2014 JEEP WRANGLER
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
2014 JEEP WRANGLER
اللهم أمين وجزاك الله خير..
التانكي 75 لتر والنوعين البنزين ما فيه فرق في الأداء يمشيك حسب دعستك وعلى الخطوط بسرعه ثابته يعطيك مدى 350-400 كم. وسعره من 89- أقل فئه ألى 129 الف صحارى.. طبعاً البابين مو الأربعه أبواب.. والصور ما أصوره كثير ويمكن بالنت البحث بـ
jeep mountain
jeep islander
jeep in sand
ما شاء الله .. الله يعطيك العافية ..
الى حد ما صرفيتها معقولة ..
وسعره مقبول .. واقل من الشركات الاخرى .. نيسان او تويوتا .. نفس الفئة
طيب وصوت الهواى .. كم تقيم عزل الهواى
بالنسبة لصور لو تحب ترفع صور .. فيه موقع جيد تقدر ترفع الصور منه ..
وهذا رابطه .. مع الشكر
http://www.gulfup.com/
تعديلات على الرانجلر
مشروع تعديل محرك LS1 - V8على سيارة رانجلر 93
وكذلك تعديل وترهيم المحرك وصندوق التروس بالكامل
نتابع المقطع ..
وصوت الهوا مو مزعج بالشكل المشاع عنه إلا لما يكون تركيب الفيبر بعد الفك غير مضبوط أو فيه تشقق بالربلات يمكن ، وخاصة اللي يكون مشاويره بالخطوط محدوده وغير طويله ..بالنسبه يعني 80-90 % تقييم عزل الهوا على سرعات أكثر من 120 أما اقل ما تسمع صوت هوا نهائي
كلامك مشجع .. ويرفع المعنويات ..
وكمان وجهة نظرك في محلها .. لان الشركة ما حطت سقف يمكن فكه وتركيبه وتغفل عن عزل الصوت
الله يبارك لك في السيارة ..
الرانجلر خلاصة سنة ونص
بسم الله نبدا
الموتر مزعج بعد 140صوت هوا
العزم ما شاء الله تبارك الله ويشهد عليه كثير من المطارحات
الرملة غير الكفرات وفك الفيوز حق التراكشن والعب واتحدى لاكنه افضل في رحلات البر من لعب
الصخور والجبال مثل المثل الي يقول انا خويك لاجفوك المخاليق بس ينقصه الدفلوك وهو موجود في الفل ا
الخربات الكلتش حق حساس لا تجور عليه في الدبل الخفيف ولا ترجع بسطحه
السواقه مريحه جدا لاكن زلق علي يوم كنت مسرع في مطر والحمد لله ما انقلبت
الحراره حرام بالله اني جورت عليه جور في بعض الطعوس وما ارتفعت درجه
رحلات البر والجبال زي ما قلت في الرحلات هو افضل من في اللعب ما يحتاج فك الفيوز
يحتاج انك تكون سواق انا ماشي به حول 70 الحمد الله بس الضمان خلص
الخلاصة سيارة جميلة قويه وكيلها تعبان القطع ما تلقاها في البقالة مثل بعض السيارات القطع يبغالها بحث وشغل وانك تطلب من النت
تقدر تقارن السيارة مع الاف جي والفور شنر اخوان لاكن لا تقارنها مع الربع لان الربع مصنوع للمكده فقط اما الرانجلر مصنوع للبر والخط والفله لذا لا تتوقعه مثل الربع واخيرا
الي يسال عن تحمل السبارة اعطيه تجربتي نزلت من ابها لجازان حول 300 كيلو ثم ذهبت لوادي لجب عقبة تقريبا 120 كيلو ثم ذهبت الى جبل الاسود وكله صخور ولزم تشغيل الدبل الثقيل اكثر من مره ثم رحت الى راس طرفه وخيمنا من الساعه المغرب للفجر وراس طرفه هو لسان بحري طوله 30 كيلو من الصبخات والطعوس ثم وانا راجع ابها مريت الشقيق وقعدت استعرض في الرملة ثم روحت البيت ابها وصكيت نومة 10 ساعات والرانجل لا ارتفعت ملي وهذه خلاصة تجربتي للموتر وشكر لكم جميعا
------------
ما شاء الله عليك .. حللت الموتر ..
