صراحة ما توقعت فورتشنر 4 سلندر (صدمه) ارجو الدخول

[ساري 111]

عموم سيارات الدفع الرباعي مااتمشي بالنفود والطلوع الا بواحد لأن عندك 4 كفرات محمله على المكينه

جرب تنزل الهواء الى 15 ومش بدون دبل بتلاحظ انك تمشي بالثاني وانت مرتاح لأن الحمل خف على المكينه

[.أبوعبدالرحمن]

بيض الله وجهك ووجهه
نبقى اخوان والضربة اللي ماتقتل تقوي
واعتذر منك اخوي ابو عبدالرحمن ومن الاخ الكريم
والله ليس خوفا من ايقاف او ماشابهه لكن تقديرا لكم ومحبة

وساطرح موضوع بعد قليل يوضح كل الجوانب

وينهي مابالنفس بإذن الله

الله يعطيك العافية أخوي البرتقالي وأطلعت على موضوعك

الذي بيّن لي حسن تربيتك وأخلاقك الكريمة

[ابونبيل]

خويي كان معه 4 سلندر تماتيك يطلع الطعوس بدون تنسيم على الدفع الرباعي المستمر طبعا بدون تنسيم يحفر شوي بس والله يمشي كبر بعيني ذاك اليوم بس انت ابدأ بالحلول السهله ركب كفرات عريضه دنلوب ولا هنكوك لان البرجستون قاسي حق خط فقط

[ابونبيل]

يا اخوان المشكلة كلها في الدعسة الالكترونية
انا كان معي هايلكس 2003
اقسم بالله انها تدخل قبل الجيوب من خفتها وسرعتها وخاصة في النفود
والان معي هايلكس 2011 الموتر تحس ان عزمه بارد
حتى الشاص الجديد تحس عزمه بارد
يعني فيه مشكله وهي الدعسه الكترونية

معقوله.. لان في واحد يقول ان اللند الجديد التماتيك انشط من العايدي
وصارو ناس واجد ياخذون هلي دبل تماتيك ويمدحونه بعد !


سبحان الله يمكن صدق التماتيك الحجين تفوق على العايدي بسبب الدعسه

وخويي كان معه فورتشنر تماتيك اقولك ماينسم فرش بطعوس الهافمون وشايل نفسه

[عشق البر]

عموم سيارات الدفع الرباعي مااتمشي بالنفود والطلوع الا بواحد لأن عندك 4 كفرات محمله على المكينه

جرب تنزل الهواء الى 15 ومش بدون دبل بتلاحظ انك تمشي بالثاني وانت مرتاح لأن الحمل خف على المكينه

مهب شرط كل سيارات الدفع الرباعي تمشي وتراقي بالأول انا عندي باترول 93 امشي واراقي بالثاني بس واذا مستويه بالثالت!!

[ولد وايل..]

عموم سيارات الدفع الرباعي مااتمشي بالنفود والطلوع الا بواحد لأن عندك 4 كفرات محمله على المكينه

لا الله يسلمك .. مالك لوا ..

مافيه أثقل من مكاين الجمس وتطلع اعلى المراقي ب2 وإن كانك منسم ولا بالدبل تروح ب3

والاختلاف بحسب نوع السيارة ومدى القير ..

[ديفون]

شريت الفورتشنر 4 سلندر ولكن صعقت بضعف الماكينة وبعته وخسرت فيه 7000 الاف ومشيته 3000 الاف وبعدها خذيت باجيرو 6 سلندر ابرك من هذا الموتر وعيبه انه مجمع اندونيسي . يعني لاجودة ولا بطيخ

[VX-R 777]

مبروك الموتر والله يعطيك خيره ويكفيك شرهـ
بقولك على حل وان شاء الله تطلع بنتيجه مرضيه
حاول تنسم الكفرات 10 حلو .. ولاتغير النمره عن 1 ..
ولاتعشق الدبل لائن الفورتشنر دفع رباعي مستمر .. واللي لاحظته انه الموتر يثقل اذا عشقت الدبل .. يعني مشيه بدون دبل اخف من مشيه اذا عشقت الدبل
أكيد ماراح تستوعب .. لاكن جرب تطعس بدون دبل وشف الفرق .. وان شاء الله راح تدعيلي .

[الهاوي vip]

ترا الفورتشنر دعسته كهرب

انا معي هايلكس 2011 في المراقا يخف عزمه عشان دعست الكهرب
وشكرا

[برهوش]

مو صدمه وبس....
مقلب الفورتشنر الـ 4 سلندر
كان معي 2006 وبعته
سيارة ماتتعدى 140 وانت مسافر ومشغل المكيف ..
وما تقدر تتجاوز التريلات في الطرق المزدوجة لأنك ماتضمن تعدي بشكل سريع
الحين معي باترول 97 والله انه ابرك منه وانشط
الله لا يعيد ذيك الأيام..

[مخاوي 2004]

الاربعة سلندر وانا اخوك ضعيف مره السته علاج واعرض موترك للبيع ابرك لك ودور لك سته سلندر لو 2010

[ابو ريومي]

السيارة حلوة بس لا تواخذني ترى التطعيس يعتمد على السواق

[سدرك]

أشكركم جميعا على المشاركة

[قلايد الخيل]

بآلعكس آخوي اذا سحبت منه الهواء بيلعب معاك في النفود