السلام عليكم
.
نكمل ما بدأناه وبالله التوفيق ....
.
قلنا إنا رقينا الظهرة من عند شعيب القسومي متوجهين للشرق تقريبا إلى أن وصلنا وادي الباطن وكان يحدنا شبوك ومشينا شمال إلى أن نزل بنا الخط على الوادي ومشينا ولقينا فيضة صغيرة بس كانت ملفته للنظر بعدها كملنا طريقنا جهة الشمال ويأخذ بالشرق شوي مع بطن الوادي متوجهين لفيضة ظلما والفياض اللي على طريقها مرينا على فيظة فيها عشر ما دري بصراحة وش اسمها
وبعدها فيضة أم عشر وعلامتها فيها عشر وفيها طلحتين
.
.
وبعدها مر علينا قبور أظنها اللي ذكرت بالتحقيق السابق المتوقع إنها قبور للهلالية وبعدها مرينا على قلبان السبع
اللي انتبهت لها ثلاث مشبك عليها وعندها دوريه وما أشوف لها فوهه كأنه مدفونة ونابت عليها العشب .
وسبب التسمية لا أعلم ما هو ولكن محتمل إنه السبع من الضواري ومحتمل إنه عدد والله أعلم .
.
وفي اللحظة هذي قابلنا خويانا اللي كنا متواعدين حنا وياهم بفيضة ظلما ومتواصلينا معاهم بالآيكوم على قناة خاصة وهم كانت بدايتهم من الرس وحنا من الرياض .
المهم كملنا الطريق ومرين بعد فيضة أم عشر على فيضة السبع وهي بعد القلبان السبع ثم فيضة أم شَفَلَّح ثم وصلنا لفيضة ظلما
وفيضة ظلما تبعد عن هجرة أم عشر 27 كلم تقريبا جهة الشمال الشرقي وهي في بطن وادي الباطن ويوجد بها إرسال للجوالات لقربها من مدينة الملك خالد العسكرية ، لأن المناطق السابقة ضعيفة الإرسال وبعض المناطق معدومة .
وفيظة ظلما لا يوجد بها مخيمات إلا خيمة واحدة فقط وهي للأمن العام
وشفنا بالفيضة جيب ربع تبع الدوريات وجيب باترول حوض مصندق تبع الجوازات ولم نرى فيها مواشي والشرطة ما يخلونك تجلس فيها بس يدورون على الكشاته ويقولون إن المنطقة محمية لا تشبون نار ولا تطبخون ويا لله يسمحون لك بالقهوة فيها .
لا يوجد شبك حولها فقط الخيمة والجيبين اللي تدور على الكشاته .
وهذي صورة لفيضة ظلما من فوق
واترككم مع صور متنوعة من الفيضة
رد مع اقتباس
...
