التحذير من السفر الي البوسنة والهرسك بدون تصريح (عاجل)

[رايكارد]

المشكلة عند التجديد

السلام عليكم جمعيا حبيت اوضح للجميع ان اخوي رجع من البوسنة والهرسك وبعد رجوعه بثلاثة اشهر راح يجدد جوازه وبعد ان استلم موظف الجوازات جواز اخوي جلس الموظف يشييك على صفحات الجواز لين وصل لفيزة البوسنة والهرسك وقال لاخوي وش هالفيزا قال له اخوي هذي فيزا البوسنة وقاله هل عندك تصريح للسفر هناك قال له اخوي ماعندي انا رايح سياحة وسجلت جوازي بالسفارة السعودية قال موظف الجوازات ان السفر للبوسنة ممنوع الا بتصريح وهذا واضح باستمارة التعهد لاصدار الجواز ومالي دخل انك سجلته بالسفارة انا علي تطبيق النظام وتم سحب الجواز وتم احالة اخي للتحقيق وتم منعه من السفر لمدة سنة مع الرأفة مع تعهد بعدم تكرار السفر الا بتصريح لذا حبيت احذركم يا اخواني من هذا الامر مع ان السفير السعودي هناك في البوسنة حبيب وتعامله زين ولم يسال اخوي او السعوديين اللي هناك هل معكم تصريح او لا لذا احذروا يعني المشكلة عند تجديدك الجواز تبدأ المشكلة وخليك في السليم ويا زين سويسرا وتركيا بدون وجع راس

[sato4]

جزاك الله خير على التنبيه

[ابوعمر1397]

المضحك في الامر ان خانة الدول الممنوع السفر لها في استمارة استخراج وتجديد الجواز السعودي خالية من اي اسم ويقوم المواطن بالتوقيع على التعهد على بياض

والله يا جماعة اني مطلع جواز لاول مرة وبعد ما عبيت الاستمارة ووقعت على التعهد على بياض استلم الموظف الاستمارة واستخدام ختم كبير ويوم سالته قال هذي الدول الممنوع السفر لها
قلت له خلني اشوف قال لي معروفة اسرائيل وافغانستان وتايلند ورفض اشوف الاستمارة

[ابوضيف الله]

يارجال لو اخوك يعرف احد منهم كان مشاه الكلام كله على العسكري اللي يشيك الجواز وبعد مايشيكة يخرمة بالخرامة ويعطيك اياه انا رايح مرتين لتايلند ورجعت وجددت الجواز والله يعينه عليهم وعلى غثاهم

[جذآآآب]

اقول والله الظاهر ان السفر لسرائيل اهون من افغانستان وتايلند
اقل شي نصلي بالقدس

العالم وصلت صطح القمر وهذولا شغلتهم وين رايح وين جاي

رحو شوف الاجانب المتخلفين الي سببو لنا مشاكل بالبلد

[منصور الشمري]

مشكور اخوى على المعلومات المفيدة لاخوانك السعوديين