|..شوي ذبيحة بأيدي سعودية في الاراضي الاسترالية..|

[تبريزة]

أسعد الله اوقاتكم بكل خير ومسرات .. اولا اعتذر عن الانقطاع الطويل لكن اتمنى ان لا يعود هذا الانقطاع مستقبلا..

ثانيا.. ( إذا رأى أحدكم من نفسه أو ماله أو من أخيه ما يعجبه فليدع له بالبركة ، فإن العين حق )

أذكرو الله أولا واخيرا

وعلى بركة الله نبدأ الموضوع

قبل يومين تقرر الخروج برحله في احد السدود القريبة من مدينتنا ،، وتمت الترتيبات بفضل الله ، وتم الانقسام لمجموعتين مجموعة ذهبت للمكان المقصود على طول ومجموعة ذهبت تشتري الذبيحه .. وانا مع اللي راحو يشترون الذبيحه


طبعا حاولت احمل الصور على مركز مكشات علشان الشعار لكن الحجم لا يسمح لذلك وضعت الشعار بنفسي.. يستاهلون مكشات


هذا وحنا بالطريق




وبدت ترش ماشاء الله






وهذي طيور بالطريق صورتهن ،، شكلهن ببغانات ( جمع ببغاء)





وهذا مدخل مزرعة اللي يبيع غنم ،، بعد الوصول بحمدالله




وهذا منظر صادفنا بمدخل المزرعة (ماشاء الله تبارك الرحمن)




وهذا جزء من الغنم اللي عنده




وهذا المزيون اللي اشتريناه ماشاء الله ،، ودك تاخذه وتحطه منظر بالبيت




طبعا حنا اللي ذبحناه ،، وراعي المزرعة هو اللي صلخه ، بما انه يصلخه ببلاش قلنا نستغل الفرصه ونفتك من التعب




وهنا لحظة تغليف الذبيحة



يتبع

[تبريزة]

وبعدها اتجهنا بعون الله الى المنطقة المتفق عليها ، وهذا السد من احدى الجهات




وهذا من الاعلى





ولقينا الشباب اللي سبقونا مركبين الشوايه وشابين الفحم الله يعطيهم العافية




وبديت على طول بتجهيز الكبده .. للفطور






وهنا ابو عبدالله اعدمه البصل





اثناء تجهيز الكبده ،، الصور تتكلم ، طبعا تم حمس الكبده بشحيمات من الخروف ، يعني منك وفيك














وانتظرنا الين قرب يذبل البصل واضفنا الملح والبهارات ، وعلينا بالعافية





وهنا الجمر صار جاهز ،، وزعناه على الشوايه وعلقنا الذبيحه





ماشاء الله تبارك الرحمن




وهنا بدأت بالدوران




يتبع

[تبريزة]

وفجأه حصل ما لا يحمد عقباه ،، عصفت الدنيا علينا وانشقت السماء مطر ،، يالله يمديك تضف عفشك ،، والشجر حوالينا بدن يطيحن ،، عاد دخلنا الشوايه والذبيحه تحت المظلة ،، وحنا رحنا للسيارات ،، وربطنا الحزامات من الخوف

هذي صورة من السيارة


وقررنا نغير الممكان وندف الشوايه لمكان ثانيه ، مهوب بعيد ،، وتم الانتقال اليه ، ونكمل الصور ..

بدت تتشقر الذبيحه .. ماشاء الله تبارك الرحمن







وهذي الصور اهداء الى الاطلسي ، دايم يعذبني وانا هنا بمواضيعه ماشاء الله ، ولا يهونون باقي الاعضاء





عاد وقت ماجاء الغشاء (جمع غداء وعشاء) الكاميرا بالسياره ومافيه امل اروح اجيبه فـ صورت بالجوال




** تم تبهير الذبيحه بملح فقط ، وتم وضعه قبل ما تخلص ب ربع ساعه ، يعني عندما وضعنا الذبيحه في البدايه ما حطينا شيء ابد ،، والذبيحه استغرقت علشان تنجض (المفروض ساعتين) بس استغرقت 4 ساعات الا ربع بسبب المطر والعواصف والانتقال من مكان لمكان.. تم اضافة هذه المعلومة بعد قراءة ردود بعض الاعضاء الكرام..

******

وفي الختام اعذروني على الاطالة ولي طلب بسيط عندكم اخواني:..

الموضوع تعبت في اعداده وتجهيزة ، فـ لا تحرموني من ردودكم التي ترفع معنوياتي ،،
وأيضا لا تحرمونا من دعوه صادقة من قلوبكم بالتوفيق والعوده ونحن محققين طموحنا ورافعين رؤوس اهالينا وبلدنا ..

ودمتم بحفظ الله ورعايته
اخوكم
ابو محمد
استراليا

[خالد الحلالي]

ماشاء الله تبارك الله

صور وتغطية أكثر من رائعه

فدمت مبدع ورائع والله يعطيك العافية

[magadasd]

ماشاء الله تبارك الله
الله يعطيك العافيه

[العودالازرق]

وهذي الصور اهداء الى الاطلسي ، دايم يعذبني وانا هنا بمواضيعه ماشاء الله ، ولا يهونون باقي الاعضاء


يستاهل التعذيب

مشكور طرح يسيل له اللعاب

[الذحاح]

يشرفني اكون اول واحد يرد على الموضوع ومشكوووووور يا ذيبان موضوع كايف وعساه بالعافيه عليكم ودوم انشالله على هالعلوم الا كم الساعه عندكم الحين اتوقع +12 عندي استفسار بسيط الفحم حجري ؟

[® F A H A D ®]

