لمـلاكـ التــاهو ... اتمنى مشورتكم في حل مشكلتي ...

[Abo Hamad Z71]

الســلام عليــكم ورحمــة الله وبركــاته

اولا اقدم شكري لكم بهذا العمل الجباار .. وفتح المجاال للمشاركة وتبادل التجاارب والخبرات بخصوص ملاك شوفروليه تــاهو ..

انا عندي تــاهو Z71 موديل 2003 مواصفات امريكي ..
والحقيقة اعاني من مشكلة ارتفاع الحرارة والتكيف يكون حاار لما تكون السيارة واقفة والمكيف شغاال في اوقاات الظهر والشمس الحاارة فقط ..

لكن بأي وقت ثااني مثلا بالليل وكانت السيارة واقفة او لما تكون السيارة ماشية وبأي سرعة كااانت ما في اي مشكلة بالحرارة ..

انا توقعت ومثل ما قالي البعض .. بسبب انه ما في مرااوح كهربائيه اوتوماتيكيه مثل الموديلات 2006 وما بعدهاا .. اللي تكون مروحتين كباار بين المكينة والراديتير ..

انا معي مروحة واحدة مرتبطة مع المكينة .. وهذي ما تنفع بشيء لما تكون السيارة واقفة مع المكيف بعز الظهر ..

اشتريت مروحة كهربائية اضافية ورهمتهاا بالجهة اليمنى بين الشبك وراديتير المكيف.. وخليت الكهربائي يسلكهاا مع المكيف بحيث تشتغل مع الكومبراسور وتطفي معه ..

ولما جربتهاا بنفس الاجوااء والوقوف .. لكن ما في اي تحسن .. مع ان المروحة اخذتها GM اصلية وصناعة كندية .. وحتى سحبهاا للهواء تماام .. لكن ما في تحسن ..

كنت ابغى اركب مروحتين بدل مروحة واحد اضافية .. لكن المصيبة بالجهة الثانية فيه راديتور صغير والمكان ما يسمح إلا باليمين ..

جاتني فكرة اني اقلع المروحة الاساسية اللي مع المكينة .. اركب المراوح الكهربائية الاوتوماتيكية الكبيرة تبع الوكاالة .. لكن قلت ابغى اخذ مشورتكم وخبرتكم من هذي الناحية ...

اتمنى اني القى ردود وحلول سريعة .. مشكورين ..

وآآسف على الاطالة ..

[gm_187]

وعليكم السلام ورحمة الله وبركاته،،

اخوي ابو حمد بالنسبه لمشكلة التكييف فهي موجوده في سيارات الجمس والشفر والكدلك الى عام 2006 حسب علمي. لكن ما يمنع انك تشيك غاز الفريون، وبساتم الكمبرسر.


اما بالنسبه لارتفاع الحراره، انت ذكرت انك مستورد السياره من امريكا، فيه طريقتين:

- المشكله الاولى، اذا كانت السياره مستورده من مدينة ثلجيه لازم تقارن الراديتر وبلف الحراره
بسيارات السعوديه او الخليج بشكل عام.

- المشكله الثانيه وهي الارجح، تشييك الشكمان تشوف كم فيه كنداسه او خلية تلووث. على حد علمي
ان السيارات المصدره من امريكا تكون زايده كنداسه او خلية تلوث وهي اللي ترفع حرارة السياره.


اسأل الله العظيم ان يوفقني وياك لما يحب ويرضى
اخوك/ عمر

[Abo Hamad Z71]

وعليكم السلام ورحمة الله وبركاته،،

اخوي ابو حمد بالنسبه لمشكلة التكييف فهي موجوده في سيارات الجمس والشفر والكدلك الى عام 2006 حسب علمي. لكن ما يمنع انك تشيك غاز الفريون، وبساتم الكمبرسر.


اما بالنسبه لارتفاع الحراره، انت ذكرت انك مستورد السياره من امريكا، فيه طريقتين:

- المشكله الاولى، اذا كانت السياره مستورده من مدينة ثلجيه لازم تقارن الراديتر وبلف الحراره
بسيارات السعوديه او الخليج بشكل عام.

- المشكله الثانيه وهي الارجح، تشييك الشكمان تشوف كم فيه كنداسه او خلية تلووث. على حد علمي
ان السيارات المصدره من امريكا تكون زايده كنداسه او خلية تلوث وهي اللي ترفع حرارة السياره.


