والله صراحه ودي اغير الزيت بنفسي بس اخاف ازود او انقص وبعدين تخرب المكينه
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
سيارتان عندي واغيره في حوش بيتي الله ام لك الحمد وعندي ماطور هوا وش حليله انفخبه الفلتر من الغبار واشتري بالكرتون سوبر جيتي فوكس ومرتاح والسيفون اشتري 12 حبه
انا اغير الزيت بنفسي اذا طلعت للبر لكن بعض المرات اكون مستعجل اروح لهم يغيرون الزيت وانا كارهم .. لأني اتذكر مره ابن عمي عنده جيب شاص غير زيته عند يماني ومشاء للبر كشته وهناك جيمت المكينه وعند الفحص قالو السيفون لم يربط صح .. بعدها صرت اخاف منهم .. واهم شي يااحباب التأكد من جودة الزيت ترا التلاعب كثير والزيوت المغشوشه الضاره متوفره ..
والله ودي وشغلته ماتبي لها حاجه لكن المكان حفره الزيت هي من يجبرنا على تغييره عن البناشر
السلام عليكم
مساك الله بالخير
اخوي بدوي جنوبي
انامعي يوكن 2006 كنت استخدم زيت جي تي 20w/50 ابو علبة سوداء
وبعد ما قريت نصائح اخوننا المشرفين بالمنتدى عن نوع الزيت اللي يستخدم للجمس غيرت الى زيت
كاسترول جي تي اكس 10w/30 ابو علبة بيضاء بس لاحظت ان ضغط الزيت ينزل عن 40اذا كان ضغط الماكينة 600 دورة
ويرتفع ضغط الزيت الى 55 اذا كان ضغط الماكينة 2500 دورة
وش العلم
ارجع للزيت القديم وإلا لا
ان اغيره كل عشره الاف كيلو باالاستراحه وعند وصوله سته الاف اغلقه نصف علبه والامور عدله
مابعد غيرته
لكن ان شا الله ما يمر شهر الا وانا مغيره بنفسي
لاهنت وانا خوووووووووووووووووك
...
أغلب شي اغيره بنفسي عندي مفتاح السيفون ومفتاح 14 بس احيانا يكون الجيب مليان وكسلان وروح اشري زيت من محلات الجمله يفرق معي واجد وروح اغيره بعشره ريال بدل البهذله لأن مره من المرات اخذت جالون بلاستك افضي فيه الزيت وطلع منشق وصارت كارثه بحوش البيت امتلى البلاط زيت وضطريت اجيب بنزين وثلاث ايام تغسيل. اهم شي الي مهب مغيره بنفسه لا يلعبون عليه البنشريه خاصة انهم منغلثين يبعونه بسعر مرتفع الواحد ما يطلع منهم الا هو دافع فوق الميه ريال يروح يشتري من محلات الجمله كرتون ويغير عندهم ب10 ريال
..(( لا إله إلاّ الله ))..
أنا نفسي أغير الزيت بيدي لكن وين المكان وانا بالشرقية واهلي بالرياض
حتى قبل لا اسافر او امشي مشوار طويل
اغير الزيت قبله بيوم وارجع للشقة واذا قمت للدوام الصبح اشوف تحت السيارة اذا ما فيه تهريب الحمد لله التركيب زين
والله يمكن لي ثلاث مرات اغير الزيت مع الصرة لانها تخرب وسنن الكارتير سليمه
وين المكان والعده موجوده
:ولا اشوف البنشري يوطوط قدام البيت ....
الحمدلله العده موجوده والهوا موجوده والنيه ان شاء الله رافعة هيدروليك ان كان احد يعرف اسعارها يسدحها لنا ام عمودين وله تكايات مثل حقات العفريته تسحبن للمكان الي تبي ازين واوذف من الحفره
الموضوع رائع وجميل والنقاش فيه أكثر من شيق
أنا واعوذ بالله من كلمة أنا
أغير الزيت والسيفون بيدي ... سيارتي مرتفعه ومن السهل الدخول تحتها
أغير مكائن الزجاج لسيارتي وسيارات اصدقائي
خراطيش الماء .. دينمو السياره ... أقمشه وفحمات وكذلك الهوبات
وسبق وفكيت اثنين دفرنسات وغيرت صوف ورمانات وطبقتها ..
قمت بتنجيد سقف سيارتين بكل روعه مع اختيار افضل انواع الاقمشه وزيادة الصمغ لضمان عدم فك التنجيده .. وهذا مالا نحصل عليه عند الورش
لن تجد أحرص منك على حلالكـ <<< مبدأ
والله الشغل متعه وتضييع للوقت خصوصا أن عندنا وقت فراغ مهول نعجز عن ترتيبه
وتوفير للمال وخدمة لك ولاصدقائك .. واصدقاءك لما يساعدوك ويحسون بالمتعه .. يشتغلون كمان هم في سياراتهم ...
البنشري ياخذ 20 ريال على تغيير الزيت مع السيفون .. لا ياخي انا وعيالي اولا فيها ...
جرب تغير مره .. وصدقني تغير زيت مكينتك كل مره
دمتم بخير وشكرا لصاحب الموضوع
و لله الحمد جميع سيارات في البيت زيت او صيانه و الزيت مع الفلتربالكرتووون او و اضمن
الحمدلله مـآشكيت منه بشيء هـآلزيت
آؤصل 5000 ؤ به لزؤجته
ؤ آللي ع آلغطــآء للآستخدـآمهم آلآميريكـآن بـآ ـآجؤـآهم آلبـآرده
ؤ جـآبؤه ربعنـآ آلزيت ؤ صنعؤه بذـآ ؤ ؤ قـآلؤ سعره مدري كم
آستغلآل تجـآر آلفلس الله يفلسهم
ؤ آلزيؤت بثقلهـآ آلآن ؤـآحد مؤ نفس آؤل
تلآحظ ثقل آلزيت لآ صبيته
ؤ زيد آخؤ عبيد عندي 50 \ 20 آؤ 30 \ 10
ؤ 50 \ 20 يتحمل حرـآره آكثر من 30 \ 10
ؤ الحمدلله آلآمؤر تمـآم لآ من ضغط آلزيت ؤلآ من صؤت آلمكينه
معي قبل كرـآؤن فكتؤريـآ مـآبه نؤع زيت آلآ ؤ صبيته فيهـآ
50\20 30\10 40 hd
الحمدلله ؤ بعته ؤ هي الله يرزق من آشترهـآ
شكرآ آخؤي آلثؤيرآت
’,’,’,’,’
بمؤت ؤ قلبي من هؤى آلبر محتر ,, ؤ حب آلديآر آلبآقية مآ نسآهآ
آلزلفي ,., آلكسر
الذين يشاهدون الموضوع الآن: 1 (0 من الأعضاء و 1 زائر)