اسباب ضعف عزم السيارة

[ابو ياسر]

السلام عليكم يا الربع ومساكم الله بالخير .................... انا بصراحة عندي سيارة وغاثتني عزمها مرة ضعيف مع اني غيرت البواجي وطقيت صفاية جديدة ولا حيات لمن تنادي والمشكلة اني اذا شغلت السيارة الصباح تشتغل تمام واذا ارتفعت الحرارة حاجة بسيطة بدت ترج السيارة واحيانا تطفي بالله وش الحل يا شباب

[عاشق الجبال]

حياك الله اخو ابو ياسر انا مثلك حصل معي ضعف بعزم السياره ولكن من يوم شريتها من
صاحبها السابق وغيرت لها بواجي نوع بخاخ وصفايه ولكن دون فائده اخيرا كان معي صوت
بالشكمان ذهبت لاحد الورشات وعندما تم فتح دبة القزوز وجدت قطع من الشخال تغلق
جزء من فتحة القزوز ... بعد نزعها تحسن عزم السياره ولكن اصبح فيه صوت قليل
السرعات العالية .

[ابو ياسر]

الف شكر لك اخوي عاشق الجبال ممكن تكزن هي المشكلة على العموم الف شكر لك حبيبيight: ight: ight:

[الاشقر]

انا اقولك الحل راحت بعشرة الالف وانا الخسران لكن علشانك 0 السياره الى تغث راعيها مالها الا المعارض 0 لكن انا اقول كسر راسها وتعقل اكيد شايفه نفسها عليك 00عاد هالشبح

[ابو ياسر]

اقول الضاهر اني انا الي ابشوفلك صرفة خاصة وانك معامل كوريا انت وها الجيب اللي معك ما تدري هو مقبل والا مقفي قم بس قم امسك الرجال اللي تبي تبيع عليه لا يروح ويطنشك ثم تبلش بهاالبلوى الي معك وبعدين اللي يسوى عشرة انت وجيبك :

[الأشهـــــب]

اخوي ابو ياسر
قد لايكفي تغيير البواجي وصفاية البنزين فقط.ولكن تحتاج ايضاً مع تغيير البواجي إلى تغيير اسلاكها ايضاً،ثم قم بتفحص جميع الأسلاك عموماً والليات،خاصة ليات الهواء لأنه ربما يكون احدها مثقوب او مقطوع.

مع تمنياتي للجميع بالسلامة.

وتقبلوا خالص تحياتي،،،،،،،،،،،،،،،،،،،،،،،،،،،،،،،

[عاشق الصحراء]

ما قصرو الاخوان بالاشوار التي لا تكلف و هذا المطلوب
و خاصة اسلاك البواجي ( تره خلتن اوضب موتر باربعة
الاف ريال و تاليتها طلع واحد من اسلاك البواجي ضعيف
و يرج بالمكينة)
اما اهواز الهواء العالقة بالكربريتر فتصير يابسة و تفقد
مرونتها و تتكسر مما يسرب الهواء و يجعل المكينة ترج
و لكن في جميع الاوقات (حارة و باردة)

و الكنداسة ايضا خطيرة.
اما اذا ما نفعت الاطباب

يا شورن عندي تمر به ورشة عنده جهاز كمبيوتر و تقول
للفلبيني افحص بالجهاز.
وسلامتكم

[ابو ياسر]

مشكورين والله يا اخوان عزالله ماقصرتو افدتونا الله يجزاكم خير ونبي انطبق نصايحكم وعسا لله ييسر الامور

[العليمي]

تصدق كانت عندي سياره نفس المشكله تقريبا مع ان السياره ليست بالقديمه موديل 97 وكان فيها تنتيع و تحس ان السياره بتطفي وخاصه في البرد ورحت للورشه وغير بواجي و صفايه ولاكن رجعت المشكله و بعد فتره رحت لورشه ثانيه وقال تحتاج اسلاك بواجي + بواجي+صفايه+بليتين وفلاَ ركبت لها هالأشياء و الحمد لله راحت المشكله ....

[HAS5SAN]

اعتذر عن رفع الموضوع
فهو قديم جداً
والله يذكرهم بالخير
اتمنى تدخل الاخ أصيل حجازي
أو اصحاب المعلومة الموثوقه
للتعليل عن اسباب ضعف عزم السيارة
عند اخوي كامري 2002 وش زينها
سافرت عليها
واشوف عزمها يطيح
مع الطلعات تقول اني ساحب وراي شيء

[((ابوملاك))]

^^^

رافع موضوع من 2002 علشان الكامري حقتك

ياخي نزل موضوع جديد منتب خسران شئ !

تراه ببلاش

[HAS5SAN]

^^^
رافع موضوع من 2002 علشان الكامري حقتك
ياخي نزل موضوع جديد منتب خسران شئ !
تراه ببلاش

الله يهديك ويرزقك الجنة

[skythunder83]

ربي اغفر لي و لوالدي وللمؤمنين والمؤمنات الأحياء منهم والأموات

[fedoo]

والله وانا عندي تقريبا نفس المشكلة بس عندي اذا شغلت المكيف تحس انك قاعد تدف السيارة دف في البداية الين يطلع الـ RBM فوق الواحد تصير تمام مدري ايش الحل
أتمنى تفيدوني ومشكورين

[ابوشاهه]

تاكد من وزنيه الديلكو