الله يعطيك خيره ويكفيك شره .. ولا تشوف الا كل خير منه
اتحفتنا بكلامك وتجربتك لسيارة خلال سنة ونص .. اظنها كافيه حتى تحكم على السيارة بكل حيادية وانصاف .. والحقيقة ما قصرت .. بيض الله وجهك..
وعلى فكرة .. ما قلت لنا موديل الموتر ولا مواصفاته .. او التعديلات اللي ممكن سويتها له
وعندي كم استفسار ..
الاول .. انت ذكرت ان فيه مشكلة في القير .. ياليت توضحها .. وايهم افضل العادي ام التوماتيك ؟
الثاني .. بالنسبة للحرارة .. هل صحيح ان النصف وفوق النصف بقليل تعتبر طبيعية
الثالث .. كيف التكيف فيه ..
الرابع .. سمعنا انه يصرف بنزين .. الاخ عريدان مشكورا .. ذكر ان صرفيته في حدود الـ 350 - 400 كـم .
واخيرا .. اشكرك على ما طرحته .. وننتظر المزيد منك .. ومن بقية الشباب
شكرا على ردك واجابه على استفسارك هو
الموديل 2012 النوع ستاندر والتعديلات كفرات غير جق الوكاله اخذت طقم تويو ممتاز وسعره كان عليه تخفيض 5 ب 2600 المشكله بالكلتش حساس يمكن لاني متعود على كلتش الصالون 99 قوي جدا اما الرانجلر حساس يبغاله سواق اما الحراره هو حرارته النصف من الوكاله ومره وحده ارتفع علي طبيت في صبخه وحطيت الدبل الثقيل ومشيت عليه في النمره الاولى والمكيف شغال ((هههه بغيت اعدم الموتر ))) ومشيت مسافه وارتفعت شرطتين فوق النص بس
الافضل عندي القير العادي قوي بالبر وقليل مشاكاه مع الزمن صرفيه البنزين ممتازه جدا الخزان يتعبى ب 42 ريال اذا كان فاضي وبمشيك 500 كيلو اذا مشيت على الايكو ((الخط الاخضر )) اما المكيف يبرد القلب الحزين بي المشكله السقف قسم انه فرن لازم بايكه
عفوا وهذا واجبي كعضو في الرابطه
السلام عليكم ورحمة الله وبركاته
عازل حراري للرانجلر
وجدت في احدى المنتديات تجربة لاحد الاعضاء
عن صنع عازل حراري للرانجلر
واحببت نقل التجربة لكم ..
الادوات فلين ولاصق بوجهين
[IMG][/IMG]
[IMG][/IMG]
MG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG
[IMG][/IMG]
[IMG][/IMG]
[IMG][/IMG]
وهذا عازل الجزء الخلفي ومقاسه 57*76
[IMG][/IMG]
[IMG][/IMG]
[IMG]
هذه تجربة صاحبنا .. واظنها ناجحة ..
والسلام عليكم
شكرا والله فكره رهيبه جدا للعازل احسن من البايكه هههه
السلام عليكم ورحمة الله وبركاته
اخواني نتابع معاكم بعض الافكار الجديدة
التي جربها بعض الاخوة .. ونجحت معاهم
ولعل بعضنا لديه رغبة في تنفيذ فكرة معينة
ولكن ينقصه الخبرة .. او الطريقة الصحيحة لتنفيذها
فاحببت مشاركتكم بعض هذه الافكار على قد الامكانيات المتاحة لدي
الو التي اجدها مناسبة لعرضها لكم
فتقبلوها بصدر رحب ..
ومــنـــهـــا : تركيب قواعد الكشافات على السيارة
والطريقة كالاتي :-
مكان التركيب
1- فصل قطعه حديد على مقاس المكان تركب اللقاعده الكشافات
2- نفتحله فتحتين مكان مسامير رقم (1) و رقم (2) في صوره الاولى
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.
3- افتح فتحه مكان للكشاف
4- رش القطعتين الحديد باللون الي يعجبك
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.
5- ثبت القطعتين على السياره
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.
بعد ذلك ركب الكشافات ووصلها بالكهرب عند اي كهربائي او بنفسك اذا كان عندك خلفيه
الشكل النهائي
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.
آمــل أن تنال رضاكم ..
وتقبلوا تحيااااتي
الذين يشاهدون الموضوع الآن: 1 (0 من الأعضاء و 1 زائر)