ماشاءالله تبارك الله ،

والله أعلق وأصفق صورهـ جداً جميله



انا اتعب انا بالحيل اتعب






عليكم بالعافيه يارب الف شكر ابو محمد ،

والله يردكم بالسلامه ويوفقكم يارب ،

[kahleel]

ما شاء الله بالعافية عليكم

[النسيم العليل]

ما شاء الله تبارك الله اجواء رائعة ومناظر خلابة وشغل عدل وتقرير مميز
الله يوفقكم وييسر أموركم

[aaez]

ماشاء الله تبارك الرحمن
الله يوفقكم وييسر أموركم وينجح مقاصدكم

[تبريزة]

يشرفني اكون اول واحد يرد على الموضوع ومشكوووووور يا ذيبان موضوع كايف وعساه بالعافيه عليكم ودوم انشالله على هالعلوم الا كم الساعه عندكم الحين اتوقع +12 عندي استفسار بسيط الفحم حجري ؟

ياهلا وغلا اخوي الذحاح ، الشرف لي يا غالي ، الساعه الحين +7 عن السعودية ، ومن ناحية الفحم ، هذا صناعي ، بس ماادري اذا هو نفسه اللي تقصد حجري ولا لا
بالتوفيق اخوي

ماشاءالله تبارك الله ،

والله أعلق وأصفق صورهـ جداً جميله



انا اتعب انا بالحيل اتعب






عليكم بالعافيه يارب الف شكر ابو محمد ،

والله يردكم بالسلامه ويوفقكم يارب ،

ياهلا وغلا اخوي فهد ، هذا بعض من ماعندك يابعدي ، الله يعافيك ،، اللهم امين
بالتوفيق وانا اخوك

ما شاء الله بالعافية عليكم

الله يعافي قلبك يابعدي

ما شاء الله تبارك الله اجواء رائعة ومناظر خلابة وشغل عدل وتقرير مميز
الله يوفقكم وييسر أموركم

امين الله يجزاك خير ، مشكور يابعدي على المرور الطيب

ماشاء الله تبارك الرحمن
الله يوفقكم وييسر أموركم وينجح مقاصدكم

امين الله يجزاك خير وييسر امرنا وامرك يابعدي

[عجاج السناف]

وعليكم السلام ورحمة الله
ما شاءالله تبارك الرحمن
موضوع في غايــــة الروعــــــه واجـــــواء ساحـــــره ربيعيــــــه

كفو وعفيه عليكم يانشاما

[تبريزة]

السلام عليكم

ومرحبا الف باخي العزيز وبصديقي الكريم

ربي يوفقك ويحفظك ويردك لديرتك سالم غانم انت ومن معك




ما شاء الله تبارك الله ربي لا يحرمنا جنان الدنيا آمين



هلا والله بالهدمجة ربي لا يحرمة الجنة ولا من يحب آمين




قمة الاغراء والتعذيب

وما الوم الاطلسي لو تعذب وتبي الجد يستاهل تعذبه فهو عذب واجد ويستاهل التعذيب

سؤال خارج نطاق الموضوع : الشواية كم كلفتها

بيض الله وجهك ويسر امرك آمين

موفق خير يا ابن الاجواد وانقل تحياتي القلبية لكل فرد معكم وسلامي

تقبل احترامي

ياهلا بالغالي ابو عبدالله ،، الله حيه ،، شرفت الموضوع يابعدي
اغديك تسير ونفرفر بهالديره يابعدي ،، الله يجمعنا واياك واخواننا المسلمين في الفردوس الاعلى يارب،، من ناحية الشواية يابعدي تقريبا سعرها مع فارق العمله حوالي 1200 ريال ، لكنها تستاهل ماشاء الله ، وتشيل الى 30 كيلو على حسب كلام راعي المحل
بالتوفيق يابعدي

وش نقول بس جو 0 وجيه غانمه0 امطار0 وعلوم تسرالناظر0 وتبهج الخاطر0 مانقول الا الله يهنيكم وترجعون بالشهاده العليا ان شاء الله اسلم وسلم وسلمنا على الربع هناك

ياهلا وغلا اخوي المداوي ،، الله حيه ،، اللهم امين الله يجزاك خير وييسر امرك ويسهل دربك يابعدي، موفق خير يالغالي

هلا وغلا ابومحمد
طولت الغيبه الله ييسر امرك ويردكم جميعاً للوطن سالمين غانمين
ما شاء الله تبارك الله
الله لا يضركم
طبيعه خلابه وجو خيال

الصوره هذي كارثه
عليكم بـ1000 عافيه

هذا تعذيب
اخوك ابوحمود

ياهلا وغلا اخوي ابو حمود ،، الله حي الغالي ،، نورت الموضوع يابعدي ،، والله مشتاقين وانا اخوك ، الايام قربت ، ان شاء الله اذا ربك سهل راح تكون زيارتي بنهاية ذي الحجه ان شاء الله..
شرفت الموضوع بمرورك الله يعطيك العافية
بالتوفيق

ماشاء الله
يعطيك العافيه

الله يعافيك ،، ويسهل امرك

وعليكم السلام ورحمة الله
ما شاءالله تبارك الرحمن
موضوع في غايــــة الروعــــــه واجـــــواء ساحـــــره ربيعيــــــه

كفو وعفيه عليكم يانشاما

ياهلا وغلا اخوي عجاج السناف
الله يعطيك العافية الاروع مرورك يابعدي
نورت الموضوع
موفق خير يابعدي

[sameer_1798]

ماشاء الله تبارك الرحمن بيض الله وجهك وسلمت يمناك
يعني الاطلسي جوعك تجي تجوعنا اجل خذ هذه شوي خروف بالاراضي الالبانيه


ماعرفتنا على منقلكم وجمركم كم ياخذ وقت الشوي فيه ؟