كيف أعرف طريقة تشحيم العكوس في اللاندكروزر ..

[خالد77]

السلام عليكم عندي عدة مشاكل في سيارتي وجميعا شبه معروف عندي ميكانيكياً ..
ولا يمنع من زيادة الإيضاح من الفنيين مع وضع الشرح بالصور والسعر إن أمكن ..
أولأ / كيف طريقة تشحيم عكوس الجيب .,؟؟
وكيف أعرف العلامات لمشاكل الدبل ..
لأن الدبل عندي سليم ولكن يظهر صوت خفيف [ طق طقة ] مع الأرض الصلبه في حالة تشغيل الدبل ..
ومتى تصل الحالة لا قدر الله إلى خراب العكوس ؟ وما هي الخسائر المحتملة والقطع التي لا بد من تغييرها فوراً ؟


وهناك استفسار أيضاً عن [ المقصات العلوية والسفلية ]
لأن الفحص الشامل يقول / غير أفضل ..
وبعد تسعير المقصات وجدت أن المقص الواحد حوالي [ 520 ] ريال
يعني 4 مقصات × 520 = 2080 ريال تقريباً ..
وكيف طريقة تصليحها ؟ وبكم ..
آسف على الإطالة وجزاكم الله خيراً ,,

[الا سير]

بالنسبه للعكوس اذاتبي تعرف الصوت منها ولالا
اشبك الدبل ولف الكفر جهة اليسار للاخيروحرك السياره
اذا طلع صوت يكون العكس الايمن خربان يعني العمليه خلف خلاف
اذا لفيت يمين وطلع صوت يعني العكس اليسر خربان
واذا لفيت يسار وطلع صوت يعني العكس الايمن خربان
اما بالنسبه لتشحيم العكوس يوجد كلبسات تمسكها تقدر تفكها وتشحمها وتعيد تركيبها
والمقصات سالفتها سالفه عندعبد اللطيف جميل لازم تاخذها كامله يعني ماتجي الجلد ولا الجويزات لحالها
فيه شباب ركبوا الجويزات الصينيه ويمدحوها وانا مالي علم فيها
هذا الي عندي ويجونك الخبراء ويفيدونك اكثر

[الكونترولCONTROL]

أذكر أن مشكلة المقصات الأمامية في اللاند كروزر أنك ما تقدر تغير الجلد ( الربلات )
لأن الربلات ما تجي إلا مع المقص كامل
كذلك الحال في كراسي دودة الدركسون لأن واحدة تتغير و الأخرى تأتي مع الدودة !!
----------------------------
الحل بالنسبة لأصوات الطقطقة :
1- شيك على مثبتات ( شيالات ) الدفرنس الخلفي ... له أربع اثنين طويلان
و الآخران قصيران صوتها إذا تلفت تحسه و كأنه في القير و الدفنس الأمامي و العكوس
--------------
2- هناك ربلات كثيرة في وصلات التثبيت و أعمدة التوازن الصغيرة المنشرة في
أنحاء السيارة خصوصاً نواحي نظام التعليق للسيارة
الربلات رخيصة جدا لكن يبغى لها ساعتين لتركيبها كلها
و لا تروح للموازين الكبيرة ... رح للورش الصغيرة اللي فيها عامل واحد أو عاملين
لأن الورش و الموازين الكبيرة المشهورة أسعارهم مضاعفة جداً
--------------------
3- كذلك المساعدات لها دور في سماع الطقطقة و ضرب المطبات القوي
--------------------------
4- تربيط السيارة بالكامل و خصوصاً كراسي المكينة و القير و الدفرنسات
--------------------------
5- في العكوس الأمامية يتم فك الكفرات و فك غطاء العكس ثم يتم شد الصامولة الداخلية الكبيرة
و التشحيم و إغلاق الغطاء بإحكام لأن هذه الصامولة دائما تنحل مع كثرة الطرق الصحراوية
----------------------------
6- العكوس الخلفية تصدر صوتً كذلك إذا تلف رمان العكس الخلفي
-------------------
7- تتأكد من كراسي الدودة
-------------------------------
8- تتأكد من تربيط الصدامات و النسافات بشكل محكم لأنها تصدر أصوات طقطقة كذلك
--------------------------------------
9- بالنسبة للدبل : تدخل تحت السيارة ... في الحفرة و تحرك عمود الدبل بيدك
إذا فيه حركة زائدة يكون عندك مشكلة في الدفرنس الأمامي
( الكرونة بالنسبة للأوتوماتيك ) أو قير الدبل
و هذه المشكلة يصعب اكتشافها بالنسبة للفكسار إلا بفك الكل و عمل مسح شامل للقطع
داخل قير الدبل ...
---------------------
إذا لزم الأمر لفك أي من القيور ... لا تأخذ مستعمل و لا تصلح قيرك عند الورش الكبيرة
رد لي هنا أدلك على ورشة محترمة بسعر نصف الأسعار الخيالية للشكرات الكبيرة تقريباً
حيث تم تسعير توضيب قير الفكسار بين 7000 و 10000 عندهم
بينما وضبته عند تلك الورشة بــ 4500 ريال شامل لكل شيء ...
هذا من باب التجربة لمدة تقارب 9 سنوات مع مشاكل الفراغات و الطقطقة !!
و ادخل هنا على منتديات متخصصة في اللاندكروزر
و الله يكون في عونك و عون كل مسلم
--------------------

