يالربع من يعرف صاحب القصيده

[قناص مطور]

ابيات جميله ولكني والله معرفت لمن وقد سالت الشيبان ولا عرفوا هم بعد

[فورد]

من عنده قصيدة
يا الله انا طالبك حمرا هوى بالي
وان امكن بالصوت الله يوفقكم

[فورد]

من عنده قصيدة
يا الله انا طالبك حمرا هوى بالي
وان امكن بالصوت الله يوفقكم

[رعدان]

سم خذها

http://www.5ymah.net/home.php?index=...nd=rm&n_id=463

[جرير]

فيه شريط بالتسجيلات الاسلاميه اسمه الاطلال للمنشد حامد الضبعان فيه القصيده كامله مع غيرها يعجبك

[فورد]

بارك الله فيكم يا اهل الفزعه

[الضاري]

السلام عليكم ورحمة الله وبركاته

من يعرف تكملة القصيده الذي منها هذا البيت ..

اهيم بأوجاعي على الارض وأدوج 0
والآرض في بعض الشدايد حنونه !!

وجزاكم الله خيرا مقدما

[خيال الغلبا]

لللأسف لااعرف القائل
اخوي الضاري البيت رائع يدل على ذوق عالي لديك
ولكن لم نميل دائما الى الأبيات التي تحكي المعاناة

[السنع كله]

هجينية احفظ اول بيت فيها :يااهل النضا من يخاويني لسمنان 00اما على الجيش والا قوه رجليه

[الضاري]

تسلم على المداخله اخي العزيز خيال الغلبا

وبأنتظار من يعرف التكمله

تسلم والله يحفظك بحفظه

[باترول أسود]

السلام عليكم...

معليه ياشباب....دخلتي غلط..لكن ممكن طلب...
أبي قصايد عن الباترول..
والي عنده لايبخل علينا..
.
.
.
.
ومشكورين وما قصرتم

[أبوالوليد]

بسم الله الرحمن الرحيم

السلام عليكم ورحمة الله وبركاته ..

وشلونكم والبرد .. ؟

ماشاء الله .. ولا بسيبيريا على هالبرد ..

اللهم قنى زمهرير جهنم يارب ..

عندي طلبين لقصيدتين :

الأولى أنشدها أحد الإخوة وكان صاحب صوت ساحر جدا .. سبحان من وهبه تلك الحنجرة .. وهي الموجودة في توقيعي

إن أردتم أن أنزل النشيد أبشروا به ..

يا خلوج تشْعب الصوت والعالم رقود = تنظر الحيران وحوارها ما ينوجد

صوتها يشدي حنين وترزايم الرعود = في ليالي ديمت والهواء فيها ركد

دمعها لو ينحدر ما توقفها السدود = لا مشى في جرها السيل ما يلقى لدد

هيضتني في ليالي يا عساها ما تعود = نار جوفي حرها عن ضلوعي ما برد

أتصبر يا عسى صبري الليلة يفود = وأطلب الرحمن يجلي عني همي والنكد

أريد صاحب القصيدة وإن كان لها باقي فيا حبذا ..

القصيدة الثانية .. أنشدها أخونا نفسه ..

لكن الأبيات الموجودة كانت قليلة جدا :

ياراعي الجيب الجديد المقرطس = جيب جديد(ن) ماحصل فيه ونـّي

خمس غيار والدبل فيه والترس = ترس(ن) يصفق له وترس(ن) يغني

أريد باقي هذه القصيدة وقائلها أيضا ..

وشكر الله لكم ..

والله يعينكم على البرد .. ننصحكم بأكل العسكريم حتى يفرز سعرات حرارية ..

محبكم / أبو الوليد ..

[العاصوف]

اخوي السنع كله سويت بحث وطلعت بهالنتيجه من منتديات الزلفي

ها القصيده للشاعره سبيكه الخليف واشتهرت هذه العائله بالشعر من عهد الجد الشيخ عبد الله الخليف ,,
عندما بلغت سبيكه سن الزواج زوجها ابوها من واحد من اهل الكويت فضاقت فيها الوسيعه لانها متعوده في الزلفي ترعا الغنم وتروح وتجي وتتحرك وتروح لم الغدير ولا احد يقولها شي ويوم خذاها ها الكويتي صك عليها بالبيت وصارت ماتطلع والسقاي يجيب الماء لها وهي بالبيت بذا القواطي وهي ماضرت على ذا الشغل فقالت ها الابيات تتوجد وتمدح فيها ابوها واخوانها علشان يجون ياخذونها من زوجها اللي هي ماتبيه ,, فقالت الابيات هاذي ..


يأهل النضا من يخاويني لسمناني *** اما على الجيش والا قوه رجليه
امرح واروح واقيل فوق غدراني *** ولد العجم مايجيبه لي بقوطيه
من دون اهلنا يقيف الذيب سرحاني *** بامن من البعد والدو الحلاويه
نجر غروس يبان لكل ولهاني *** ماهن قراحن شرابه منوتن ليه
ماهوب يحجب ولا يجاب بأثماني *** مسبله والدي زبن الجلاويه
عنده اخواني لهم بالفعل ميداني *** كسابة الطايله نطاحة ليه
اهل الصحا والوفا خطلان الايماني *** من نسل وايل ماهوب الطيب عاريه
في مجلس منوة اللي جاه عمساني *** يلقا دلالن على النيران مركيه
والهيل يشرا ولو بغالي الاثماني *** يشرون لوغليت الاسعار بريه
زبن لمن جالهم خايف وجيعاني *** من لاذ فيهم تعدت راسه السيه
ويلقا بعد سفره قرح الفاني *** للضيف والجار واللي مر طرقيه
عوايد ماشيه من نسل جداني *** توارثوها من الجدان جيله ,

وبالنسبه لهذا البيت انا بعد سمعته من الوالد لكنه راجح بالقصيده
جعل ابوي ميت باول الهية واخوي طريح بين عدوانة

وعقب ماقالت ها القصيده راح حدا اخوانها وطلقها منه غصب وجابها للزلفي ,,واسمحلي على القصور ..

[خيال الغلبا]

العاصوف الله يعطيك العافيه على هالمعلومات الوافيه

لكن بقي سؤال
مامعنى قولها /من نسل وايل ماهوب الطيب عاريه

[العاصوف]

يعني هو من عنزه هل الطيب مهوب متسلف الطيب من احد

توضيح انا دخلت الموضوع البارح واحسب الموضوع جديد
اثر الموضوع من 9 صفحات