افيدونا بخصوص رفع الهايلكس

[مبسوووط]

السلام عليكم ورحمة الله وبركاته ،، مساء الخير


حبيت اسال عن افضل رفعه للهايلكس غماره موديل 2000 طبعاً انا ابي ارفعه عشان النفود والكشتات

يعني كم سانتي اخليه مع قدام ومع وراء وايهم افضل لعاب ولا ربل بين السست بس اهم شيء مايضر الموتر اذا رفعته

[مبسوووط]

وين اهل الخبره نبيهم يفيدونا باسرع وقت

[ابو سعود2004]

من قدام رح حقين الميزان يرفعونه لك اذا كانت اول مره ترفع الموتر غالي فوق الميه واذا قد رقعت قبل كذا يمكن 30 ريال وركب مساعدات مرسيدس

لكن من ورا سو تقويس

[خادم البيئه]

راي تغيير الكفرات لحجم اكبر فقط

[G L X]

السلام عليكم
انا ارى انك تروح لحق الميزان ويرفعه لك من تحت واذا ماجازتلك الرفعه (تبي زود) قله يقلب الحديدة
وركب مساعد مرسيدس اما من الخلف يا اما تقوس او تركب لعابات مع تغيير المساعدات
وبانسبه للكفرات ركب يوكوهاما 15-70-225
وجنوط مرسدس اصلي
وتمتع بالنفووود يا بعد حيي

[يزيد اليوسف]

راسلني على الخاص وابشر بعزك

بالتوفيق

[مبسوووط]

السلام عليكم
انا ارى انك تروح لحق الميزان ويرفعه لك من تحت واذا ماجازتلك الرفعه (تبي زود) قله يقلب الحديدة
وركب مساعد مرسيدس اما من الخلف يا اما تقوس او تركب لعابات مع تغيير المساعدات
وبانسبه للكفرات ركب يوكوهاما 15-70-225
وجنوط مرسدس اصلي
وتمتع بالنفووود يا بعد حيي

والله الكفرات مركب 15/75/215 يوكوهاما
بس فكرت اخليه مع قدام 24 سم
ووراء 34 سم مادري هل هي حلوه كذا الرفعه ولا تضر السياره ومن ناحية المساعدات مالي نيه اغيرها لانها جديده مساعداتي وابي افهم التقويس وش معناتاه


اعذرنا على الاسئلة الزايده بس مالي غيركم

[نايف ابو فهد]

من واقع خبره وبعد التجربه تقريباً 80 بالمئه من أصحاب الهايوكسات بعد التقويس أو تركيب لعابات أطول تحصل معهم مشاكل كثيرة منها رجة العمود تهريب صوفة القير والدفرنس خراب القير بالكامل والصلبان والحل يطول شرحه وسأطرحه كموضع لتعم الفائده للجميع بعنوان أفضل طريقه لرفع السيارات ذات السسة .

[مبسوووط]

من واقع خبره وبعد التجربه تقريباً 80 بالمئه من أصحاب الهايوكسات بعد التقويس أو تركيب لعابات أطول تحصل معهم مشاكل كثيرة منها رجة العمود تهريب صوفة القير والدفرنس خراب القير بالكامل والصلبان والحل يطول شرحه وسأطرحه كموضع لتعم الفائده للجميع بعنوان أفضل طريقه لرفع السيارات ذات السسة .

انا يالطيب ابي ارفعه 8 سم بس ماقلت ابي ارفعه 100سم عشان تصير لي هالبلاوي اللي قلتها وهل مع قدام 24 سم هي رفعة الوكالة للهايلكس القديم ؟

[bader7787]

8 سم واجد ومساعدات البلد برفعة الوكاله تهابد

كان معي هايلكس 99 افظل شئ جازلي 4 سم ارتفاع معقول واذا انت راعي مراقي فك البلاستيك الاسود الي تحت الصدام

[مبسوووط]

8 سم واجد ومساعدات البلد برفعة الوكاله تهابد

كان معي هايلكس 99 افظل شئ جازلي 4 سم ارتفاع معقول واذا انت راعي مراقي فك البلاستيك الاسود الي تحت الصدام

اجل اخليها مع قدام 24 ومع وراء 32 كذا حلو ؟؟

[مبسوووط]

الهايلكس القديم كم رفعة الوكالة ؟؟

[قلايد الخيل]

حيـآك الله اخوووي مبسووط عسى دوووم
بخصوص الرفعه من قدام الرفعه للاسف ماتدوم يعني كذا اسبوع بالكثير شهر ترجع تنزل للوكاله
واحد من الشباب معه زي سيارتك وكذا
وزي ماقلت خلها 24 قدام والي ورا ارفع بس شويه منها
واتمنى تفيدوهـ ياراعين الخبرهـ
الله يوفق...