15 نوفمبر 2015 - 16:514 نوفمبر 2015 - 21:27 منتديات مكشات


لمتابعة "الأحوال الجوية والرحلات" عبر جوال مكشات أرسل الرقم 1 إلى 809207 (اتصالات) - 601259 ( موبايلي )

::::::: تابعونا على تويتر مكشات :::::::


المنتدى لازال قيد التطوير ، وسيتم حل المشاكل وإكمال النواقص قريبا إن شاء الله

::::::: تطبيق مكشات للأجهزة الذكية :::::::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية
صفحة 1 من 3 123 الأخيرةالأخيرة
النتائج 1 إلى 15 من 31

الموضوع: اليايات الإسترالية .... أفيدوني !!!

  1. #1
    تاريخ التسجيل
    Apr 2007
    المشاركات
    257

    اليايات الإسترالية .... أفيدوني !!!

    السلام عليكم ورحمة الله

    "أدري ابطول عليكم بالأسئلة بس تحملون شوي "

    ياجماعة مكشات أفيدوني عن اليايات الإسترالية أمامية وخلفية

    بالنسبة لسيارات اللاندكروزر gxr 2011


    س / كم سعر اليايات الأمامية والخلفية مع التركيب ؟
    وكم سعر المساعدات ؟


    س / ما هو أنسب إرتفاع بالسنتميتر للخلف والأمام ؟
    أم يقاس بالضغط أو برقم لليايات أم بالوزن كغ ؟

    س / هل يلزم تغير المساعدات الأمامية الأصلية وتركيب مساعدات استرالية أيضا عند تغير اليايات ؟

    س / وأين افضل ورشة لتركيب اليايات والمساعدات بالرياض ؟

    س / وهل يلزم وزن أذرعة بعد تركيب المساعدات واليايات الإسترالية الأمامية ؟ وأين أفضل ورشة لوزن الأذرعة ؟

    لأن مخي انسحل من الشباب كلٍ يعطيك راي يخالف الي قبله

    وسألت محل الرماية الي بالرياض بطريق التخصصي

    " كان فيه فلبيني والحين باكستاني "

    وبداء يخربط علي وعطان سعر مو معقول فوق 3000 ريال

    وبارك الله فيكم
    ===========
    [CENTER][FONT=Franklin Gothic Medium][SIZE=4]
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي


  2. #2
    تاريخ التسجيل
    Nov 2007
    الدولة
    نــ ج ـــد العذية
    المشاركات
    7,359

    رد: اليايات الإسترالية .... أفيدوني !!!

    بكرة اعطيك العلوم كاااااااااملة يابعدي
    اللهم ارحمني واغفر لي ولوالدي والمسلمين اجميعن
    اللهم حقق ما يجول في سرائر قلبي

  3. #3
    تاريخ التسجيل
    Sep 2009
    المشاركات
    804

    رد: اليايات الإسترالية .... أفيدوني !!!

    س / ما هو أنسب إرتفاع بالسنتميتر للخلف والأمام ؟
    لاتعدى 5 سانتي لانه يضر عمود الكردان اظن اسمه كذا

    أم يقاس بالضغط أو برقم لليايات أم بالوزن كغ ؟
    على مااظن فيه ثلاث انواع من ناحية الوزن
    طبعا الوزن القوي يقولون انه يشعر الشاصي ويقص الظهر قص
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  4. #4
    تاريخ التسجيل
    Nov 2007
    الدولة
    نــ ج ـــد العذية
    المشاركات
    7,359

    رد: اليايات الإسترالية .... أفيدوني !!!

