رمان وأنتاجه

[سالم الغانم]

السلام عليكم ورحمة الله وبركاته

حبيت انكم تشاهدون انتاج الفحل رمان وتحكمون عليه بكل صدق
الفحل رمان على رمان فحل الأمير سلطان بن عبدالعزيز حفظه الله

صور الفحل





صورته حالياً



صور إنتاجه

[سهيل الازهرا]

البعير مايهم شكله طال عمرك اهم شي الانتاج
والاحظ بانتاج بعيرك ان الرقبه رديه من خلال الصور
ووحده راسها مقبول اما الباقي من انتاجه عادي
والله يبارك لك بحلالك

[عاشقة تركي]

موضوع جيد شكرا

[سالم الغانم]

شكراً أخي سهيل الفحل طال عمرك رقبته قصيره
لاكن انتاجه تغير عن العام الماضي بكثير وبناته تغيرن بكثير بعد ماكبرن
والفحل ساسه ومعمقه طيب ابوه رمان فحل الامير سلطان بن عبدالعزيز اللي جاه من الملك خالد رحمه الله
وامه طيبه حيل وخواته مع شحاذ المختاري طيبات
سبق وان نزلت صوره وصور أول انتاجه قبل سنة 6 أشهر والكثير قالو اصبر عليه والقليل قالو دور فحل غيره
صبرت عليه وشفت نتاجه تغير مره لو تشوف صور أول انتاجه مع انتاجه الأخير تقول فرق السماء عن الأرض
الله يطرح فيه البركة

[ابن الاصيل]

الله يطرحبه البركه

[goldenrife]

مشاء الله لا قوة الا بالله

[نايف الذيب]

اخوي سالم

انت طلبت المشوره

البعير انتاجه عادي دور لك بعير منتج

افضل لك لانك تتعب سنين ماهو شهر ولا شهرين

واذا تعبت ودك تتعب علي شي يستاهل

لك مني اجمل تحيه

[عواد الشمري2]

ماشالله الجمل طيب

[خواع]

ماشالله تبارك الله . الله يبارك لك فيه

[سالم الغانم]

أبن الاصيل
gold
نايف الذيب
عواد الشمري
خواع

شاكر مروركم العطر جزاكم الله خير
والله بحلت ناس تقول زين وناس تقول شين وانا مامن عرف

[عاشق البر2022]

اهنيك الفحل طيب وانتاجه طيب مشاءالله ولاحول ولاقوة الابالله

[القنصل,,,]

الله يطرح البركه
اخوي بعير عادي وانتاجه عادي بعد اذا انت راعي صنف عليك بالفحل الطيب راح يقلب البل

[القنصل,,,]

البعير مايهم شكله طال عمرك اهم شي الانتاج

والاحظ بانتاج بعيرك ان الرقبه رديه من خلال الصور
ووحده راسها مقبول اما الباقي من انتاجه عادي
والله يبارك لك بحلالك

ماعليش اخوي انا ضد رايك هذا
وشلون شكل البعير مايهم شكل البعير يطلع بعياله
كان طلع طيب راس وخذ ورقبه وجنب ووسنامه منفهق عياله تبي تطلع مثله اذا كانت امهم زينه
اما انكان بعيراً هطف يبي يجذب عياله
ابد مثل الرجال

[سهيل الازهرا]

ماعليش اخوي انا ضد رايك هذا
وشلون شكل البعير مايهم شكل البعير يطلع بعياله
كان طلع طيب راس وخذ ورقبه وجنب ووسنامه منفهق عياله تبي تطلع مثله اذا كانت امهم زينه
اما انكان بعيراً هطف يبي يجذب عياله
ابد مثل الرجال

وانا احترم رأيك
اهل الابل مايهدون البعير على شكله فقط فيه فحول شكلها مزاين
والانتاج قصب وفيه فحول اشكالها عاديه والانتاج طيب
انا قلت مايهم شكله لانه انتج والانتاج الان هو الحكم وش الفايده
اقيم شكله وانتاجه قدامي اللي يقيم البعير انتاجه ماهو شكله

[القنصل,,,]

وانا احترم رأيك

اهل الابل مايهدون البعير على شكله فقط فيه فحول شكلها مزاين
والانتاج قصب وفيه فحول اشكالها عاديه والانتاج طيب
انا قلت مايهم شكله لانه انتج والانتاج الان هو الحكم وش الفايده
اقيم شكله وانتاجه قدامي اللي يقيم البعير انتاجه ماهو شكله

انا اقول اهم شي اصل البعير وشكله لازم يكون بعيراً زين وكامل المواصفات
والا راح يكون انتاجه قصاب
الا اذا كانت الام طيبه ونا وياك واهل البل