رشيت موترك ؟ عطنا تجربتك << أبرش المزيون :p

[patrol vtc]

بسم الله الرحمن الرحيم ,,

السلام عليكم ورحمة الله وبركاته ,,

صباح \ مساء .. الخير بالأخوان الطيبين

عندي الله يسلمكم الباترول 1999 بوية الكبوت وباب السواق مبهته ,,
فحبيت أرشهن تجميلي ,,

فأحسن الورش بالرياض ,, للرش ؟

اشوف الناس تمدح الوفاء , ويقولون اسعارها غاالية لكن شغل كوويس

وفيه بعد وجدان أتراك

فاللي عنده علم يفيدنآآ عن الزين منهم , ولا أي وررشة يخبرهآ زينه ,,

وكم السعر التقريبي لرش الكبوت باب السوواق ,,

وعمتم صبآآحاً

[فتى الوادي]

سيارتي في ورشة عالم السيارات ولم تنتهي حتى الآن ..
إن شاء الله بعد اسبوع تنتهي واقول لك على الشغل .

[ماون ماركز]

أعتقد أني رشيت موتر قديم موديل 89 فورد عند وجدان
قلبت اللون من أسود الى أبيض
كان هذا قبل 11 سنة وبعتها قبل سنتين وبويتها تلمع

[عبدالرحمن السالم]

فيه ورشة الغامدي بالصناعية القديمة ، اعرف ناس ترش عندها وممتازه جداً
واحد من اخوياي رش عنده شروكي وماشاء الله تقول وكاله ، واحد من الشباب برضو باثفندر سمكره بسيطه مع رش وماشاء الله تقول جديد
وهو اعتقد الوكيل المعتمد لبويات السيارات بالصناعية القديمة

[نومـ11111س]

ورشة رنيم الجنوب في الصناعية القديمة

اللي مشرف عليهم وموجود بالورشة دايم راعي الورشة ابو فيصل

رجل خلوق ومتواضع بكل ما تحمله الكلمة ، واسعاره معقوله جداً ، والدهان والسمكري عنده شاطرين

اشتغلت عنده موتري قبل شهر وشوي سمكرة وبوية والحمد لله من احلى مايكون

[فتى الوادي]

كما وعدتك هذه بعض صور لسيارتي بعد قلب لونها من بني إلى أبيض :
والشغل في ورشة عالم السيارات بصناعية الرياض القديمة ..
وأنبه إلى شغله مهمة : وهي : أضبط كلامك مع مدير الورشة .. يعني أي شيء تبيه يسجله لك في الفاتورة من الضمان إلى الرشة أسفل السيارة .. وقطع الغيار اللي بيصلح فيها .. والكلبسات والمسامير على حسابك أو حسابهم .. ومثل هذه الأمور أضبطها ولا تستحي تكتبها في الفاتورة لأنه يمكن يفقد الذاكرة ويقول أنت لم تطلب هذا .. او لم نتفق على الشغلة هذه ... الخ
هذه بعض الصور والضمان الرسمي ( 3 ) سنوات .. وعلى كلام المدير اي حاجة في البوية وفي اي وقت تحت مسؤلية الورشة والله المستعان :

[PATHFINDER 4]

رشيت موتري في ورشة الفيصل صناعية العروبة
الشغل اعطيه 80 % والسبب اللمعة في الدهان احس زايدة عن الوكالة

[patrol vtc]

الله يجزا الجميع كلل خير ,

أخوي فتى الوادي : ما شاء الله تبارك الله , ررشة موترك جمييلة جداً , وللمعة وكااله , صدقت بعض الناس يتعامل مع المكتوب أفضل , الله يطعمك خييره , ويكفيك شره , وتعتبك معي بتنزيل الصوره :$

اخوي باثفاندر : ما شاء الله , أتوقع مع الووقت تخف اللمعة ؟ ولآ

ووالله يجزا الجميع كل خير , ويوفقهم دنياً وآخرره ,,

<3

[خبايا انسان]

ماشالله معلومات وافرة وقيمه . . بالنسبه لي على كثر مارشيت السيارات الي عندي . . ولا رشة عجبتني كلها شغل اي كلام مع اني اروح لورش معروفه ومشهود لها بالخبره . . بس اتوقع العيب فيني @_@

[ابوعلي911]

اهم شيء اذا جيت تتفق مع الورشة يكون كل شيء مكتوب حتى مايصير فيه تلاعب او تهاون...ما كان شرط كان سلام....والله يوفق الجميع