اسأل الله العظيم ان يوفقني وياك لما يحب ويرضى
اخوك/ عمر

مشكوور اخوي عمر ع الرد ..
لكن بالنسبة للكمبروسور سبق وان ركبت جديد تقريباا له سنة و غيرت معه راديوتور المكيف ..
لأن على حسب كلام الكهرباائي وقيااسه للضغط والحرارة بجهاز الكتروني تبين له ان المشكلة من راديوتر المكيف تعبان وبسببه عدم الكبروسور معه .. فغيرت الاثنين مع بعض وضبط التكييف وزي الحلااوة ..

لكن في نفطة حبيت ابينها لك .. وسبق ان ذكرتها من البداية.. حراارة السياارة ومكيفهااا ما عليهم كلاااام ..
لكن إذا كانت السيارة واقفة وشغال المكيف ( في وقت الظهر .. وتحت شمس صيفناا الحاارة بس.. ترتفع الحرارة والمكيف يبدأ يعطيك حاار ويفصل الكومبراسور من الحر ) .. يعني لو كانت وااقفة بأول الصبااح او بالليل ما عليه كلااام ما فيه مثل هذي المشكلة ويكوون الوضع تماام وكأنك ماشي بالسيارة ..وكذلك إذا كان المكيف ما هو شغاال بالظهر والسيارة شغالة وواقفة بس ما ترتفع .. يعني العلة بس في تشغيلي للمكيف والوقوف في وقت الظهر ..

[Abo Hamad Z71]

الله يقوويكم ياا شباااب .. تكفوون همتكم ابغى ردوود تنفعني ..
لي كم يووم ومنزل الموضوع وما شفت غير اخووي عمر ..

[Abo Hamad Z71]

انااا كنت متووقع اني رااح الاقي ردوود كثيرة على موضوعي من اللي شفته مواضيعكم بالمنتدى والردود اللي كلهاا حمااس ..

لكن ماا اعرف ليه بالذات موضوعي ماني لاقي اي رد عليه ..مع انه ما شاء الله فووق الــ 100 مشااهدة للموضوع ؟؟!!!
او حتى اي شخص يقوول والله ما عندنا خلفيه عن الموضوع مع اني اتوقع ان فيه كثير من الشبااب مر عليه نفس المشكلة خصوصا بالامريكي ..

ع العمووم مشكوورين ع المنتدى .. وخصوصا الاخ عمر اللي اتحفني بالرد ..

[معانق الغيم]

السلام عليكم
اخوي تأكد من الرديتر عندك كم طبقة
وشيك على الليات لاتكون يابسه
وعلى مهلك لاتخسر نفسك الصيف قضى
عندي سياره نفس سيارتك
جت عندي مشكلة بالمكيف فجاه مايبرد زين
طلعت المشكله من لي المكيف , يابس غيرناه وسمع الله لمن حمده
لكن الحراره مثل ماقلتك والله اعلم
ورد لنا خبر ياخوي

[كاشت المدن]

السلام عليكم
كان عندي نفس مشكلتك ارتفاع الحراره مع المكيف ومع الدبل بالبر وركبت المروحه الكنديه حقت موديل ٩٨ وماكانت كافيه وبعدها ركبت مروحه حقت النترا هونداي تركب بين المروحه الاساسيه والرديتر وكانت مخفيه وثابته وأتطلع صوت وقرقعه
لان هذي مشكلة المروحه الميكانيكية لموديل من ٢٠٠٠ حتى ٢٠٠٣ وارتحت من الحراره نهايا وماكلفتني الا ٦٠٠ ريال الشغل كامل وتركيبها أخذ حول الساعتين
امل أني افدتك واذا انت بالرياض ادلك على المحل وأي خدمه انا حاظر وشكرا

[Abo Hamad Z71]

السلام عليكم
اخوي تأكد من الرديتر عندك كم طبقة
وشيك على الليات لاتكون يابسه
وعلى مهلك لاتخسر نفسك الصيف قضى
عندي سياره نفس سيارتك
جت عندي مشكلة بالمكيف فجاه مايبرد زين
طلعت المشكله من لي المكيف , يابس غيرناه وسمع الله لمن حمده
لكن الحراره مثل ماقلتك والله اعلم
ورد لنا خبر ياخوي

مشكوور ياا اخووي معاانق الغيم ع الرد ..
الرادييتور كم طبقة هذي اللي ما عندي علم فيهاا .. وبعدين اي رادييتور تقصد حق المكيف او المكينة الاساسي ؟؟
لأن راديوتر المكيف مغيره جديد تقريبا العام الماضي هو والكومبراسور ..
وعلى فكرة التكييف عندي تمااام ولله الحمد بس عند الوقفة الطوويلة بعزز الظهر .. فقط .. غير كذاا تماام ما شاء الله ..