[خالد77]

الأسير .. ما قصرت معلومات جدا حلوة ..
الكنترول .. ما قصرت ومعلومات قيمة لكن الورش الصغيرة تخاف من قلة الخبرة
والله يعين ..

[الكونترولCONTROL]

الأسير .. ما قصرت معلومات جدا حلوة ..
الكنترول .. ما قصرت ومعلومات قيمة لكن الورش الصغيرة تخاف من قلة الخبرة
والله يعين ..

و من وين الورش الكبيرة تحصل أكثر عمالتها !!
أنا قلت لك ورشة فيها شغل صح و هي صغيرة !

[خالد77]

و من وين الورش الكبيرة تحصل أكثر عمالتها !!

أنا قلت لك ورشة فيها شغل صح و هي صغيرة !

أهم أمر الأمانة .. الله يرزقني وكل مسلم الأمين ولو زاد في السعر ..
وكلامك صحيح ياكنترول

[ساري 111]

طريقه فحص العكوس الاماميه

انزل تحت السياره وامسك العكس اللي واصل بين الكارونه والكفر ورجه بيدك اذا سمعت طقطقه تراه يحتاج شحم

[خالد77]

طريقه فحص العكوس الاماميه

انزل تحت السياره وامسك العكس اللي واصل بين الكارونه والكفر ورجه بيدك اذا سمعت طقطقه تراه يحتاج شحم

طيب المقصات وش الحل معها غااااااالية ونااااااااار
مافيه ترهيم وتغيير للربلات بدون المقصات ..
أفيدوني بورك فيكم ..

[ساري 111]

المقصات لازم تغيرها بالكامل فيه ربلات بس مهب اصليه كم شهر وتخرب

وبالنسبه لـ 2000 ريال لمقصات كامله اشوفه انا رخيصه انتبه لاتصير تجارية بس

لاني حسب مااسمع سعره كامله فوق 4000 ريال

وهي من القطع اللي تعيش بعمر السياره اذا الاستخدام طبيعي ومع الاستخدام الجاير تخدم الى 8 سنين لذالك لاتستغرب انه تكون غالية

[ابوراكان تبوك]

المقصات والركب لاتركب الا اصلي وكاله لأنها تجي مع بعض لاتتهاون فيها مهما كلفت اذا كنت بتستخدم السيارة
بالنسبة لصوت العكوس كان عندي جيب نفس حالتك على الارض الصلبة تسمع طقطقة العكوس وفي الطعوس ماتسمعها المهم جلست المشكلة سنتين لين بعت السيارة

[خالد77]

المقصات لازم تغيرها بالكامل فيه ربلات بس مهب اصليه كم شهر وتخرب

وبالنسبه لـ 2000 ريال لمقصات كامله اشوفه انا رخيصه انتبه لاتصير تجارية بس

لاني حسب مااسمع سعره كامله فوق 4000 ريال

وهي من القطع اللي تعيش بعمر السياره اذا الاستخدام طبيعي ومع الاستخدام الجاير تخدم الى 8 سنين لذالك لاتستغرب انه تكون غالية

أخي ساري ما قصرت على نصايحك الطيبة ..
لكن المشكلة عندي ليس في المقصات المشكلة في جزء داخل المقصات .. والله ما أدري بالضبط هل هو الركب أم ربل ... ما أدري ..
وسألت فني أثق فيه قال الآن تباع ركب لحالها صناعة سورية وفيه صناعة صينية ..
وركبوها ناس ولا واجهوا مشاكل حتى الأن ..
فودي من يعطينا تفاصيل أكثر ...........

[Messerschmitt]

كم موديل الموتر ؟؟؟

[مخايل البراق]

اخوي خالد
انا عندي نفس المشكلة ابي ربل الركبة وماحصلت لازم المقص كامل
ونصيحة مني لاتركب ركب صينية خاصة اذا انت راعي بطانيج
الله لايهينك اذا حصلت جلد تترهم للركب ردلي خبر

[خالد77]

اخوي خالد
انا عندي نفس المشكلة ابي ربل الركبة وماحصلت لازم المقص كامل
ونصيحة مني لاتركب ركب صينية خاصة اذا انت راعي بطانيج
الله لايهينك اذا حصلت جلد تترهم للركب ردلي خبر