اذا كنت من ملاك الاكسبيديشن تفضل

[abuffaisal]

السلام عليكم

الاخوة ملاك اسد الصحراء

هل تعطلت وانت في الطريق مسافر

هل عرفت نوع العطل كيف تصرفت وكم تكلف تصليح

الموتر ؟

مع ذكر موديل الاكسبيديشن ؟

ماهو نوع العطل او المشكلة ؟

في اي منطقة تعطل الموتر ؟

هل توجد محطات قريبة من تعطل الموتر ؟


كم كلف اصلاح العطل ؟

النصيحة المقدمة من صاحب المشكلة ؟

وذلك لتعم الفائدة .

ارجو المشاركة والتفاعل من ذوي التجارب والخبرات .

وشكرااااااا

ارجو تثبيت الموضوع للفائده العامة .

[يكفيني نظرة]

السلام عليكم..
موتري ما ابطيت شاريه 2008 مستعمل ولاسافرت عليه الا مره وحد..
طبعا انا انصح بأشياء تكون في السياره بشكل اساسي وتنقلها معك بعد بيع السياره للسياره الجديده وهي :
1- ماطور هواء وكلكم خابرين البنشر في اي وقت واي مكان والماطور يفك ازمه ..
2- واير سحب (بناء على ان معك اسد صحراء) ..
3- عدة مفكات متنوعه ..
4- من ناحيتي معي عفريته (رافعة) غير اللي تجي مع الوكاله ومفك عجلات + ولا اعتمد على اغراض الوكاله .
الاغراض حاطها بصندوق زي حق العزبه ومخليها وراء ومرتاح ولله الحمد..

[abuffaisal]

السلام عليكم..

موتري ما ابطيت شاريه 2008 مستعمل ولاسافرت عليه الا مره وحد..

طبعا انا انصح بأشياء تكون في السياره بشكل اساسي وتنقلها معك بعد بيع السياره للسياره الجديده وهي :

1- ماطور هواء وكلكم خابرين البنشر في اي وقت واي مكان والماطور يفك ازمه ..
2- واير سحب (بناء على ان معك اسد صحراء) ..
3- عدة مفكات متنوعه ..
4- من ناحيتي معي عفريته (رافعة) غير اللي تجي مع الوكاله ومفك عجلات + ولا اعتمد على اغراض الوكاله .
الاغراض حاطها بصندوق زي حق العزبه ومخليها وراء ومرتاح ولله الحمد..

وعليكم السلام

اخوى يكفيني نظرة

الله يعطيك العافية وشكرا على تفاعلك مع الموضوع

وصدقني الموضوع يستحق الاهتمام لانه ذو فائدة كبيرة لكل اصحاب الاكسبيديشن

وخاصة انه ممتاز للسفر العائلي .

تقبل تحياتي،،

[سعد777]

تسلم على هذا الموضوع

طبعاُ انصح بعفريته غير اللي فيه مشكلتها ثقيله الرفع والله تاخذ وقت وجهد او رهم لها عصى ذات محور تدور بسرعه اليد معك

يثبت الموضوع للفائده

[سعد777]

اعطال ولله الحمد لم تصادفني إلا طربمه البنزين وشريتها من الوكاله بـ 800وعليها وشغل يد بـ 300 ريال
لأنها تحتاج فك كامل للتنانكي
احسن مافيه تعطل بي في البلد وليس على الطريق
وللمحافظه عليها
لا تترك البنزين ينزل تحت الربع هذا إذا انت تبي تحافظ عليها مهم جداُ

[abuffaisal]

اعطال ولله الحمد لم تصادفني إلا طربمه البنزين وشريتها من الوكاله بـ 800وعليها وشغل يد بـ 300 ريال

لأنها تحتاج فك كامل للتنانكي
احسن مافيه تعطل بي في البلد وليس على الطريق
وللمحافظه عليها

لا تترك البنزين ينزل تحت الربع هذا إذا انت تبي تحافظ عليها مهم جداُ

اخوي سعد777

شكرا علي تثبيت الموضوع وان شاءالله يتم الاستفادة منه بنقل تجارب الاخوة الاعضاء

والله يبعد عنا واياكم الاعطال .