    س / كم سعر اليايات الأمامية والخلفية مع التركيب ؟
    وكم سعر المساعدات ؟

    مر على الرماية يالغالي لانه الوكيل ليايات ARB
    اولد مان


    س / ما هو أنسب إرتفاع بالسنتميتر للخلف والأمام ؟
    أم يقاس بالضغط أو برقم لليايات أم بالوزن كغ ؟


    على حسب استعمالك يا بعدي وتختلف من واحد لثاني وعلى حسب اغراضك
    انا عزبتي كاملة مع تانكي ماء 145 لتر ما تنزل ابد رافعة من ورا 7 سم

    اما اليايات لها ارقام

    وانت اعتقد والله اعلم يصلح لك

    امامي 700
    خلفي 721

    من الامام 3 سم
    ومن الخلف 5 سم

    ورساوة وقوة تحمل ورفعة زينة لك يا بعدي





    س / هل يلزم تغير المساعدات الأمامية الأصلية وتركيب مساعدات استرالية أيضا عند تغير اليايات ؟
    الافضل ان يكون الكت اي الطقم كاااااااامل
    عشان تقدر وتعرف التغيير



    س / وأين افضل ورشة لتركيب اليايات والمساعدات بالرياض ؟
    ورشة الرماية A R B
    عند الفلبيني الفريدو -- سلمني عليه الذيب
    -


    س / وهل يلزم وزن أذرعة بعد تركيب المساعدات واليايات الإسترالية الأمامية ؟ وأين أفضل ورشة لوزن الأذرعة ؟
    نعم يلزمك يالغالي

    والعضيب والمجد خير من يقوم بذلك



    لأن مخي انسحل من الشباب كلٍ يعطيك راي يخالف الي قبله

    وسألت محل الرماية الي بالرياض بطريق التخصصي

    " كان فيه فلبيني والحين باكستاني "

    وبداء يخربط علي وعطان سعر مو معقول فوق 3000 ريال

    وبارك الله فيكم

    انا مجرب واعوذ بالله من كلمة انا واغلب القياسات جربتها

    وان بغيت علوم زود راسلني على الخاص وابشر بالشبب

    ***

    أخوك سليمان الظفيري

    ابو صالح

  5. #5
    تاريخ التسجيل
    Apr 2007
    المشاركات
    257

    رد: اليايات الإسترالية .... أفيدوني !!!

    سيف الظفير

    كثير السؤال

    بارك الله فيكما

    ولكن

    هل يلزم تغير المساعدات الأمامية عند تغير اليايات ؟

    لأن المساعد الإسترالي غالي جدا وشد البلد جيد ومافيه شئ

    فليش أغيره !!!

  6. #6
    تاريخ التسجيل
    Jul 2008
    المشاركات
    679

    رد: اليايات الإسترالية .... أفيدوني !!!

    انا ركبتها على 2008 و2010
    خذتها من الرمايه امامي وخلفي بـ1180 تقريبا مقاسها اتوقع 720 و721
    انت عطهم الموديل وهو يسلمها لك ,, لان الموديل القديم له نوع والجديد له نوع
    الارتفاع تقريبا5 سم
    ركبتها عند ورشة مرات بالصناعية القديمه وهذا رقم المدير ابو علي 0506436883
    ومايحتاج تغير المساعدات مساعداتك جديده وتقوم بالغرض
    وبعد التركيب على طول للميزان اللي قباله البلاد او اللي جنبه المجد او اليرموك وبالتوفيق ان شاء الله
    لا اله الا الله
    وحده لاشريك له
    له الملك يحي ويميت وهو على كل شي قدير




  7. #7
    تاريخ التسجيل
    Jan 2011
    المشاركات
    268

    رد: اليايات الإسترالية .... أفيدوني !!!

    بالنسبة للمساعد
    اذا ركبت الياي الاسترالي ما يلزمك انك تركب مساعد استرالي
    تقدر تركبه على مساعد البلد
    بس
    يبلك اول شي تسخن الياي عشان يركب
    وراح تروح عليك الرساوة وراح يلعب وجهه
    فنصيحة خذلك طقم مساعدات مع يايات افضلك

  8. #8
    تاريخ التسجيل
    Jun 2010
    المشاركات
    1,550

    رد: اليايات الإسترالية .... أفيدوني !!!

