اخواني نبغى طريقه لفحص الكمبيوتر عشان نقطع الشك باليقين
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
اخواني نبغى طريقه لفحص الكمبيوتر عشان نقطع الشك باليقين
السلام عليكم ورحمة الله وبركاته
اليوم مريت على ورشه وحطيت مقياس ضغط الطرمبه وكان الضغط واصل 50 والسياره شغاله
المهم طفيت السياره قام يتراجع عداد الضغط وخلال 20 دقيقه وصل الى 15 وثبت
واول اذكر انه ماينزل عن 40 لمن فحصته ومتأكد من هانقطه
هذي البخاخات خربانه
للأسف مركز الجميح يوم تقول جون فحصها لمدة ساعه يبدولي كان غاشك
تأكد ثانيه وافحص ضغط الطرمبه عشان نقطع الشك باليقين
يعني خذ عيار الضغط معك واذا جاء الصبح بدري قس ضغط الطرمبه قبل التشغيل وسجله
ثم خذ مشوار الين يحمى وقبل ماتطفيه حط العيار وقسه ثم طف واقعد مقابل العيار لخمس دقايق وشف وش يصير لضغط الطرمبه
يعني تتوقع انه الجلد الي بداخل البخاخات لمن تحتر تهرب بانزين ؟
يطويل العمر انا بغير بخاخاته كامله وبقطع الشك باليقين وش رايك
اركب حقات بوش تقدر تتأكد هل هي تركب على الجمس ولا لا
الامر الاخر بالنسبه لحقات للبخاخات الي كنها اخطابوط افضل منها ولا لا
ولا اركب من حقات السبورت اصير راعي مجاكر هههههههههه
نبغى افضل نوع عشان كل من يقراء الموضوع بعدنا يدعي لنا
اخوي الغالي ماجلان ((ابو الفزعاااات))
بالنسبه لبخاخات بوش هذي هل تركب على الجمس وهل فيه طريقه نتأكد انها تركب
http://www.ebay.com/itm/8-Bosch-Fuel...ht_1176wt_1037
الله يعافيك اليوم كنت مشغول وتويي افضى فمعليش...
فالله يعافيك ماودنا بالخساير
مبدأي مهوب غيّر ثم جرّب
ودنا نطيح على المشكلة متواسين
شوف ابغى يكون معك العيار على طول لو تستعيره ليوم
انا راح ادلك على سيناريو خبراء جي ام للمشكلة وكلهم شغالين في الشركة ،
انا شفت تقريبا اكثر من عشرين مشكلة نفس مشكلتك
ودايم يعزونها لماكسي انجكتور او الأخطبوط يقولون ان تصميمه تعبان
السيناريو اللي يحصلك ولغيرك كالتالي:
الصباح لما تشغل وتدق سلف يضخ الطرمبة بنزين للبخاخات فتشتغل تمام
لكن لما تطفيه يقول لك ان البنزين المحشور وراده الريقوليتر ينضغط ولايتسرب
لكن انت عارف من بعد الريقوليتر فيه ثمان ليات توصل للبخاخات
المشكلة لما تطفي،، الليات اللي قبل ابر البخاخات فيها بنزين وبحكم ان البخاخات كهربائية من المفترض انها توقف اول ماتطفي لكن اللي يصير صحيح توقف عن العمل لكن يصير فيها تهريب بحكم اكيد انها عبارة عن بلاستيك فالبنزين اللي في اللي (الماصورة) يدخل في البستم وزي ماتقول تبدأ تقوطر
لما تجي تشغل عقب ربع ساعه تلقى السلندرات محشورة بنزين ومن بينها البوجي فما يقدر يشتغل ويشرّق الا عقب فترة ،لكن لو طفيت ثم شغلت يصير مايمدي حجرة السلندر تمتلي بالبنزين من القوطرة فيشتغل
ولما تجي الصبح وتقول يشتغل على طول تلقاه يشتغل على طول لأن البنزين في حجرة السلندر تلقاه طار وتبخر فما يشرّق...
