نقاش لكي تعم الفائده لاصحاب الجيوب عن " جنوط الهلل "

[بدر التميمي]

السلام عليكم ورحمة الله وبركاتة


اسعد الله صباحكم / مسائكم .. بكل خير

اخواني اعضاء منتدى مكشات

مثل ماهو موضح باأسم الموضوع ( نقاااش لكي تعم الفائده لأصحاب الجيوب عن " جنوط الهلل " )


اريد منكم كل شخص يخبرنا عن جنوط الهلل سوا من الوكاله او تجاريه

وايهم افضل ومن اين نشتريها ونصائحكم بما انكم من اصحاب الخبره

وكل شخص يدلي بدلوه

اخوكم ومحبك : بدر التميمي

[كثير السؤال]

هذا رد اقتبسته من احد الاعضاء

مرحبا أخوي ,
شوف انا كنت مثلك متردد والواحد ما ينولد عالم تراني درت وفريت وفر راسي معي وطلعت بالتالي :
- هناك جنوط كثيرة وكلها صيني وشركاااااااااااات تختلف منها الردي ومنها الجيد .
- هناك نوعين نوع بارز ونوع عادي هو الي دارج بالسيارات .
والنوع الجيد عندك الصيعري والحمادي أو الحامدي المهم نوع بيت الحميد لا تقربه انواع الرجة ,
على العموم الميزان أو الترصيص يحكم لك لكن اشرط على راعي المحل إذا كان فيه رجة ترجعها وخليه يكتب بالفاتورة هذا الكلام لأنه فيه البعض من اصحاب المحلات لا يخاف الله ,
ولك مني احلى تحية .

[القنــ أبو تركي ـــاص]

والله انا ركبت جنوط هلل الصينية على جيب 97نيسان
خذيتها بــ 700 اربع مع التركيب والترصيص
ماشاء الله عليها
ما شفت منها شي مع ان الضمان كان سنة
ورجعتله وغيرت الاستبنة
لها الحين اكثر من سنة لم الاحض رجة
تحياتي لك

[بدر التميمي]

هذا رد اقتبسته من احد الاعضاء

بيض الله وجهك اخوي بس وين احصل الصيعري والحمادي أو الحامدي ؟؟؟

هل هم بالرياض

والله انا ركبت جنوط هلل الصينية على جيب 97نيسان
خذيتها بــ 700 اربع مع التركيب والترصيص
ماشاء الله عليها
ما شفت منها شي مع ان الضمان كان سنة
ورجعتله وغيرت الاستبنة
لها الحين اكثر من سنة لم الاحض رجة
تحياتي لك

لاهنت اخوي على الرد

طيب وين تنصحني اشتري منه اللي اسمعه والعالم تمدحه لزوف اللي بشارع الغرابي

[بدر التميمي]

الله يحفظكم ماشاء الله تبارك الرحمن الدخول الى هالوقت 159

والردود 2 وبيض الله وجههم ورايتهم بيضاء

يااخوان انا ابي استشارتكم تجاربكم

ارجو منكم التفاعل ولكم مني جزيل الشكر

اخوكم : بدر التميمي

[خليفان]

اذا تبيها لموتر مثل الشاص تراها ماتحمل التحميل

[خشير الذيب]

ودنا نشارك بما ينفع ولاكن لانملك الخبره الكافيه وعلى موتري جنوط باجيرو اصلي ومسوين لها تبريزه خفيفه في المخرطه وماترج ولا شي طبعا من يوم شريته ويقول راعيه انها مكلفه 1700

[أبوغيث 2003]

أنا ركبت تجاريه بـ 500 ريال ولا لاحظت أي شي سلبي

[المميـز]

:

أغلب الزملاء مركبين تجاري على سيارات باترول ولم يشتكو من شي

:

[MANSOR QATAR]

السلام عليكم ورحمة الله

انا اشوف ان السيارة اللي تجي من وكالتها وعليها جنوطها هي افضل ؟ لانها مجربه في كل شي

يعني افضل شي خل سيارتك شد بلدها ولا تغير وتحط

وجهة نظري

تقبل مني أطيب تحية وتقدير

[for]

ولا اطيب منها على جيب الشاص انا مركبها من سنتين صينيه ولا لاحظت عليها شي وسالفة التحميل تعتمد على ممشاك في الجواد الوعرة لانها معرضة تنطعج وتبدأ الرجه

[أ ب و ع ل ي]

أنا ركبت جنوط هلل مبرزات على جيب ربع وركبت عليهن بوالين ماكسس 16 ماشفت منهن شي ولا الترصيص خليته داخلي

وسألت البنشري قال هن دفعات فيهن الي مابه رجه وفيهن الي رجه

عموما مايصلحن للإستعمال القوي مثل مقناص لأنه مايخلن من الطعوج

شكرا على الموضوع المفيد

[وحش القفار]

للفائدة يوجد هناك نوع ياباني انا شاريه من الطائف قبل سنتين محفور بالداخل الصناعة ولكم تحياتي

[رفيع المقآم]

والله يالغالي

شريت صينيه ام 500 ريال

وركبتها على جي اكس 97

ومشيت عليها لين 180 ولله الحمد زي العسل

[بدر التميمي]

بيض الله وجيهكم يالربع وماقصرتو

الموتر اللي بركب عليه لاندكروزر 2007

ياخوان مثلكم عارفين الشتاء قرب وودي بالهلل والبوالين لان جنط 17 كفره غالي

وسؤال الهلل مقاس 16 مع بالون ماكسس 900 يركب اسفل الموتر مكان الاستبنه ؟؟؟؟؟

وارجع واشكركم من جديد

اخوكم بدر التميمي