بسم لله الرحمن الرحيم
تحية طيبة
بالنسبة للخيط من المعروف عنه سعره المرتفع .. و ايضاً معروف عنه قوته وسلاسته في الصيد
وطبعاً مايميز الخيط الحرير عن النايلون انه رفيع جداً من ناحيه سمك الخيط
وانه خيط حرير بسمك خيط النايلون مقاس 25 يعادل قوة خيط نايلون مقاس 100 ( على حسب شركة الخيط )
بالنسبة لي اول تجربة لي مع الخيط الحرير كان خيط PowerPro Super 8 Slick
مقاس 10lb و مقاس 30lb
وبالنسبة للخيط PowerPro Super 8 Slick هذا جديد في السوق نزل منذ اسابيع قليله على الانترنت واعتقد انه غير متوفر في الاسواق المحليه
مايميز الخيط نعومته وانزلاقه على المكينه او الاصبع .. لا يسبب خدوش في المكينه
لا يؤذي الاصبع عند الرمي .. وعند التصخير ينقطع من طرف التصخير ( الثقاله او السناره ) و بسهوله ويسر .. جربت النايلون مقاس 60 مضغوط .. وكان يطلع عيني اذا صخر اسحب و تتوزع قوة السحب على امتداد الخيط و يتمطط عكس الحرير عن التصخير تشد الخيط و يكون وتنتقل قوة الشد لطرف التصخير وينقطع بسهوله .. هذا لا يعني انه الخيط ضعيف على العكس
الفاصل بينهم بأنه ما يمتط او يتمدد
وطبعاً الخيط الحرير يحدث فرق عند رمي الثقل لمسافه بعيده .. الرميه بالسناره تكون ابعد
هناك فرق كبير بين هذا النوع و الانواع الموجوده في السوق .. لاحظت انها خشنه او فيها نوع من القساوه عكس PowerPro Super 8 Slick ناعم جداُ لدرجه تحس انه الخيط مزيت وسلس في الربط
بالنسبة لسعر الخيط 10lb طول 1370 متر بـ 563 ريال
وبالنسبة لسعر الخيط 30lb طول 1370 متر بـ 673 ريال
اشتريتهم من هنا
http://www.tackledirect.com/powerpro...ided-line.html
و اي سؤال او استفسار انا حاضر