    بسم الله الحمن الرحيم

    السلام عليكم ورحمة الله وبركاته


    هذا شرح مبسط حاولت اني اوصل فكرة عمل ياي الوكاله و الياي الاسترالي والفرق بينهم .. وهل تحتاج لتركيبها ام لا ؟
    وماهي الانواع المناسبه لسيارتك .. وماعمل المساعدات الاسترالية وفرقها عن اليايات ..


    وقسمته لثلاثة محاور رئيسية .. <***** يبي يلقي محاضرة نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي..

    ملاحظة .. المقصد بالياي والمساعد الاسترالي هو الرياضي ولكن سمي استرالي نسبة لبلد المصنع . وهي التي تستخدم في الراليات ورياضة السيارات .



    اليـــــايــــات(السبرنقات) :

    كثير من الشباب يسمع عن اليايات الاستراليه وانها ممتازة .. وممكن انه يغير يايات موتره ..
    وهو مايدري وش السالفه بالظبط ..
    ووش فايدتها وميزاتها وسلبياتها ..
    يعني مع الخيل ياشقرا وبسنقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي ..

    اولا هذي شكلها ومكانها .. وتكون عند كل كفر ..


    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي




    ومهمتها انها تشيل جسم السياره .. وتجعلها مريحه وسلسه في المطبات ..

    يعني ان السياره تكون على سبرنق .. ينظغط في المطب القوي ويتمدد في الحفر ..
    بحيث يعطي مرونه للكفر وحريه انه يتحرك للاعلي والاسفل بدون ما يحرك معه جسم السياره ..

    وميزته انه يجعل السياره اكثر راحه ..

    لكن ..


    لو حملت اوزان كبيره ..

    بينظغط ياي الوكاله للاخير .. حتي يتطابق على بعض وما يكون له مجال انه يتحرك ..
    ويكون عباره عن كتله من الحديد.. ويبدا جسم السياره يضرب في الاجزاء السفليه..


    وايضا عند الانعطاف الحاد .. ينضغط الياي من جهة الانعطاف .. وتميل السياره بشكل كبير ..

    هنا ناتي لفائدة الياي الاسترالي ..


    الياي الاسترالي مصنوع ومفتول من حديد اعرض واسمك من ياي الوكاله وعدد لفاته اكثر فيعطيه قوه في التحمل .. بحيث ما ينظغط بسهوله ..

    وبالتالي ما تنزل السياره عند التحميل ولا تميل عند المنعطفات الحاده .. وتكون اكثر رساوة.

    وكلما زاد عرض الحديد للياي الاسترالي وكثرت لفاته .. زاد تحمله ومقاومتة للانضغاط..

    وهذي صوره للياي الاسترالي .. ولاحض سمك الحديد وعدد اللفات ..

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    وهذا ياي الوكاله .. ولاحظ الفرق في سمك الحديد وعدد اللفات اقل ..

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    ميزات الياي الاسترالي ..

    1 - اكثر رساوة في المنعطفات والسرعات العاليه ..
    2- عدم نزول السياره عند التحميل ..
    3- ارتفاع السياره" بحسب رقم الياي" ..

    سلبياته :

    1- في حاله عدم التحميل يكون اقل راحه من ياي الوكاله ( مطبه قاسي) .



    طيب لماذا تويوتا لم تضع من البدايه الياي سميك وعريض في المفخرة ..

    والجواب ان غالب الاستعمال يكون عادي ومتوسط.. فيتم تصنيع مواصفات السيارات على اساس انها تستخدم للتحميل 8 اشخاص عاديين باغراض عاديه ..


    لكن

    في السفريات و التحميل عندنا ..

    تحصل في السياره 7 حريم و3 رجال و12 ***.. و 13 شنطه و 8 جراكل زمزم من مكه وكرتونين رمان لجدتهم نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي .. مثل هالصورة ..


    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    ههههههه..

    ثم يقول اليابانين ابخص .. وخل الموتر شد بلد .. ولانيب مغير شي ..


    هذا خطاء وخطر وتحميلك الزائد في السفر .. يعتبر استخدام خاص وليس عادي . ويجب اضافة متطلبات لهذا الاستخدام الشاق ..