الحين اذا فهمت السيناريو اللي فوق نجي للنقطة الثانية:
ابغاك تجيب العيار وبالصبح تشوف كم هو ضغط البنزين وتقيسه وبالتاكيد تبي تلقاه نازل بس اول ماتدق السلف راح تشتغل الطرمبة ويرتفع الضغط
وابغاك اذا مشيت وقبل ماتطفيه تحط العيار وتقيس اكيد عند الـ50 ثم طفه واصبر 5 دقايق وشوف كم يصير عليه الضغط ثم اصبر خمس دقايق وجرّب كم يصير إذا نزل عن 45 اعرف انه فيه تهريب 100000000000000000% من البخاخات
وللمعلومية ترى هالبخاخات تبيعها بوش وتبيعها كذلك فور فإذا مالقيتها عند بوش تبي تلقاها عند فورد بس خلني اجيب انواع السيارات الالمانية والفورد اللي لها نفس الرقم عشان لو مريتهم يمكن يقولون وش نوع السيارة بحكم بعض الاحيان الارقام تختلف في امريكا عن هنا
والرابط اللي فوق للبخاخات صحيح 10000000% حقات جمسك تطبق عليها 1000000000%
اخوي ماجلان انا خايف من نقطه وهي ان فيه تهريب من كان ثاني غير البخاخات يعني من الماصوره حقت البخاخات او الربلات حقت البخاخات خربانه وتهرب كيف نتأكد ان التهريب من البخاخات 100%100
شكلي الليله بدخله بالحووووش ادور على تهريب للبانزين اخاف ان فيه تهريب
وبشتري مقياس بس ماعرف هل ساسكو موجود فيه
ياليت من له خبره بمكان بيع المقياس ضغط البانزين يدلنا
الحين رقم القطعه هي بوش 0280150973
السيارات اللي تركب لها كالتالي:
فورد موستنق موديل 86-96 حجم 5 لتر
http://www.ebay.com/itm/86-95-FORD-M...ht_2696wt_1185
رنج روفر 8 سلندر من موديل 89 وحتى 98
http://www.ebay.com/itm/8-NEW-ERR722...#ht_1707wt_952
فولفو من 89-95 4 سلندر بس مثلك يبيله طقمين
http://www.ebay.com/itm/4-Bosch-Fuel...#ht_1841wt_952
بي ام دبليو 735i من موديل 89-92
http://www.ebay.com/itm/89-90-91-92-...ht_4739wt_1185
وغيرها الكثير
شوف ياطويل العمر ابيك بس بكره او بعده تعيد الفحص عشان نتأكد مره مره
واذا مالقيتهن خذ صورة للطقم اللي انت حطيت رابطه وخذ صوره له
وتأكد انه مثلهن ومر على محلات قطع الغيار وخلهن يشوف صورهن
وطبعن تأكد ان معدل الضخ 19lb لأنه نفس موترك لو زاد الضغط ممكن يكون يشرب بنزين اكثر
وترى فورد متطابقة مع بوش لأنه يبدولي بوش هي اللي مصنعته لبوش بس فورد حاطه دمغتها على بخاخااتها...
وترى النت قريب بضغطة زر نشتريهن فلا تستعجل
اخوي ماجلان جربت الطريقه الي قلت لي عليها وهي اني اشغل السياره عشر دقائق وبعدها اطفي واخليها نص ساعه واشغل وكانت النتيجه التأخير بالتشغيل
واتوقع مثل ماقلت المشكله بخاخات
والسبب الي يخليها تشتغل بالصباح من اول دقه
لان البانزين الي ينقط من البخاخات تبخر ولمن تجي تشغل يشتغل من اول دقه اما اذا اخذت مشوار ووقفت
وقت قصير مايمديه يتبخر البانزين ولمن اشغل بيشرق ويطول بالتشغل مثل ماقلت لي
كلامك سليم 100000000%100
وماقول الا الله يوفقك وين ماتروح والله يحرم اثنين جابوك من النار
وان شاء الله راح اغير البخاخات لبخاخات بوش الالماني لان بخاخات شد البلد يوجد فيها عيب تصنيعي مثل ماقالو خبراء جي ام الامريكيه وهذا الكلام منقول من اخوي الغالي ماجلان
السلام عليكم
المشكله كانت عندي في نفس مديل السياره بعد الفحص الدقيق تبين لي ان هناك تهريب في البخاخات حيث بعد ان تطفي السياره الضغط للبنزين في الماصوره ينزل تدريجي اي ان هناك تهريب والتهريب اما داخلي كما حدث عندي حيث وجد عدد 2 بخاخ فيهم تهريب لداخل السلندر وعند التشغيل تطول المكينه في التشغيل ويخرج دخان اسود مع بدايه التشغيل فقط
المهم فك جميع البخاخات واعمل لهم تنظيف مع اختبار ضغط والمعطوب الى ما يمسك ضغط بدله بجديد لان قيمه الحبه الواحده اصلي حول 380 ريال ضرب 8 يساوي 3040 وعليك الحساب زائدا قيمه فك الثلاجه مع تبديل القازقيت للثلاجه بكون الحساب كما دفعته انا 3650 ريال والله المستعان لاني بدلت كل البخاخات والاوجب تبديل البخاخ المعطوب فقط
ودمتم بود
بعدما تكون السياره بارده تجي عندك تفتفه
اخواني من يعاني من نفس المشكله ياليت يتأكد انها بخاخات والطريقه
انه يشغل سيارته الصباح بتشتغل من اول دقه وبعدها بدقيقه يطفي السياره ويخليها ساعه
ويشغل ان طولت معناها بخاخات واذا اشتغلت من اول دقه بعد ماخليتها ساعه معناتها عندك مشكله كهربائيه او غيرها
الذين يشاهدون الموضوع الآن: 1 (0 من الأعضاء و 1 زائر)