم الصحيح .

[كاشت وحداني]

اللي ينزل امبير الحراره ولا الضغط
اذا امبير الضغط هذا الثروتل يحتاج تنظيف
اذكر في كورولا امبير الحراره نزل بسبب قدم البواجي

[M A R W A N]

إمبير الحرارة اللي ينزل
وش هو الثروتل !
وشكرا لك .

[دحيم الفزعة]

هلا أخوي بالنسبه لمشكلة الطقه عند تعشيق الريوس سببها أما راس العكس فيه فضاوه أو كراسي المكينه والقير تالف


ودمت بود ===

[كاشت وحداني]

بالنسبة للثروتل هو مدخل الهواء لنظام الحقن


وهو يحتاج تنظيف دايما لتجمع الغبار فيه خصوصا للكامري اذا كنت تسافر واجد في منطقه يطثر فيها العج او مع الوقت والاستخدام .

اما نزول امبير الحراره حصلت معي في كورولا وطلع من البواجي قديمه جدا جدا .
موفق خير . وارجوا ان اكون افدتك .

[M A R W A N]

هلا أخوي بالنسبه لمشكلة الطقه عند تعشيق الريوس سببها أما راس العكس فيه فضاوه أو كراسي المكينه والقير تالف


ودمت بود ===

كراسي المكينة مغيرها قبل سنة
اما سالفة القير تالف ... اذكر الله يارجل !


شكرا لك .

بالنسبة للثروتل هو مدخل الهواء لنظام الحقن


وهو يحتاج تنظيف دايما لتجمع الغبار فيه خصوصا للكامري اذا كنت تسافر واجد في منطقه يطثر فيها العج او مع الوقت والاستخدام .

اما نزول امبير الحراره حصلت معي في كورولا وطلع من البواجي قديمه جدا جدا .
موفق خير . وارجوا ان اكون افدتك .

التنظيف يكون ب استخدام بخاخ الهواء اللي ب البناشر ولا له نظام ثاني

اللي ينزل مو إمبير الحرارة.. إمبير الهواء

والبواجي مغيرها قبل كم شهر من النهدي

واشكرك على تفاعلك وماقصرت .

[كاشت وحداني]

عزيزي مروان
التنظيف لابد من ورشه ويكون فاهم
لازم ينفك ويتنظف خارج السياره
اللي يبخ البخاخ وهو راكب هذا بينزل الاتربه اكرمكم الله داخل البلوف وتجي مشكله ثانيه
اذا كنت في الرياض عطني رسالة عالخاص اوصف لك الورشه اللي انظف كمورتي عندهم

[M A R W A N]

انت تقصد بكلامك تنظيف البخاخات ؟


اذ هذه المشكلة عندنا مركز بترومين يقدم هالخدمة

وانا ساكن بجدة , واشكرك للمرة الثانية

واعذرني على كثرة الاسئلة نظرا لعدم الخبرة السابقه

[كاشت وحداني]

ارحب وحياك حنا بهالمنتدى نتبادل الخبرات وكل واحد يدلي بدلوه وتجربته ومعاك حبه حبه لين ما تنتهي المشكله بقدر الامكان ان شاءالله
بالنسبة لتنظيف الثروتل
اذا ما وضحت لك الصوره
لما تجي عند فلتر الهواء اللي ينفخونه بالهوا مع تغيير الزيت
طبعا الكامري علبه مربعه سودا انت امش معاها باتجاه المكينه بينتهي في قطعة المنيوم فيها سلك البنزين راكب وكم لي وفيش كهرباء
هذا هوه الالمنيوم هو الثروتل
يتفك ويتنظف ببخاخ اي سي ديلكو خارج المكينه طبعا واذا نظف ونشف يتركب وتشوف عزم الموتر كيف وصفاوته
اما الورش فمالي خبره في ورش جده لكن انتبه من ابويمن صحيح اخواننا وعلى العين والراس بس مالهم في السيارات
موفق خير ولا تشيل هم

[كاشت وحداني]

هذي صورة للثروتل مفكوك

[M A R W A N]

وضحت والله يعطيك العافيه

وبخصوص شغل الورش الاتراك كويسين وسبق وجربت عندهم

شكرا لك على م ادليت فيه

وإن شاء الله الثلاثاء باروح افحص الموتر واخلية يشيك عليه واعطيكم خبر .

[دحيم الفزعة]

[QUOTE=M A R W A N;7935594]كراسي المكينة مغيرها قبل سنة
اما سالفة القير تالف ... اذكر الله يارجل !


شكرا لك .

العفو أخوي أنا يمكن ما وضحت مقصدي بالضبط
اقصد كراسي المكينه أوكرسي القير احدهم أو كلهم تالفات

[كاشت وحداني]

صوت الدقه زي ما افاد اخونا دحيم الفزعه
و من المحتمل ان يكون كرسي المكينه العلوي لانه اكثر شي يخرب في الكامري