    طيب هل تحتاج الياي و كيف تختار الياي المناسب لك ؟

    اشوف ان الشباب ينقسمون لقسمين ..

    الاول .. ناس راعين سفريات وتحميل و بر (لكن ليس تطعيس ) وهم الاغلب .


    فاذا كنت تستخدم السياره استخدام عادي للدوام وسفريات بدون تحميل كثير وطلعات خفيفه للبر ..

    ماتحتاج ياي استرالي ..

    اما اذا تحميلك قليل .. ممكن تغيرالخلفي فقط لـ 720 يكفيك ..
    "سيتم شرح الارقام لاحقا .."
    واذا كنت تستخدم السياره للسفر والتحميل الزائد وللبر تانكي ماء وعزب واغراض ..

    "مثل الصورة الي فوق "

    فينصح بانك تغير الياي الخلفي فقط , بالرقم 721.. ليتحمل هذه الاوزان ..وايضا يساعد في الحفاض على توازن السياره في المنعطفات ..

    واذا اكثر من كذا .. عليك بـ 722 .. او 723 اذا انت تحمل حواشي وقعدان ..


    اما القسم الثاني ..

    فهم راعين الجلد وكرف الموتر والتطعيس والمطامر .. وهم الاقل ..

    وهؤلاء لازم انهم يغيرون الياي الامامي ايضا .. ويفضل المساعدات اذا رجلك ثقيله مره ..

    لان الياي الامامي يصلح للي يراقى ( يطاعس) وللجلد بالردميات وغيره ..

    ويفضل انه يغير المساعدات مع اليايات عشان مايلعب وجه موترع بالبر والطعوس ..

    واعتبر هالصورتين تمثل الفشل الذريع لياي ومساعد الوكاله في التطعيس ..

    شف كيف طالع فوق..

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي


    وهنا كيف نازل مررره ..

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    وهذا يسبب ارتطام وجهية السياره بالارض .. فينكسر الصدام او يحك الكفر الامامي بالصاجه واقلها انك تفقد السيطره على السياره ويضيع عزم الموتر ..

    لذالك الي من هالنوع ..

    يركب ياي استرالي مع مساعدات استراليه ..

    مثل هالصورة ..


    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي



    الفرق بين الياي الاسترالي والمساعد الاسترالي:

    الياي السترالي قلنا انه عريض ويقاوم الانضغاط وعدد لفاته اكثر .. لذلك فهو يقلل من مدى تحرك السياره للاعى والاسفل ..

    يعني ..

    لو اخذت لك مطب بياي الوكاله ... بترتفع وجيه السياره 10 سم (مثال) ثم تنزل 10 سم ..

    اما الياي الاسترالي .. يترتفع 5 سم وتنزل 5 سم فقط ..

    يعني الياي الاسترالي يقلل من مدى ارتفاع ونزول السياره .. " مثل الصورتين في الاعلي "


    اما عمل المساعد كالتالي ..

    تخيل ان السياره بدون مساعدات .. ايش بيصير ..

    لو اخذت مطب بنقز الموتر ويستمر يطلع وينزل ويناقز ولن يثبت الا بعد ما يرتج مخك ..
    وهذ ميزة المساعد ..

    انه يمنع السياره من الارتدادات او المطامر بعد المطب .. والاستمرار فيها ..

    وميزة الاسترالي انه بعد ما تاخذ مطب (مثلا ) يطلع وجه الموتر ويثبت مباشره بعدها ..

    اما مساعد الوكاله .. فيطلع ثم ينزل ثم يطلع ثم ينزل ثم يثبت .. حتى لو انك مركب ياي استرالي ..

    وميزة مساعد الوكاله انه مريح لكن بالبر .. ما ينفع ولا بريال وربع ..

    لانه ممكن يستمر في المطامر حتي يظرب وجهه في الارض من شده القفزه او الظربه ..
    لذا لابد من تثبيته .. وهذه مهمة المساعد الاسترالي .. انه يثبت السياره..


    الخلاصه ..

