انا اغير الزيت عند البنشري لاكن ماهو أبو يمن
صاحب البنشر سعودي والعائد المادي له وليس للعمال.
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
انا اغير الزيت عند البنشري لاكن ماهو أبو يمن
صاحب البنشر سعودي والعائد المادي له وليس للعمال.
صراحه نسبة 30% ترفع الرأس
أنتو
اغير عند البنشري الله لا يقطعناء منهم كان بتحوسناء الزيوت لولاهم
سأجرب رغم خوفي من التجربة
هلي جديد و غطاء تحت المكينة حوسة
و نشوف المكان و نتوكل على الله
السلام عليكم
اخواني اول مره اشارك معاكم بخصوص تغيير الزيت بالمنزل او خارج البنشر
اقراء من يقول سهل ومن يقول صعب ومن يقول الفلتر ما ينفك ووو
لاكن حسب خبرتي بالموضوع من واقع تجربه لان لدي صاحب بنشري واحب اغير زيت سيارتي بنفسي
الاحض بعض السيارات فيه مسافه كافيه ويكون سهل تبديل الزيت والفلتر
وبعض السيارات لا توجد اي مسافه فيكون صعب
ولاكن نصيحتي للي يغيرون زيت لسياراتهم من واقع تجربه
اذا الفلتر تم المشي عليه مسافه بعيدة وتم تغيير الزيت اكثر من مره دون الفلتر انصح بتغيير الفلتر عند البنشري
لما وجهت من مشاكل كثيره منها البلتر يفلت مكانه يصير يدور بوش تثبت السنه ويدور الجرم
او ينشق الفلتر او ينسم او او مصايب ووهقات اقول الله المستعان بس تشيل السيارة بسطحه للبنشري او مخرطه
او تجيب بنشري يفك الفلتر
هذا للتوضيح
وانصح بتغيير الزيت مره ومره زيت وفلتر
ولا تنسونى بالدعاء
استغرب من يتكاثر دفع 20 ريال لمغيّر الزيت ويوصفه بأسوء الصفات ويتكلم على جنسيته
لكن ماعنده مشكلة يدفع 500 ريال صيانة للسيارة كتبديل قطعه او تصليح
مع ان الوقت والجهد قريبة لبعضهن
ياخوان اخذت عندي دراستي خارج اللملكه من العادات التي يستفاد منها ان اغلب البيوت لديهم بها كاراج ورشه صفيره للسياره بدل مضيعه الوقت بالسواليف استغل وقتك الزائد بعد العباده باصلاح سيارتك بالاعطال الخفيفه وتغيرالزيت بنفسك سوف تجد سعاده لاتوصف ربما تخطي بالعمل هذا ليس عيب ستجد بنفسك ثقه عند العمل وليس الامر مقصور علي السياره اعطال البيت الخفيفه يمكنك القيام بها بدون مساعده الغير
الموضوع أكثر من رائع وأنا عن نفسي لو عندي كراج في البيت وفيه حفره مثل الحفر الموجود في البناشر كان شئ أكثر من ممتاز مو مجرد استفيد منها في تغيير الزيوت لأنه تغيير الزيت بغض النظر أنه في سيارات فيها شوي صعوبه ولكن في النهاية تغيير الزيت سهل بس يبي لك حفره في كراج البيت أو حوش البيت مع وجود العدة اللازمة من وسائل سلامة وعدة لفك الفلتر والصرة وهي عدة بسيطه , وياليت لو كان عندي هذا الشئ مو بس اغير زيت حتى في مايخص تربيط السيارة اسوي أنا واي تهريب تحت يخص المكينة وقادر على صالاحه اصلحه بنفسي الا اذا كان يلزم ورشه هذا شئ آخر ................... وشكرا لك مره ثانيه ياصاحب الموضوع
موضوع واستطلاع رائع بروعة الخيمة وأهلها من مشرفين واعضاء
اللي اسويه بالبيت :
تغيير زيت وفلتر المكينة
تغيير زيت وفلتر القير
أغلب الاعطال الميكانيكة والكهربائية البسيطة والمتوسطة ..
لتوفر العدة المناسبة والقراج المناسب داخل البيت ..
موفقين خير
استبدله بنفسي
في الصيانه التابعه للعمل
السلام عليكم ورحمة الله وبركاته أغير الزيت في البيت لسبع سيارات لي ولاخواني وابويه وأغير سيفون واوضب كلبريترات ومحركات تويوتا واتحدي واشكر جزيل الشكر لأخوي أصيل وبدوي على تعليمي من جديد لأني تعلمت على ايدي أجانب تعلموا فينا وعلموني خطا
أعطيكم مثال.
فك الكرونة وتركيبها ماكنت ادري ان فيه ساعة لوزنها
وزن عوامة البنزين بالفلر مع وزن بلف الهواء كنت اوزن العوامة بالفم ٌواسر يا ساري
ماكنت ادري ان سير المحرك الخارجي أسبب توقيت للمحرك خاطئ
أسف على الإطالة والخروج من الموضوع لكن لتستفيدون من مهندسينا ومع ذلك بلاش
الحمدلله اشتغل بسياراتي بنفسي مثل تغيير الزيت وتركيب الفحمات وتوضيب الكربليتر وتنظيف الأديتر ومعظم الأشياء التي لا تحتاج إلى ورشه مثل تنزيل القير او المكينه. تعلمت من زمان بسيارات الكربليتر وقراءة الكتب الانجليزية الخاصة بورش السيارات ومن كتلوجات السيارات التي عندي-
الحمد انا اغير الزيت بنفسي وصراحه مايبي لها شي مايحتاج حفره ولا شي واوفر نسبه كبيره
4 علب *10=40 + 9 ريال فلتر زيت اصلي = 49 بلاش
وسعرالبنشر 85
بعض الاخوه بارك الله فيهم يظنون ان المسأله توفير دراهم فقط ...تلقاه يقول عادي اغيره عند الورش كلها فرق ريالات بسيطه ... المقصود من الموضوع هو الاعتماد على النفس واكتساب خبره ..والمحافظة على سلامه المحرك من عبث بعض العمالة الفاسده ..وتقبل تحياتي وتقديري يا بدوي جنوبي ..
تغيير الزيت والبواجي بالبيت عادة ممتازة لكن تذكر ان الزيت مادة سامة ويجب التخلص منه بالطريقة الصحيحة وهي ان تاخذه الى محل تغيير زيوت او اعادة تدوير
واحذر ان تتخلص منه بسكبه بالصحراء او بالمجاري لأن ذلك يؤدي الى تلوث المياه الجوفية بمواد سامة
الذين يشاهدون الموضوع الآن: 1 (0 من الأعضاء و 1 زائر)