[Abo Hamad Z71]

السلام عليكم
كان عندي نفس مشكلتك ارتفاع الحراره مع المكيف ومع الدبل بالبر وركبت المروحه الكنديه حقت موديل ٩٨ وماكانت كافيه وبعدها ركبت مروحه حقت النترا هونداي تركب بين المروحه الاساسيه والرديتر وكانت مخفيه وثابته وأتطلع صوت وقرقعه
لان هذي مشكلة المروحه الميكانيكية لموديل من ٢٠٠٠ حتى ٢٠٠٣ وارتحت من الحراره نهايا وماكلفتني الا ٦٠٠ ريال الشغل كامل وتركيبها أخذ حول الساعتين
امل أني افدتك واذا انت بالرياض ادلك على المحل وأي خدمه انا حاظر وشكرا

يسلموو اخووي كااشت ع الرد ..
وانا عملت نفس حركتك .. اشتريت مروحة GM كندية قيمتهاا 200 واشووي .. وثبتهاا بين راديوتر المكيف والشبك من جهة اليمين .. كنت ابغى اركب مثلها ثانية حتى يكون السحب للهواء اقوى وتكون باليسار لكن صعب وضيق لأن فيه راديوتر صغير شكله عامودي بجهة اليسار .. لكن ما حسيت ان فيه تحسن كثير بوقت الظهر .. لكن بالاوقات الثانية انا اشهد ريحت اكثر من اول .. وخليت المروحة اوتوماتيك تشبيكها مع الكومبراسور تشتغل وتطفي .. يعني من دون انا اتحكم فيهاا ..

طيب بالنسبة للحل اللي انت سويته .. بأنك ركبت مروحة النترا .. هل هي تجي واحدة او اثنتين مع بعض .. وبعدين كيف قدرت تركبهاا بين الراديوتر المكينة والمروحة الميكانيكية ؟؟ احس انه ضيق وصعب ترهم لها اي شيء ..!! وبعدين صحيح بعد ما ركبتهاا يطلع اصواات .. بعد هذاا عيب يعتبر ونفس الوقت حل مزعج .. وكيف ثبتهاا بالتلحيم او ركبت لها بلووط بحيث انهاا ما تتحرك ..؟؟

طيب اناا جات في باالي فكرة اني اشيل المروحة الميكانيكية .. واخذ مروحتين الكهربائية تبع الوكالة حق الموديلات 2006 وفووق .. تأيد الفكرة هذي ..؟؟؟

آآآسف اني كثرت عليك الأسئلة .. اتمنى انك تتقبلهاا بصدر رحب .. ^_^

اخووك من الشرقية ..

[كاشت المدن]

حياك الله اخوي انا باكتب (ثابته وماتطلع صوت وقرقعه ) وكتبت (وتطلع صوت ) مشكلة التصحيح التلقائي،
والمروحه تجي ثنتين وتحس المكان ضيق لكن لو تفك الحامي حق المروحه بتلقاء فيه فراغ يكفي وركبته مع مسامير الاديتر من فوق (طول المسمار وحط صاموله عشان تبعد عن الاديتر شوي وركبهن وركب حامي المروحه بحيث انك ماتشوفهن ) ومن تحت حطلهن توصيله حديد الى المسامير حقت الاديتر ،
وانا كنت حاطهن بفاصل عشان بالبر ماراح اكون مشغل المكيف وفيه ناس يركبون له حساس مع الحراره تشتغل تماتيك،
واذا ركبتهن خل الكتاوت تحت علبة الفيوزات لا تغلط غلطتي خليت الكتاوت وراء البطاريه ومع الرطوبة والماء خربن ورجعت حطيتهن تحت العلبه،
وبالنسبة لمروحة الوكاله حلوات لكنهن وحده مع الحراره ووحده مع المكيف وانا اللي يهمني اولا أني اشغله بالبر مع الدبل وثانيا عشان المكيف وعشان لو خربت مراوح الكهرب تبقي المروحه الميكانيكية تعمل بنا على نصايح إخواننا في المنتدى
فانا ما أيدها لذلك.
واتمنى ان الموتر موجود عشان اصورلك المروحه
وحنا نستفيد من بعض اخوي ونتقبل بكل سعة صدر وأي خدمه انا حاظر

[Abo Hamad Z71]

