شباب ابي فزعتكم عندي فتك سفاري 4800 فيه صوت

[ابراهيم 2003]

السلام عليكم ورحمه الله وبركاته

شباب عندي مشكله في فتك سفاري 2005 في طقه
ااذا مشيت وهديت فجه يطلع طقه بس مدري وينهاا فيه
واذا هديت تهده خفيفه وفضيت القير تطلع الطقه

اذا احد يعرف والسبب ياليت يعلمني
او تدلوني على ورشه مختصه بالفتك في الرياض

تكفون ابي فزعتكم
والسلام عليكم ورحمه الله وبركاته

[وليد46]

اخوي الغالي السلام عليكم ورحمة الله وبركاته. بالنسبة لطقة الي تقول اذا كانت بالقير يعني اذا جيت تاقف عند اشارة وهدى الموتر جت الطقة. فهذي ارقد وامن عااادية جداا وطبيعية وكل الفتكاات به هالطقة انا موتري وكاله وبه هالطقة من سنتين واكثر بس انصحك لاتقرب ورشة ولا شي رح لم بنشر وخله يشحم لك العامود وبسس وشحم كل ثلاث شهور مرة. وبالتوفيق يالغالي

[ابراهيم 2003]

طيبب اي عامود اشحم
وهل هي تاثر الطقه على القير

للعلم اخي
الطقه تجي عند توقف الموتر بالظبط اذا كنت ماسك فارامل شبه قويه
واذا كنت ماسك الفرامل بصوره بسيطه جدا" فانها لا تحصل الا بعد وضع القير على N

[برايدوي عنيد]

الطقه اللي بالفتك تطلع عندما

تقف عند اشاره وترفع رجلك قليلا عن الفرامل او اذا هديت شوي تطلع

الافضل :

مر كم ورشه وتاكد من الصليبات ان مضبوطه ولاهي خربانه بعدها

اقرب بنشر وشحم ولاتشيل هم الطقه ابد

هذا مالدي وتقبل مروري...

[ابراهيم 2003]

السلام عليكم ورحمه الله وبركاته
اشكرر اخوي وليد 46 وبريداوي عنيد على مررهم الموضوعي
انا شحمت الموتر واصوت خاف عن قبل ولا يزال الصوت موجود بس الطقه ضعيفه
ام بريداوي عنيد الصلبيات سليمه ومافيهاااا شي شيكت عليهااا ومابهااا شي

تكفـــــــــــــــــــــــــــــــــــــــــــــــ ـــــــــــــون ابي فزعتكم وين المهندسين المكانيكين الموتر نظيفه بس عيبه هذه الطقه الي ماااراااحت
تكفـــــــــــــــــــــــــــــــــــــــــــــــ ـــــــــــــون

[برايدوي عنيد]

هلابك

ان شاء مهنا شي دامك تقول الصليبات سليمه ويوم شحمت خف الصوت

لاتصير موسوس بزود

ياليت تحدد موقعك؟ علشان ندلك على ورشه ممتازه

وياحبذا(لغه عربيه ) لو تجرب زي موترك وتشوف موجود نفس الطقه والا لا

لان اغلب الفتكات بهن هالطقه ولامن ضرر ابد

تقبل مروري...

[sgl2002]

فيه اكثر من موضوع بهذا الخصوص مطروح في المنتدى

وتبين انه طبيعي نظرا لقوة القير على حسب كلام اللي اشتكوا منه

[ربيع مكشات]

يسر الله امرك ؤازاح همك وكشف غمك

[ابراهيم 2003]

هلابك

ان شاء مهنا شي دامك تقول الصليبات سليمه ويوم شحمت خف الصوت

لاتصير موسوس بزود

ياليت تحدد موقعك؟ علشان ندلك على ورشه ممتازه

وياحبذا(لغه عربيه ) لو تجرب زي موترك وتشوف موجود نفس الطقه والا لا

لان اغلب الفتكات بهن هالطقه ولامن ضرر ابد

تقبل مروري...

السلام عليكم
اخوي بريداوي عنيد
انا موب موسوس بس الموتر ياخلني اوسوس على طول
اناا موقعي الرياض
والله يجزاك خيرر

[ابراهيم 2003]

فيه اكثر من موضوع بهذا الخصوص مطروح في المنتدى

وتبين انه طبيعي نظرا لقوة القير على حسب كلام اللي اشتكوا منه

مشكورر ياخوي على ردك الموضوعي ياليت ترسلي الربط عن قوه القير


والسلام عليكم ورحمه الله وبركاته

[ابراهيم 2003]

يسر الله امرك ؤازاح همك وكشف غمك

امــــــــــــــــــــــــــــــــــــــــــــــــ ــــــــــــــــــــين
الله يجزاك خيرر

[sgl2002]

ابحث في المنتدى
او اسال العضو البدراني كاني اذكر انه هو اللي قالها

[برايدوي عنيد]

عندك ورشه ابوصالح التركي بالصناعيه القديمه

رجال نصوح واغلب الشباب يثنون عليه كل خير

تقبل مروري..

[ابراهيم 2003]

عندك ورشه ابوصالح التركي بالصناعيه القديمه

رجال نصوح واغلب الشباب يثنون عليه كل خير

تقبل مروري..

الله يجزاك خير ياليت تدلني على موقعه من الصناعيه القديمه واذا كان عنده رقم تلفون ترساله لي عبر الخاص

[ابوريان القحطاني]

اخوي اغلب الجيوب فيه الطقه انا طلعة لي جي اكس ار اصفار 2010 وسمعة هالطقه اللي تقول عنها وبعد فتره راحت بس اللي اذكره في الصناعيه القديمه ورشه تقريبا على امتداد شارع الجمعيه تشحم الموتر من تحت من والى
وبعدها ماعد في صوت اذكر انهم يشحمون اتوقع الصليب او شي مثل كذا وسلامتك

واذا الموتر ماضايقك انا شري وجاهز