شمعات 80- 100 وات هل تحتاج كتاوت

[محامي وراط]

يرفع الموضوع ليستفيد منه الزوار والاعضاء الآخرين ،،

( والله شيء يقهر لمبة قيمتها ما تتجاوز = 8 - 10 ريال
لدى الوكيل نفسه ،،

واصحاب محلات الزينة مع الاسف

يبيعونها = 25 ريال !!!! )

&& نصيحة اللي بيشتري مثل هاللمبات لا يشتري الا من الوكيل نفسه
أضمن وأرخص بكثير &&


نصب عيني عينك %

وعيدكم مبارك ،،

وكل عام وانت بخير وصحة وسلامة

بعد الزحمة ،،

[الحر503]

افادوك الاخوان ...

[الإستراتيجي]

إلي بالصورة يالربع هي صحيح ممتازة لكنها ماهي ألمانية أتذكرها زين أول ما نزلت صيني


وللأسف تجارنا عارفين لربعنا أننا نشري االكتابة ...


عموما للأمانة الألماني ما يباع بسعر 10 ريال لو لك إلي تبي


الألماني الأصلي يباع بسعر 45 ريال حاليا ..


النوعية هذه ممتازة لكنها ليست ألماني (( بالطباعة فقط ))

ما قصرت وزارة التجارة لعبت فينا بالأنظمة والتعقيد و التجاوزات للتجار الكبار .

[محامي وراط]

إلي بالصورة يالربع هي صحيح ممتازة لكنها ماهي ألمانية أتذكرها زين أول ما نزلت صيني


وللأسف تجارنا عارفين لربعنا أننا نشري االكتابة ...


عموما للأمانة الألماني ما يباع بسعر 10 ريال لو لك إلي تبي

فعلا حنا ما لنا الا الكتابة ( ما تقدر تعرف صناعة اللمبة الا ماكتب على إطار اللمبة وليس الغلاف او الكرتون )

الألماني الأصلي يباع بسعر 45 ريال حاليا ..
حاليا في الاسواق وبدون مبالغة لا يوجد ألماني أصلي ، ولو وجد اصلي على كلامك

وبقيمة = 45 ريال للحبة الوحدة >> يعني 45 + 45 = 90 ريال للشمعتين

هذي طال عمرك قيمة درزن كامل (10 حبات ) من اللمبات التي تقول عنها صيني وهي تعتبر جودتها ممتازة على سعرها ،

ومقارنة في المكدة والعمل لفترات طويلة بين النوعين :
ابو 90 ( الاصلي ) = هذي اذا استمرت لمدة 4- 5 سنوات بدون اي حرق للخطين او خط واحد فتعتبر جودتها ممتازة وعملية \
(ملاحظة : حتى لمبات الوكالة او شد البلد ما تجلس اكثر من 4 سنوات )
اما ابو 80 ريال ( طبعا قيمة درزن كامل فيه 10 حبات ) = هذا كل جوز لمبات يستمر كحد أدنى سنتين واحسب عندك 5 أجواز يعني من 9- 10 سنوات

( فرق كبير في المكدة والعمل اكثر )

النوعية هذه ممتازة لكنها ليست ألماني (( بالطباعة فقط ))
يالغالي اذا لقيت الماني اصلي على كلامك اخبرني وين مكانه وبجربه وبحكم عليه بنفسي واشوف ،،
ما قصرت وزارة التجارة لعبت فينا بالأنظمة والتعقيد و التجاوزات للتجار الكبار .

كلامك صحيح 100 % ،، وزارة التجارة ما حولك أحد مثل حماية المستهلك ناايمين

ولا فكروا فالمواطنين او الشعب بشكل عام ،،

وأعتذر على الإطالة ،،

[ذيب النجيل]

انا عندي مركب 80 /100 اوسرام
ولكن حصلت مشكلة

وهي ان الفيوز يميع من الحراره

وهذي صورة الفيوز

[ذيب النجيل]

عشان كذا اتوقع انه لازم يركب كتاوت

وهذه موضوعي

http://www.mekshat.com/vb/showthread.php?p=7566893

واللي عنده حل يفيدني

[قناص مزاجي]

عشان كذا اتوقع انه لازم يركب كتاوت

وهذه موضوعي

http://www.mekshat.com/vb/showthread.php?p=7566893

واللي عنده حل يفيدني

ماهو افضل لمبات 4h

[hamido]

افضل لمبات h4 فلوسر يجي نوعين 80على 100واط ويجي 220 شمعه على 300 والفرق بسيط بالقوه لكن بالسعر كبير شوي ... اتكلم عن الجمله×
واغلب الناس يحسب 220 على 300 هي بالواط لكن بالعكس هي بالشمعه×
وكذالك عندك اوسرام جيده وعموما احرص تركب كتاوت واحرص عند واحد فاهم الشغله لان تسليك الوكاله مقيوس على 55 على 60 فتلاحظ الاسلاك سخيفه جدا فلذالك مع الوقت يابيموع الفيوز يالفيش يالضفيره ولا تقيس على المواتر الجديده اصبر عليه وقت وبعد مايملح وتكربن اماكن التوصيل تطلع الفضايح واذا ركبت كتاوت تضمن ان الكهرب واصل بالتمام والكمال وكذالك تبعد الضفيره عن ضفيرة البلد واحرص انه مايجرح الاسلاك انا في كل مواتري حالبا لازم اركب كتاوتات افضل واحسن

[yukon99]

الموضوع من عام 2011 وطمر الى 2016

لكن دام الموضوع ارتفع ارفعه زياده وللافاده ابدلي بدلوي مع الجماعه ههههه

انا من سنين اعاني من مشكلة النور على سيارتي الجمس ولم اسمع بالزنون او لم اقتنع بالزنون لكن ياليتني سامع فيه من مبطي ..

انا كنت عند محل زينه قبل سنتين ابحث عن لمبات للعالي .. قال ليش ماتركب زنن قلت يالله نجربه

على كم قال ب 250 ريال صيني محولات زنن عدد اثنين ولمبات زنن لون 6000 كلفن عدد اثنين تركب على نفس شمعات موترك وسلك تايواني فيه عدد اثنين كتاوت

ركبهم بدون تجريح وبدون قص ولاتخريب والحمدالله صار النور شمس طبعا ركبته على الواطي ..

جربته سنه وكان رائع رجعت له وركبته على سياراتي الباقيه كلها فورد والنترا 2013 والحمد ماندمت اني ركبته مع اني مركب صيني وفيه زنن ياباني وفيه زنن الماني للقادر وخساره تخلي موترك على انوار الوكاله لو توك مشتريها وكاله