    الياي الاسترالي يقلل من مسافه تحرك السياره للاعلى والاسفل ..

    المساعد الاسترالي .. يثبت السياره ويمنعها من تكرار التحرك للاعلي والاسفل ..



    انواع اليايات والمساعدات الرياضية :

    المتوفر للاندكروزر تقريبا ثلاث انواع ..

    النوع الاول ..

    كت كامل (طقم كامل) اربع يايات واربع مساعدات .. يباع مع بعض .. اليايات و المساعدات ..

    الماركة : lovells
    الصناعة : استرالية
    القيمة : 3200 ريال تقريبا. للكت كامل .
    موقع البيع : محل 4500 في شارع الثلاثين في حي الربوه بالرياض وهو وكيل فلاتر K&N بالرياض .
    رقم التواصل : صاحب المحل .. الاخ عبدالله .. 0558884500 من طرف ابوشهد تويوتا العربية .

    يرفع السياره 1 سم عن الوكاله .. وهو جيد للي مايبي يرفع سيارته كثير .. ويباع الكت كامل.

    ولايوجد منه مقاسات .

    ولم اجربه ..

    وهذا رابط موقع الشركة ..

    Lovells Pty Ltd - Suspension for the ride of your life

    صور للطقم ..


    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي


    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي



    النوع الثاني ..

    كت كامل (طقم كامل) اربع يايات واربع مساعدات ..يباع مفرق .. كل مساعد او ياي لوحده ..

    الماركة : Old Man Emu Suspension
    الصناعة : استراليه .. تجميع صيني .
    القيمة : 500ريال تقريبا.*للياي الواحد.
    مواقع البيع :مراكز الرماية + محل 4500

    يرفع السياره من 1سم حتى 7 سم حسب مقاس الياي ." بدون اي اغراض او تحميل" .
    ومقاساته كالتالي :

    720 يرفع 2- 3 سم ..
    721 يرفع السياره من 3-4 سم وهو المناسب لاستخداماتنا ..وهو الي بالصور المرفقه ..
    722 يرفع السياره من 4-6 سم , عريض جدا ..ويتحمل اوزان عاليه .
    723 6 -7 سم وعريض جدا .. ويتحمل اوزان عاليه جدا .
    724 غير متوفر .. حسب الطلب
    725 غيرمتوفر..حسب الطلب
    726 غيرمتوفر..حسب الطلب


    وتمت تجربته وممتاز ..

    لكن مشكلته في حالتة تركيب اليايات الامامية على مساعدات الوكاله .. لازم تسخن وتوسع الياي ..

    وهذا رابط موقع الشركة ..

    ARB Products | ARB 4x4 Accessories

    وهذي صور الطقم ..

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي



    النوع الثالث ( الافضل في تقييمي ) ..

    يايات استرالية .. يرفع السيارة (وهي فارغه) من مقاس الوكالة .. حتي 7 سم .

    الماركة : king springs
    الصناعة : استرالية اصلية .
    القيمة : 1350 للطقم.*
    موقع البيع : محل 4500 .

    يرفع السياره من مقاس الوكاله .. حتى 7 سم


    وتمت تجربته وعندي يعتبر الافضل .. وميزتها ان اليايات الاماميه تطبق على مساعدات الوكاله الامامية بدون توسيع او تعديل.

    وهذي صورتة الياي وهو راكب على مساعد الوكاله الامامي بدون تعديل . او توسيع .
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    وهذا رابط موقع الشركة ..

    King Spring Automotive Aftermarket Springs

    صورة الطقم ..

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي









    صورة جماعيه للانواع الثلاثة .. ومكتوب عليها اسمائها بالاحمر .. والاصفر يعتبر الافضل ثم الاسود ثم الازرق (مناسب للاستخدام الخفيف) .

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي







    وأخيرا ..

    ارجو اني قدمت شي يفيد اعضاء القسم والغالين على قلبي ..

    ولكم ارق التحيه والود ..


