يالربع من يعرف صاحب القصيده

[azozy]

السلام عليكم ورحمة الله وبركاته
مساكم الله بالخير
اخواني ابحث عن مجموعة "من قصص الاباء والاجداد" للراوي والاديب المرشدي والصادرة في حوالى 12 شريط
تسجيل ذاتي للراوي بمعنى انه لم تصدرها اي شركة
كما آمل ممن يعرف عنوان الاستاذ المرشدي (هاتف أو فاكس أو جوال أو ايميل) ان يزودني به وللجميع تحياتي ومحبتي وتقديري

[جرير]

ياعزوزي الله يسعد ايامك
اذكر قبل كم سنه وجدته في التسجيلات الاسلاميه ( العصر) بس ماكان كامل
لكن اذا تعرف احد في حائل متوفر ويدلك علي المرشدي
تحياتي

[azozy]

السلام عليكم ورحمة الله وبركاته
الشكر الجزيل لك اخوي جرير على هالمعلومة وفقك الله
ومازلت يا اخواني انتظر ردودكم وفزعتكم وين نلقى اشرطة "من قصص الاباء والاجداد" للراوي المرشدي
كما لازلت انتظر من ربعنا بحاءل العونه للحصول على عنوان الاستاذ المرشدي (هاتف أو فاكس أو جوال أو ايميل) وأكرر للجميع تحياتي ومحبتي وتقديري

[ابونصوري]

السلام عليكم ورحمة الله

اخواني طلب صغير وان شاء الله اجده عندكم

سمعت في جهاز الكنود عند شخص قصيده لشخص يمني

وهي على وزن القصيده المشهوره للاصمعي صوت صفير البلبي

ولم يسعني الوقت لمراسلة الشخص الذي وضعها

وبحثت عنها في الانترنت ولم اجدها ايضا

فمن يوجد لديه القصيده فلا يبخل علينا

[المباشر]

تفضل أخي أبو نصوري

http://up.9q9q.net/up/index.php?f=1zY11x9a7

[ابونصوري]

المباشر

روح يا شيخ الله يحرم وجهك عن النار ووالديك

[هاوي قصيده]

هو اللي لهجتو شمريه ؟

والا ذا عتيبي؟

[سبيع الغلباء]

السلام عليكم ورحمته الله وبركاته.........................وبعد:
اخواني اعضاء منتديات مكشات نبي احسن وصف بالقصيد عن الطيور((الصقور))
ولاشرط يكون هو الي قايل الابيات بس نبي اسم الي قايل الابيات
وراح يكون بعد اسبوع ونصف اي بتاريخ
26/3/2007م و 27/3/2007م 28/3/2007م
تصويت احسن قصيدة اولقيت



ونسأل الله التوفيق للجميع......

[السرحال]

اخواني بارك الله فيكم

باختصار

من يعرف راعي البيت ذا

يبيض لونه مثل زبد الصميل .... وارثم خشمه مثل خشم الفحل


وتقبلوو تحياتي

[أخو تركي]

هذه القصيده للشاعر : مرير الحبيل العتيبي وله عدة أشرطة وأظن أن هذه القصيدة في شريط (( وصف 2 )) والله أعلم

[جرير]

خذ قصيد مرير مني يازميل

حاضر بحاضر ولا نحب الاجل

وفوق هالابيات ذي صورة صميل

يوم بعض الناس في وصفه جهل..

راكب اللي لامشا الخط الطويل

لو مشآ يوميين ماجاب الملل

اسمحولي باصفه وصف(ن)قليل

عقب وصفي ياعسآدربه سهل

أقصد الفكسار ماغيره بديل

نعنبو من صممه لين اكتمل

امدحه وان مامدحت اخر موديل

ويش ابمدح موتر(ن)غيره اجل

وارد اليابان ماجاله مثيل

اقطم بالسوق مامثله نزل

ابيض (ن)لونه مثل زبدة صميل

وارثمن خشمه مثل خشم الفحل

لون زيقه لمعت السيف الصقيل

لمع برق(ن)في خيال(ن)منهمل

والعلامه لاسري مثنات ليل

في جبينه كنها كوكب زحل

ويتهزع مثل نقاض الجديل

ومنوته مثنات خط(ن)لانسحل

ويتنهض لبرمه بالقاع ويل

وان بغيته يعتلي راس الجبل

كن تشيله عن عزاز الارض شيل

وفيه من قدام دفرنس الدبل

ماورد مثله مواتر مستحيل

ان رضا راعي السفاري وان زعل

الجيوب اوصافها بالراس خيل

من خويه جيب ماجاه الزمل

افترد عبداللطيف الهن وكيل

وعامل اليابان وانصح بالعمل

فوقه اللي لامشي الغدراء دليل

ويتحمل لشقاء مثل الجمل

في لزومي عن طريقه مايميل

ولانخيته ماتمشا بالمهل

حوله مع حافت الضلع المهيل

لين عنه أطويق قدام انعزل

ماسمحله ياعسي جاله يسيل

لوسمحله قيد سواقه وصل

ولاتساوي مر ومرات(ن)يعيل

ولاتعداء من وراء شقراء انعدل

ثم تنهض مابقاء لوكان ميل

داخل الطبلون والخط انحل

وشد حيله مابقاء بالحال حيل

لين ضاق الكون جاء كبر الدحل

والهوي عن رفرفه جاله شخيل

راسي(ن)ومرسيه كبر العجل

المراكز ماتعرضله سبيل

خابرينه عن هدفهم مستقل

[السرحال]

اخوي الاهلاوي بارك الله فيك وما قصرت

اخوي جرير يعطيك مليوووووووووون عاااافية وما قصرت وجمل الله حالك يا غااااالي

[فاقدخوي]

1
1
1
1
1
1
1
اللي يعرف يعطيني الشاعر والقصيده اكون له من الشاكرين


القصيده تقول




حلفت انا ماهين نفي ورى الناس_______واللي كتب ربي لزوم يجيني

اعيش وحداني ولا بعض الجناس_______هذا يعاندني وذا مايبيني

[سلطان العوني]

ما قصرو الاخوان

[رشيدنا]

السلام عليك ورحمة الله وبركاته

اريد قصاءد بصوت المنشد مهنا العتيبي في شريطه ((لوحة من الماضي 2))

وخصوصا: حمام ناح بالاغصان طارب

ويا ما حلا الفنجال مع سيحة البال

وشكرا لكم