تعطل كمبرسر البترول ورهمنى تفاصيل داخل( صور للفائده)

[هواي البر فهد]

بسم الله الرحمن الرحيم
الحمد لله والصلاة والسلام على رسول الله وعلى آله وصحبه ومن والاه.. أما بعد:
الأخوة الأفاضل
السلام عليكم ورحمة الله وبركاته

قدر الله وكمبرسر البترول تعطل
ومثل منتم عارفين قيمة الكمبرسر الجديد فوق 2000ريال وبالتشاليح 600 وفوق هذا اذا لقيته

المهم قرأت ان كمبرسر الددسن يركب وفعلا جيت وفتحت كبوت الجيب وفتحت كبوت الددسن لقيت نفس الشي

والهم اتجاه المواصير واحد

فزعلي رجال شرواكم خوي لي بكمبرسر ددسن 94

وخذيت ورحت لواحد اعرفه بالقرايا فاهم المهم قلت له وفهمته وش السالفه والله بسرعه نسدح تحت الموتر وراعاله وشاف الكمبرسر الي جبته حق الددسن وبعد فحص وتسدح تحت السيارة قال سيم سيم صديق

قلت لايكثر باشر الشغل ياطير شلوى


وهذي الصور للفائده

الموتر جيب بترول ربع مكينة 4200 مديل 99 وكمبرسر ددسن 94


وملاحظه ددسن من تحت مديل 95 يركب على لبترول

وهذي صور

كمبرسر ددسن وتنظيفه وفحصه قبل تركيب









هذا كميرسر لقديم بعد مانفك



تركيب لجديد















ولحمد الله شغال ويبرد

تكلفه لكبرسر جاني عطي من خوي بيض الله وجهه
وشغل مع لفريون 250

ملاحظه تغيير زيت لكمبرسر بزيت فريون 134

]وسلامتكم

[عالي الكيف]

ماطلعت الصور يافهد

؟؟؟؟؟؟؟

[سرطوقا]

ماقصرت وبيض الله وجهك [ وشرواك الطيب يابعدي ]


شغل

تفكير

نتيجه

ابدعت


واصل ولاتحرمنا من جديدك


تحيتي

[بدوي جنوبي]

ممتاز يا فهد
فيها كمبرسرات كثير تركب لسيارات ثانيه
قد ركبت كمبرسر كروان على سيارة لكزس وأشتغل تمام

[عاشق السيل]

معلومة وفائدة أغلى من الذهب !!!!

بيض الله وجهك يالذيب على هالتقرير الأكثر من رائع وتقديم المنفعة لاخوانك جعلها بميزان حسناتك وغفر الله لك ولوالديك .....

[و لد ملهم]

الله يجزاك خير على الفايده لكن عندي سؤال كبروسر الددسن يركب على الفتك 2006 ؟

[المرتاع]

ماقصرت وبيض الله وجهك

[ALBDRANE]

مش أمورك تمشي

[abdulrahmanfd]

ما شاء الله تبارك الله

واحد من الشباب معاه باترول مكينته 4500 كربريتر

والكمبرسر اللي عليها ايسوزو لكن ما ادري عن تفاصيل الموديل الدعوة ترهيم بترهيم

لكن المشكلة الوحيدة اللي واجهته هي السير لكن يسر الله امره وباع المكينة بكبرها

لكن الجميل بالامر مسألة الترهيم وكيف انها احيانا توفر عليك الشيء الكثير هذا بالطبع ان كانت نتيجتها صح 100%

ما قصرت اخوي

والله يعطيك العافيه

[sgl2002]

طيب الددسن الجديد هل يركب الكمبرسر حقه على باترول زي اللي معك

وهل أقدر اشتري جديد حق 94 يعني باقي موجود

[راشد الجريبة]

ما شاء الله تبارك الله
الله يعافيك وما قصرت على التوضيح بالصور

[عبدالرحمن السالم]

ماشاء الله تبارك الله
هذا الكلام المضبوط ، لابد ان الواحد يشوف قطع بديله تركب على سيارته
شاكر ومقدر لك على هذا الطرح ، والله يعطيك من خيره ويكفيك شرهه

[الطرس ممدوح]

بيض الله وجهك
يالذيب على هالتقرير
الأكثر من رائع وتقديم المنفعة

[رفيع المقآم]

كفو والله

وانا واثق ان كمبروسر الدقسن الجديد مايتعدى 1000 ريال

يعني لو بتركب جديد بتنساه 10 سنين

وانا كد سمعت من واحد يركب كمبروسر السوناتا على الفورد الفكتوريا والماركيز

والله يوفق الجميع لما يحبه ويرضاه

[صحراء الدهناء]

طيب عندي سؤال .. اللي هو مكينة الباترول قويه هل مع السرعه يخرب الكمبروسر بحكم مكينه الددسن اضعف من الباترول


والله يبارك لك في موترك