راآأيكم يآ اخوان (مقارنه بين الوكااله و بعض الورش)

[السيناريو]

السلام عليكم ورحمة الله و بركاته ....

الله يكفيكم شر الحوادث و يحفظكم منها...

انا قبل كم يوم صار علي حادث وسيارتي هايلوكس 2011 دبل

الزاوية اليسرى للوجهية (كبوت، رفرف، رفرف داخلي، نور،صدام ،وشبك )

ابي استفسر عن احسن الورش بالقصيم (بريدة او عنيزه) وهل هي احسن من الوكاله..؟؟

علماا باني من حايل


والله يجزاكم خير

[الجني العبد]

شغل الوكالة ( ماأدري عنه ) لكن الورش اللي ترجع الموتر وكاله وااجد بالحيل
مثل ورشة دوكس ( بعنيزة وبريده )
ورشة الحربي ( ببريدة )
ورشة الضمان ( بعنيزة )

والورش المعروفه واجد بالحيل

[الحربي f15]

سلمت متشوف شر

[بن سليمان]

وعليكم السلام ورحمة الله وبركاته
اللي اعرفه الوكالات ما عندهم شي اسمه تعديل ما يعرفون الا سمكرة ورش
ويمكن موترك ما يحتاج لسمكرة ورش بس تعديل وتضبط امورك
لو تحط صورة لموترك يمكن يفيدونك الشباب اكثر من ناحية التعديل والسمكرة
الله يعوضك خير منها

[قدر مكتوب]

اخوي بالنسبة لعنيزة خل اقولك:
1- ورشة الضمان ورشة مضبوطة وخصوصا بالرش يعطيك ضمان خمس سنوات واكثر
2- ورشة ابو فهد (باكستاني) كويس بس غالي يتضرب بالسعر
3- ورشة الحسون
4- ورشة الدوليه
5- ورشة العجلان

بالنسبة لبريدة :
ورشة الحربي
ورشة بمدخل التشليح ببريدة واضحة جدا بس ضاع عني الاسم بس هي تجي على يسارك اذا صار تشليح العجلان على يمناك

[يالبى الهلا]

الوكاله للسياره الي عليها تامين شامل ماهو السواق؟؟؟؟؟؟؟؟؟؟؟؟؟؟؟؟؟؟؟؟ من هم واليهم والسلام عليكم

[السيناريو]

الله يجزاكم خيييير على المررررور لاهنتووو

[V 8]

احذرر تروح للوكالة

ترى شغلهم ردي بالحيل


الله ييسر أمرك

[You Like Me]

الحمد لله على السلامه

ويفيدونك الاخوان بالنسبة للورش المعروفه والمجربه
ومهما كانت اسعارهم مرتفعه إلآ انها راح تكون اقل من سعر الوكاله
قس على ذلك الوقت اللي بتأخذة السيارة في الوكاله
قريب لي دخل سيارته على التأمين في الوكاله بالرياض والله العظيم شهرين جلست عندهم
والصدمه كلام فاضي رفرف ايسر وزاويه اماميه وبعد التأخير هذا كله
طلعت السيارة واللون مختلف عن باقي اللون الاصلي

[نفود حائل]

انصحك بالورش المعروفة

اقل تكلفة واسرع وقت والاهم احسن شغل من الوكالة

[الخِيال]

ورشه المشيطي في بريده