    منقول للفائده
    __________________

  9. #9
    تاريخ التسجيل
    Apr 2007
    المشاركات
    257

    رد: اليايات الإسترالية .... أفيدوني !!!

    النايف 999
    أبو محمد 2011

    مشكورين على التعليق والمرور الكريم

    وما قصرتوا الله يعطيكم العافية

  10. #10
    تاريخ التسجيل
    Apr 2007
    المشاركات
    257

    رد: اليايات الإسترالية .... أفيدوني !!!

    قناص 2000

    وافي ونقل يستحق التقدير

    لا عدمناك أخ عزيز

    لكن لو أعدت تحميل الصور خصوصا راعي كرتونين الرمان لجدتهم " شكله أنا "

    يعني أفهم منك

    اني اركب قدام يايات رقم 720 مع المساعدات

    والخلفي 721 بدون مساعدات

    أنتظر ردك يالغالي

    وننتظر المزيد من بقية الإخوان

    ومشكور

  11. #11
    تاريخ التسجيل
    Jun 2010
    المشاركات
    1,550

    رد: اليايات الإسترالية .... أفيدوني !!!

    اخوي البديوي ولا يهنون الاعضاء. مساء الخير
    الشرح واضح بس من ويجهت نظري ركب مساعدات شاص زيت وليس غاز للاحطياط عشان تكتمل العدة كاملة مع اليايات ومساعدات ولاننسى ارقام النيسان تختلف عن التويوتا وان اخوك
    لكن احسب الوزن مع العزبه والتوانك الاضافية ثم اختر المقاس المناسب حاول بقدر ماتستطيع عدم اخذ المقاس الكبير بالارتفاع حتى لا يعمل على شد العضلات السيارة لأقصى حد في هذه الحالة ماراح ترتاح السيارة وكل فترة راح تغير جلد وخلافه.
    وفالك التوفيق ان شاء الله.
    وتقبل تحيات.

  12. #12
    تاريخ التسجيل
    Jan 2010
    المشاركات
    124

    رد: اليايات الإسترالية .... أفيدوني !!!

    جزاك الله خير على النقل
    موضوع طيب وجميل يستحق التثبيت

    بيض الله وجهك

  13. #13
    تاريخ التسجيل
    Aug 2009
    الدولة
    جنوب المملكة
    المشاركات
    385

    رد: اليايات الإسترالية .... أفيدوني !!!

    بيض الله وجهك أبدعت ماشاء الله عليك مع العلم إن المحاضره أرحم من هذا الشرح نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  14. #14
    تاريخ التسجيل
    Apr 2007
    المشاركات
    257

    رد: اليايات الإسترالية .... أفيدوني !!!

    lo8oo8ol

    عمر الشريف

    أشكركم على المرور والتعليق

    وشكر الله للجميع على الإفادة

    أخوكم أبو علي نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي


    .

  15. #15
    تاريخ التسجيل
    Oct 2008
    المشاركات
    210

    رد: اليايات الإسترالية .... أفيدوني !!!

    الله يعطيك العافيه اخوي بديوي2
    انا والله ابي اسال من زمان عن اليايات والمساعدات الاستراليه وانت
    سبقتني واسالتك فادتنا صراحه كثير لكن والله مافهمت هاك الفهم لان انا موتري يختلف

    واسالتي ياشباب ان موتري لاندكروزر 2007 ومركب فيه كعكات
    وودي اشيلها واركب هاليايات من زمان لكن يوم قريت الموضوع لحستو عقلي بارقام المقاسات
    بس اللي ابيه منكم لاهنتو تنصحوني بالزين والمجرب منهن
    يعني اركب الطقم كامل
    ولا اركب بس يايات خلفيه ومساعدات اماميه
    ولازم من وزن الاذرعه لان والله العضيب صلخنا بالوزن والكبس
    لاني والله خبرتي فيها لك عليها
    علما اني رحت الرمايه ومافهمت من البنقالي شى بس يقول مافيه تركيب عندهم

    ياليت تفيدونا لا هنتو


    تحياتي واشواقي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

صفحة 1 من 3 123 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •