هل شريت الذبيح وماهي اسعارها هذا العام1432هـ

[المداوي2]

بسم الله الرحمن الرحيم

الموضوع الثاني لعام1432هـ.

السلام عليكم ورحمة الله وركاته..
مع قرب موسم الاضاحي وارتفاع الاسعار لكل من النعيمي والنجدي بشكل كبير النجدي وصل الي 4000ريال ويزيد والنعيمي وصل الي 2000 تقريبا في السوق
استطلاع يهمنا ويهمك جميعا
*لكن المستطيع والذي عنده قدره في الشراء يقرب الي الله بالأفضل
والله اعلم



اخوي اشعرانك مبالغ جدا في اسعار النجد وربما ان لك مأرب فيها ... والله اعلم بمافي القلوب

حيث انك تقول وصل اسعاره4000وتزيت وهذا الكلام لايقوله من له خبره بسيطه في السوق
والاسعار في الحقيقه من2500-2800للطيب السالم من الطلوع الجذع الناهي الناهي الناهي وغيره من قبيل الشاذ والشاذ لاحكم له ولايقاس عليه



والسلام عليكم

[مطر السحاب]

بصراحة أنا شريت ضحية 650 ريال نعم 650
شريت خروف ورخل في شهر 7 كسبت راعيهن 100 على ماذكر وحطيتهن في شبك الوالدة الله يخليها لنا
والحين يسام مني من الشريطية 1200 ويقولون يجيب في السوق 1400 إلى 1800
العام الماضي هبلوبي الشريطية يتشاوتوني من عندهم والسنة ذي ونشالله السنوات الجاية نفس الخطة
الله يخلينا الشبيك وراعيته آمين

[محمد الحربي]

الحمدلله شريت حري ب 1450 بعد المكاسر من الجلابة

الموقع بدر- المدينة المنورة

[مغلي]

عندي ضحايا طيبات حريه يعرفونها اهل الحجاز من الديرره الراس من ١٢٠٠- ١٥٠٠ الطيب منها

كلها مولده عندي

والله اني بعت من ١١٠٠ والسبب زبايني
والله يبارك لنا ولكم

هل انت بالرياض ---- وباي مكان

[مغلي]

بصراحة أنا شريت ضحية 650 ريال نعم 650
شريت خروف ورخل في شهر 7 كسبت راعيهن 100 على ماذكر وحطيتهن في شبك الوالدة الله يخليها لنا
والحين يسام مني من الشريطية 1200 ويقولون يجيب في السوق 1400 إلى 1800
العام الماضي هبلوبي الشريطية يتشاوتوني من عندهم والسنة ذي ونشالله السنوات الجاية نفس الخطة
الله يخلينا الشبيك وراعيته آمين

فكرتك ممتازه
بس كم تكلفة تغذيتها 6 شهور كامله
وكيف تحافض على صحتها كل هالمده
اعرف واحد يربي 40 راس
وكل اسبوع او اسبوعين وحده مريضه ويومين وتموت
خساير ---- يبيلها واحد فاهم 100% لتربية المواشي

[العودالازرق]

الاسعار في ارتفاع حتى ظهر العيد ثم تبدأ بالنزول لأن أغلب من يتاجر في المواشي لا يستطيع البقاء في السوق أو استئجار حوش وهو من خارج المنطقة .. سبب الارتفاع هو الاقبال على انواع معينه وهي غير متوفرة بكثره على رأسها النعيم والنجدي والحري أن كنت تبغى ضحية عليك بالسعودي والحذر الحذر الحذر من الاجانب عانيت منهم الامرين

[مكرم الضيف]

حنا اللي نرفع سعر كل شئ ونقدر نطيحه

ياخوان لو اتجهت كل الناس للنعيمي مثلا طاح سعر انواع الضأن الباقيه وهكذا

لكن مانتفق على شي واصبح شريطية السوق يحطون السعر اللي يبونه ويتحكمون فينا على كيفهم

والسوق فالت ماعندك احد لو قال راع الحلال ابي 10000 بالراس يحصل زباين واجد

هزوا اسعار السوق وتحكموا فيه انتم يالمشترين اذا مانزل سعر الاضحية ل300 ريال او حولها