تقبل تحياتي ،،

[LJB]

السلام عليكم عندي مشكلة في اكسبدشن2006 المشكلة انة بعض الاوقات عند القومة عند الاشارة يصير ثقيل مهما تدعس تحس كان السيارة مربوطة في الارض هلا من حل ياشباب واين تقع صفاية البنزين

[ابو_عثمان]

السلام عليكم عندي مشكلة في اكسبدشن2006 المشكلة انة بعض الاوقات عند القومة عند الاشارة يصير ثقيل مهما تدعس تحس كان السيارة مربوطة في الارض هلا من حل ياشباب واين تقع صفاية البنزين

أخي LJB اسعد الله أوقاتك
بالنسبه لما ذكرت انه يصير ثقيل عند القومه
من 1996 الى 2009 او 2010 كلها المروحه بها تماتيك عند ارتفاع درجه حراره المكينه عن الحد المسموح يقفل التماتيك اللي بالمروحه عشان تبرد المكينه وتصير القومه ثقيله بعدين يفصل عند رجوع الحراره لمعدلها الطبيعي . وهذه موجوده بأغلب السيارات وخاصه الياباني لاحظ VXR في الصيف عند القومه ثقيل مره . فلا تقلق ابدا .
انا عندي 2001 وكانت عندي نفس الحركه لأن هذا طبيعي هم اللي حاطينها لزياده التبريد . والحين عندي 2011 شالو المروحه كلها وحطوا المراوح لاصقه بالراديتر من الداخل . وهذه الحركه جدا حلوه نستفيد منها حاجتين
1- وجود مسافه كبيره فاضيه تتيح دخول الهواءوتبريد افضل وأسرع
2- سلاسه بالقومه ولا يوجد اي ثقل بالمكينه مهما ارتفعت الحراره
عندما ترتفع الحراره تشتغل المراوح اللي بالراديتر فيكون التبريد اسرع وأفضل حتى وان كانت السياره واقفه .

والله يجيب المطر ان شاء الله
تحياتي لك وأرجوا ان تكون هذه المشكله فقط مع انها ماهي مشكله عملها الأساسي كذا

[ادميرال جده]

انصحكم اخواني الي سيارته استخدام امريكي يقص فلاتر الي بالشكمانات ويحط فلاتر خليجيه لان الي فيها امريكيه ترجع الحراره للمكينه عشان المناطق البارده واحنا هنا الجو ماشاء الله تبارك الله ما يحتاج وهي مكانها بعد القزوز على طول من الجهتين عند اي محل شكمانات يصلحها لك اهم شي يكون معلم تلحيم صح لانها مالها فاصل يفتك راح يقصها ويلحم لك فلاتر عاديه وطنيه او خليجي كل واحد حتى صوت شكمان راح يتغير وتشعر ان السياره ارتاحت من الكتمه

[almasari]

السلام عليكم يالربع ...

اخواني..

انا توي شاري فورد اكسبديشن ليميتد 2006 وعندي مشكلة الهيدروليك... لما اجي الصبح ادق الموتر يرتفع اليسار بس واليمين مايرتفع لازم اخليه ياخذ وقت ربع أو نص ساعة تقريبا بعدين اطفيه وأشغل الموتر مرة ثانية علشان يضبط معاي الهيدروليك..

المشكلة هذي تواجهني الصباح فقط.. اما باقي الأوقات يكون عالي العال

و قبل كم يوم.. جالس اتمشى بالموتر في الليل طافي المكيف وفاتح النوافذ ... اخذت مطب خفيف.. وسمعت صوت مثل تنسيم الهوا جهة اليمين برضه(الصوت ما يبان الا اذا اخذت مطب او حفرة خفيفة) .. اتوقع واذا ما خاب ظني الهيدروليك كمان..

فيا اخواني.. اتمنى اللي مرت عليه المشكلة هذي يحاول يساعدني.. ويقول لي على ورشة تصلح لي هالمشكلة

و ما ابغى اغير من هيدروليك الى يايات... لأني قريت في اغلب المواضيع هذا الحل

و آسف يا اعزائي على الاطالة .. بس الموضوع قالقني

تحياتي..

[المنصف5]

مطلوب جنط (سبير)استبنة اكسبيدشن 2004 أو اي موديل المهم تركب......بانتظار ردكم ياللي يخبر إن عنده

[moooj]

السلام عليكم ورحمة الله وبركاته
بعد انقطاع طويل خارج عن ارادتي احيي الجميع واشكركم على كل ما تقدمونه من موضوعات مفيدة
واشكر صاحب الموضوع لأنه فعلا مهم واشكر الأخوة المشرفين على التثبيت واتشرف باضافة ما استطيع:
بالنسبة لعفريتة بلده ولا بقرش , وانصح باستبدالها بنوع (واقف) اصلي ياباني لأني مجرب
مفتاح العجل سهل ينكسر والحل شراء حبة من محلات العدد مقاسها 20,5 وذراع اصلية وتوصيلة قصيرة
في حالة غسيل السيارة تجنب ضخ الماء من تحت الرفرف الأمامي الا بحذر لأن الماء يدخل من فتحة بين المقصات وهيكل السيارة ويروح للكويلات مباشرة ويتسبب بتلف الكويلات في فترة قصيرة
والسلام

[moooj]

مطلوب جنط (سبير)استبنة اكسبيدشن 2004 أو اي موديل المهم تركب......بانتظار ردكم ياللي يخبر إن عنده

الحديد الأسود في الوكالة ب 450
انا ىشاريه من عندهم

[osama01]

السلام عليكم و رحمة الله و بركاته

موضوع جدا ممتاز و شكرا على التثبيت

أنا عندي الموتر و الحمد لله ماعندي اي مشكلة و لكن اقلقني موضوع العفريته و ان شاء الله اليوم اشتري واحدة جديدة بس ياريت ترفقون صورة العفريته الجيدة

[ابو_فيصل]

السلام عليكم
يسعدني اول مشاركة لي معكم ونضمامي للاخوان من ملاك الاكسبديشن
الحقيقة موضوع جميل جدا وفية فائدة للجميع ان شاء الله
التعطل وما ادراك ما التعطل !!
طبعا انا توي مطلع اكسبيدشن 2011 بفضل الله وما كمل 3000كم
وتخيلوا لي اسبوع ونصف متعطل !!
طبعا التعطل مو على الطريق وانا مسافر ..!!
التعطل بسبب توكيلات الحضيرة اعزكم الله فرع جدة حسبي الله عليهم وديت لهم السياره عشان يشيكون على المساعد الامامي وبعد اسبوع من المرمطة يبلغوني ان فيه تهريب في الزيت ولا فية قطعة غيار قلنا ماعليه نسوي طلبية من امريكا ونرجعلكم بعد اسبوعين وبالصدفة قبل استلم السياره اكتشفت ان الصدام محكووك والبوية مخدوشة وعدملي العازل في الصدام الامامي واللحين داخلين لليوم الرابع عشر ولسى ما صار شي
ادري ادوشتكم بس من حر مابي
اللي عندة حل يقلي انا وربي تعبت منهم وربي افكر بقووه ابيع السياره ماني متخيل استمر مع هالوكالة بشكل المقرف هذا

طبعا انسى احد يدق عليك ولا يرد على التلفونات ولا يتابع معاك للازم انت بنفسك اللي تروح لهم بقسم الصيانة عشان تتابع الاجراءات واللي مو مصدقني يروح يدخل لمكتب مدير الصيانه اسمه مهند ويشوف العملاء اللي داخلين كل واحد يصايح ومشاكل شي مو طبيعي ياشباب تكفون اللي عندة حل يدلني ودي اشتكيهم وانا مو فاقع مرارتي الا واحد مسوي مهندس وماعنده سالفة ياهو سحب فيني تسحيب كل يوم يقلي بكرة تخلص ولا شفت شي
والله العظيم لو كنت ادري ان الصيانة عندهم باللخبطة هذي ما افكر بحياتي اطلع فورد
سامحوني يا اخوان لو كلامي ما جاز لاحدكم