|..شوي ذبيحة بأيدي سعودية في الاراضي الاسترالية..|

[تبريزة]

أسعد الله اوقاتكم بكل خير ومسرات .. اولا اعتذر عن الانقطاع الطويل لكن اتمنى ان لا يعود هذا الانقطاع مستقبلا..

ثانيا.. ( إذا رأى أحدكم من نفسه أو ماله أو من أخيه ما يعجبه فليدع له بالبركة ، فإن العين حق )

أذكرو الله أولا واخيرا

وعلى بركة الله نبدأ الموضوع

قبل يومين تقرر الخروج برحله في احد السدود القريبة من مدينتنا ،، وتمت الترتيبات بفضل الله ، وتم الانقسام لمجموعتين مجموعة ذهبت للمكان المقصود على طول ومجموعة ذهبت تشتري الذبيحه .. وانا مع اللي راحو يشترون الذبيحه


طبعا حاولت احمل الصور على مركز مكشات علشان الشعار لكن الحجم لا يسمح لذلك وضعت الشعار بنفسي.. يستاهلون مكشات


هذا وحنا بالطريق




وبدت ترش ماشاء الله






وهذي طيور بالطريق صورتهن ،، شكلهن ببغانات ( جمع ببغاء)





وهذا مدخل مزرعة اللي يبيع غنم ،، بعد الوصول بحمدالله




وهذا منظر صادفنا بمدخل المزرعة (ماشاء الله تبارك الرحمن)




وهذا جزء من الغنم اللي عنده




وهذا المزيون اللي اشتريناه ماشاء الله ،، ودك تاخذه وتحطه منظر بالبيت




طبعا حنا اللي ذبحناه ،، وراعي المزرعة هو اللي صلخه ، بما انه يصلخه ببلاش قلنا نستغل الفرصه ونفتك من التعب




وهنا لحظة تغليف الذبيحة



يتبع

[تبريزة]

وبعدها اتجهنا بعون الله الى المنطقة المتفق عليها ، وهذا السد من احدى الجهات




وهذا من الاعلى





ولقينا الشباب اللي سبقونا مركبين الشوايه وشابين الفحم الله يعطيهم العافية




وبديت على طول بتجهيز الكبده .. للفطور






وهنا ابو عبدالله اعدمه البصل





اثناء تجهيز الكبده ،، الصور تتكلم ، طبعا تم حمس الكبده بشحيمات من الخروف ، يعني منك وفيك














وانتظرنا الين قرب يذبل البصل واضفنا الملح والبهارات ، وعلينا بالعافية





وهنا الجمر صار جاهز ،، وزعناه على الشوايه وعلقنا الذبيحه





ماشاء الله تبارك الرحمن




وهنا بدأت بالدوران




يتبع

[تبريزة]

وفجأه حصل ما لا يحمد عقباه ،، عصفت الدنيا علينا وانشقت السماء مطر ،، يالله يمديك تضف عفشك ،، والشجر حوالينا بدن يطيحن ،، عاد دخلنا الشوايه والذبيحه تحت المظلة ،، وحنا رحنا للسيارات ،، وربطنا الحزامات من الخوف

هذي صورة من السيارة


وقررنا نغير الممكان وندف الشوايه لمكان ثانيه ، مهوب بعيد ،، وتم الانتقال اليه ، ونكمل الصور ..

بدت تتشقر الذبيحه .. ماشاء الله تبارك الرحمن







وهذي الصور اهداء الى الاطلسي ، دايم يعذبني وانا هنا بمواضيعه ماشاء الله ، ولا يهونون باقي الاعضاء





عاد وقت ماجاء الغشاء (جمع غداء وعشاء) الكاميرا بالسياره ومافيه امل اروح اجيبه فـ صورت بالجوال




** تم تبهير الذبيحه بملح فقط ، وتم وضعه قبل ما تخلص ب ربع ساعه ، يعني عندما وضعنا الذبيحه في البدايه ما حطينا شيء ابد ،، والذبيحه استغرقت علشان تنجض (المفروض ساعتين) بس استغرقت 4 ساعات الا ربع بسبب المطر والعواصف والانتقال من مكان لمكان.. تم اضافة هذه المعلومة بعد قراءة ردود بعض الاعضاء الكرام..

******

وفي الختام اعذروني على الاطالة ولي طلب بسيط عندكم اخواني:..

الموضوع تعبت في اعداده وتجهيزة ، فـ لا تحرموني من ردودكم التي ترفع معنوياتي ،،
وأيضا لا تحرمونا من دعوه صادقة من قلوبكم بالتوفيق والعوده ونحن محققين طموحنا ورافعين رؤوس اهالينا وبلدنا ..

ودمتم بحفظ الله ورعايته
اخوكم
ابو محمد
استراليا

[الذحاح]

يشرفني اكون اول واحد يرد على الموضوع ومشكوووووور يا ذيبان موضوع كايف وعساه بالعافيه عليكم ودوم انشالله على هالعلوم الا كم الساعه عندكم الحين اتوقع +12 عندي استفسار بسيط الفحم حجري ؟

[® F A H A D ®]

ماشاءالله تبارك الله ،

والله أعلق وأصفق صورهـ جداً جميله



انا اتعب انا بالحيل اتعب






عليكم بالعافيه يارب الف شكر ابو محمد ،

والله يردكم بالسلامه ويوفقكم يارب ،

[kahleel]

ما شاء الله بالعافية عليكم

[النسيم العليل]

ما شاء الله تبارك الله اجواء رائعة ومناظر خلابة وشغل عدل وتقرير مميز
الله يوفقكم وييسر أموركم

[aaez]

ماشاء الله تبارك الرحمن
الله يوفقكم وييسر أموركم وينجح مقاصدكم

[sameer_1798]

ماشاء الله تبارك الرحمن بيض الله وجهك وسلمت يمناك
يعني الاطلسي جوعك تجي تجوعنا اجل خذ هذه شوي خروف بالاراضي الالبانيه


ماعرفتنا على منقلكم وجمركم كم ياخذ وقت الشوي فيه ؟

[MohsinSK]

بالعافية ان شاء الله..

انا في شي محيرني بصراحة.. ليش غنمهم دايما صوفهم مرتب و نظيف,, وغنمنا تحس شي ثاني !!

و الشواية هذي,,, هذي هي الا ادورها خخخخ

تسلم على الموضوع الجميل..

[ع العمرو]

الله يرجعكم سالمين غانمين والصراحة الخريف عز الطلب والشغل ابداع وعندي لكم نصيحة (نبيكم تكونون خير من يمثل البلد سفراء العفة والصدق والتمسك بالصلاة وعدم تعريض انفسكم للمواقف المحرجة .)

[الرايه]

تقرير جدا رائع تشكر عليه
والله يحفظكم ويردكم لأهلكم سالمين

[MANSOR QATAR]

السلام عليكم ورحمة الله

ماشاءلله عليكم عسى ربي يجمعكم على طاعته
كنت منسدح قمت وجلست على الصور اتفرج وهيظتني وافكر اطلع الحين اخذ لي طلي واروح اشويه في الجبال اللي عندي
جعل فيه العافيه وانا اخوك ونتظر جديدك
وترجعون بالسلامه

تحياتي لك وللجميع

[الوافي512]

ماشاءالله تبارك الله

شكرا لك

[N255]

ما شا الله مناظر تفتح النفس ما قلتو هي نفس طعم النجدي والنعيمي ولا لا