حياك الله اخوي انا باكتب (ثابته وماتطلع صوت وقرقعه ) وكتبت (وتطلع صوت ) مشكلة التصحيح التلقائي،
والمروحه تجي ثنتين وتحس المكان ضيق لكن لو تفك الحامي حق المروحه بتلقاء فيه فراغ يكفي وركبته مع مسامير الاديتر من فوق (طول المسمار وحط صاموله عشان تبعد عن الاديتر شوي وركبهن وركب حامي المروحه بحيث انك ماتشوفهن ) ومن تحت حطلهن توصيله حديد الى المسامير حقت الاديتر ،
وانا كنت حاطهن بفاصل عشان بالبر ماراح اكون مشغل المكيف وفيه ناس يركبون له حساس مع الحراره تشتغل تماتيك،
واذا ركبتهن خل الكتاوت تحت علبة الفيوزات لا تغلط غلطتي خليت الكتاوت وراء البطاريه ومع الرطوبة والماء خربن ورجعت حطيتهن تحت العلبه،
وبالنسبة لمروحة الوكاله حلوات لكنهن وحده مع الحراره ووحده مع المكيف وانا اللي يهمني اولا أني اشغله بالبر مع الدبل وثانيا عشان المكيف وعشان لو خربت مراوح الكهرب تبقي المروحه الميكانيكية تعمل بنا على نصايح إخواننا في المنتدى
فانا ما أيدها لذلك.
واتمنى ان الموتر موجود عشان اصورلك المروحه
وحنا نستفيد من بعض اخوي ونتقبل بكل سعة صدر وأي خدمه انا حاظر

يسلمك ربي ع الردوود والافادة اخوي كااشت المدن..
بالنسبة لطريقة تركيبك للمراوح .. يعني في اعتقادك لو ما اخذت مراوح الهيوندااي وشريت مراوح الوكاالة .. هل يكفي ولا رااح يضايق مروحة المكينة؟؟؟
لأن مثل ما تعرف مراوح الوكالة اكبر وكفائتهاا اعلى ..

بالنسبة للبر والتطعيس .. ^_^ .. انا اللي معي مثل ما تعرف فيه دبل Z71 وماا ما طعست فيه كثير مجرد تطعيساات خفيفة ومن دون اي مغامرات .. يعني ما ادري كيف حرارته بالتطعيس ..

[كاشت المدن]

السلام عليكم
بالنسبه لمراوح الوكاله تجي اكبر واللي يركبونهن يشيلون المروحه الميكانيكية غالبا ويغيرون الحامي
لكن اتوقع (ولست متأكد لأني ماعرف حجم المراوح بالضبط ) ان المسافه كافيه لتركيبها مع المروحه الميكانيكية وبنفس الحامي القديم
ولو تسالك ورشه هي تركب والا تكون ضيقه قبل لاتشريه يكون احسن واذا تأكدت انه تركب فتوكل على الله بس لاتنسي الكتاوت مثل ماقلتلك
واذا قالولك انه ضيقه فابمكانك تشيل المروحه الميكانيكية
ونتمنى لك التوفيق وأي خدمه انا حاظر

[Abo Hamad Z71]

السلام عليكم
بالنسبه لمراوح الوكاله تجي اكبر واللي يركبونهن يشيلون المروحه الميكانيكية غالبا ويغيرون الحامي
لكن اتوقع (ولست متأكد لأني ماعرف حجم المراوح بالضبط ) ان المسافه كافيه لتركيبها مع المروحه الميكانيكية وبنفس الحامي القديم
ولو تسالك ورشه هي تركب والا تكون ضيقه قبل لاتشريه يكون احسن واذا تأكدت انه تركب فتوكل على الله بس لاتنسي الكتاوت مثل ماقلتلك
واذا قالولك انه ضيقه فابمكانك تشيل المروحه الميكانيكية
ونتمنى لك التوفيق وأي خدمه انا حاظر

تسلم لي ياا بعدي .. وبيض الله وجهك .. كفيت و وفيت ..
واناا افكر ان اقووم بالتعديلات هذي الصيف الجااي ..
لأن الحين الحمد لله بدأت تخف حرارة الاجوااء ..

[رحال7]

بسم الله

انصحك اولا بتغيير ماء الديتر بالكامل فى الوكاله قبل الخساير فهذا شىء مطلوب سواء كان فيه مشكله او لا واثناء هذا العمل افحص البلف واذا فيه صدأ او شكله غير مطمئن غيره فورا...توكل على الله

[Abo Hamad Z71]

بسم الله

انصحك اولا بتغيير ماء الديتر بالكامل فى الوكاله قبل الخساير فهذا شىء مطلوب سواء كان فيه مشكله او لا واثناء هذا العمل افحص البلف واذا فيه صدأ او شكله غير مطمئن غيره فورا...توكل على الله

مشكوور اخووي رحااال ع الفــاائدة ..