في زمن الصبا وفي اجمل ايام المراهقه كان لي قصه جميله حبيت اني ارويه لكم وبكل بساطه
تبداء القصه في احدا السنوات وعقب المربعانيه كانت ذيك السنه ربيع يغطي الارض وضهر الفقع
والكل يستعد ويعد العده للمكاشيت
كان صديقي واعز الاصدقاء عندي ولد خالي مرتبط بالمزرعه بكثير من الاعمال ولا يقدر ان يبتعد
خاصه ان الجميع كاشت
يالله وش السوات فقررنا ان نكشت كشته يوم وليله وما نبعد
جهزنا العده ..وبكل بساطه فراش ..مطرحه وبطانيه هذا قبل السليب باق الفراش الحالي
والعده دله وبريق وقدر بس
السياره..ددسن موديل 82 بدون نور ورا
كان عندي له صوره بحثت كثيرا لم اجده
انطلق القروب متوجه شمال الرحله كانت تحت امراة ولد خالي خاصه انه يدربي راسه وما يدل
ماعلينا وين حنا رايحين !!
تنقلنا في مواقع كثيره في هذا اليوم
زهابنا كان قرص جمري مفروك بالسمن والتمر
او قرص على الصاج بالسمن والعسل
والضو عامره والشاهي خادر
تخنقني العبره كل ما تذكرت هذه الايام والبساطه
المهم.. ما علينا كل هذا تبهير للقصه
تبداء القصه في اليوم الثاني وقبل الرحيل
كنا قد قررنا العوده لاهلنا خاصه ان ولد خالي هو الى مستلم المزرعه
وحنا راجعين لقينا هاك الشايب يصوت لنا من بعيد وعنده رعية غنم
ياعوال:ياعوال: كان الى يسوق ولد خالي وصك هاك البريك لين لصقت بالقزازه رحنا للشايب سم ياعم امر
والله الشايب ما شورنا ركب معنا على طول وقبل لا يركب صوت بصوت عالي.. ياعواد ياعواد .. حنا ندور عواد ما نشوف غير قطيع الغنم المهم هجت الغنم واثر عواد بوسط الغنم يمكن عمره 6 سنوات بزر لابس كحفيه مميزه كنه قدام عيوني بس ودك تناضره
الولد:لبيه يبه
الابو:جهة الضلع ياعود..جهة الضلع ياعواد
ولد خالي قال للشايب
وش جهة الضلع !!!!
والله ما يرد ولا كمخت شات قال مهب شغلكم تشوفون الحين
ما علينا
قال الشايب الحق الصيخ بسرعه..واعطيكم 10000 الف
الصيخ!!!
وشو الصيخ.. قال الحق راعي الددسن هذاك ولدي منحاش
والله يبو الحبيب ال10000 مهب شويه لحقنا الولد والصيخ انواع لتفحيط هاج عن ابوه
ما علينا لحقناه وطمرنا شجرتين رمث مع شغيه هو يوم قربنا منه قال الشايب لكم 1000 ريال بس يوم دري اننا نبي نجيبه
الصيخ:طفا السياره وهج على رجليه
يقول لا تفزعون له لا تفزعون له هالشايب اكل حبه فارتآ راسه يالله صلاح العطاء
لالالا الشايب مصدّق عندنا ونبي نفزع له
قال الشايب كفو والله النشاما
الحقيقه انبسطنا حنا ورحنا مع الشايب نكمل فزعتنا
وصلنا بيت الشعر قال نبي نهد البيت ياعوال ايديكم
دق الريوس بوسط البيت وسحب العمدان وطاح البيت على حوص الددسن بطريقه عجيبه
بس اسحب الاطراف للصندوق
الشايب..يقول ملعون ابو الى يقول الحضر مافيهم خير
الشايب..يقول ملعون ابو الى يقول الحضر مافيهم خير
يوم درينا والله ويطلعن البنات يصوتن
ثتنين سبحان من خلقهن
يشرن بيدنهن روحو لا تعونون الشايب
ولد خالي ضرب فيوزه ما عمره شاف حريم غيره امه وجدته
انا بلشت به بلّم هج افمه ووقف يناضر المحرم
كان التخطيط انه ولد خالي بيسوق الحصنيه والبنات الدداسن
ونبي نشد وننزل معهم
والله يبو الحبيب كان بيت الشعر يقطع القلب من ثقله وحنى نتناضر انا ولد خالي
هالحين هاجين عن اهلنا ما عوناهم بشغلهم ونبي نعاون هالشايب
الى اكل حبه فارتآ راسه
لالالا والبنات قالن لا تعونونه
افا عليك
ولعيناك والله ما نعاونه لو يحب الثريا
خاصه انه شغل الشد يقطع القلب من ثقله
ما لكم بالطويله
شغلنا السياره ومشينا رحنا للديره
وحنى في اتجاه العوده لقينا العجوز امهم بالفيضه
تشر لنا
قالت : انا مسئوله من الله ثم منكم فكونا من هالشايب
كنا نراوي بالروحه حتى سمعنا كلام العجوز
والله ونجزم نترك الشايب ما نعاونه
رحلـــــة العــــوده صـــن
ما تسمع غير تنهد ولد خالي
وصلنا المزرعه مسيان او عقب الاخير وصلينا ونمنا
الفجر قمنا ولقيت ولد خالي شاب الضو ومجهز القهوه
تقهوينا
قال وش رايك؟؟
قال وشو به!!
قال نبي نروح للشايب نبي نشوف وش صار عليهم
هههههههههه
علينا
بس انا فاضي قلت يالله توكلنا على الله
وصلنا المكان ما لقينا غير اثرهم ورحنا ندورهم جهة الضلع
تذكرون كان يصوت لعواد ..يقول: جهة الضلع ياعواد
والله ما لقينا احد ابترمت روسنا
ولد خالي كان ما عمره شاف اي زول ولا عندهم تلفزيون
الموضوع سوى عنده ردة فعل والله اني خفت عليه يدفق عقله
كان يهيجن ويردد
وين راحو عن وطنهم
او هو تغير سكنهم
ما سئلت الناس عنهم..يمكن انهم خابرينه
ولا تزال هذه الشفره موجوده بيننا
وين راحو عن وطنهم
اتمنى ان اكون وقفت في تقديم ما يروق استحسانكم
اخوكم ابوعمير
تم تشفير الكثير من احداث القصه احترامنآ لذوقكم وخوفآ من الرقابه العامه