بيني وبينكم مادام هذا حالنا نستاهل

[ابغى فرس]

1400 نعيمي وصغير حجمهـ

[الشمالي 8008]

حنا اللي نرفع سعر كل شئ ونقدر نطيحه

ياخوان لو اتجهت كل الناس للنعيمي مثلا طاح سعر انواع الضأن الباقيه وهكذا

لكن مانتفق على شي واصبح شريطية السوق يحطون السعر اللي يبونه ويتحكمون فينا على كيفهم

والسوق فالت ماعندك احد لو قال راع الحلال ابي 10000 بالراس يحصل زباين واجد

هزوا اسعار السوق وتحكموا فيه انتم يالمشترين اذا مانزل سعر الاضحية ل300 ريال او حولها

بيني وبينكم مادام هذا حالنا نستاهل

مساكم الله بالخير

والله اسعار الاضاحي 1500 نجد جذعان نااهيه شريت وخلصت وعسى الله يتقبل


وبخصوص الاسعار وتنزيلها عن طريقنا اتوقع صعب


بالنظر ماحصل لهل المواشي من ارتفاع الاعلاف وتضررهم


يعني تبغاه يشتري الكيس 38 الشعير والبرسيم 27 ويبيعك الراس 300 ريال غير معقول


يعني لاتلومهم اذا رفعو الاسعار


اليوم جاني ضيف خاص ورحت لسوق الجربوع ابي لي هريفي صغير تتوقع كم خذيته


1350ريال ماينطح 10 رياجيل


يجب ان نرجع للعلاف ونعدل وضعهم بعدين نحاسب اصحاب المواشي

[من البدائع]

العصر في سوق العزيزيه ( سوق الغنم المركزي في الرياض) الاسعار 1700 للنعميمي 2000 للنجدي

لاحظت ان المعروض قليل وخاصه النعيمي

[الحصان 1]

الحمد لله اشتريتها اليوم نجديه شحم وكبر
1350 من عند واحد اعرفه

[رشيد4]

قبل امس شريت من النعيرية1300نعيمي وشريت من الدمام 1500اليوم

[قنياوي]

السلام عليكم ورحمة الله وبركاته
الله أكبر الله أكبر لا إله إلا الله ، الله أكبر الله أكبر ولله الحمد
اشتريت ولله الحمد فجر الخميس بتاريخ 22 / 11 / 1432 هـ
من سوق الرس ثمان روس نجد موسطات طيبات ما شاء الله جذعات من 1250 ريال عسى الله يتقبلهن آمين .

[@..ابن الدلم..@]

بسم الله الرحمن الرحيم

الموضوع الثاني لعام1432هـ.

السلام عليكم ورحمة الله وركاته..
مع قرب موسم الاضاحي وارتفاع الاسعار لكل من النعيمي والنجدي بشكل كبير النجدي وصل الي 4000ريال ويزيد والنعيمي وصل الي 2000 تقريبا في السوق
استطلاع يهمنا ويهمك جميعا
*لكن المستطيع والذي عنده قدره في الشراء يقرب الي الله بالأفضل
والله اعلم

اخوي اشعرانك مبالغ جدا في اسعار النجد وربما ان لك مأرب فيها ... والله اعلم بمافي القلوب

حيث انك تقول وصل اسعاره4000وتزيت وهذا الكلام لايقوله من له خبره بسيطه في السوق
والاسعار في الحقيقه من2500-2800للطيب السالم من الطلوع الجذع الناهي الناهي الناهي وغيره من قبيل الشاذ والشاذ لاحكم له ولايقاس عليه

والسلام عليكم

وعليكم السلام اخي الكريم
لا يأخي أنا لم أكتب 4000 عبث بل يوجد وأنا وقفت عليها شخصيا أخي الكريم
بل يوجد منها الكثير
وأنا لم أعمم بل قلت تصل الي 4000 ويزيد هل عممت أخي الكريم
لا

[جبل راف]

الغالي بالسوق 1650 ويتخطف 1700
والحمدلله اشتريت خروف طيب بـ 1350 ورفض ينزل ريال واحد واللي بألف وحولها مايوفي وبعضها مايضحي