آخر أخبار السيول والأمطار لعام 1426- 1427هـ (( الجــزء الثامن ))

[عبدالله بن سعد]

الحمدلله الامطار شهدتها اليوم الاربعاء الساعه 9 مساء وحتى 12 من مفرق البترول بعد الحوطه بسبعين كيلو لين بقى 25 كيلو على ليلى وكل هذي المنطقه مرجوعه التلاع مسيله وهذا الخيال اصاب الاحمر والغيل والضلوع الي في الجبال والسيل ابشركم في الاحمر يمشي بقوه وانشالله بكره الفجر بياصل خط الجنوب وعموما محافظة كلها حصلت خير من امطار غزيره الى متوسطه الاجزاء الجنوبيه منها حصلت خير الساعه خمس العصر والاجزاء الشماليه من بعد المغرب حتى الساعه 12 بالليل وبكره نوافيكم باخر الاخبار انتظروها

[محب سدير]

الأن الساعة 2،30 فجر الخميس
مدينة الرياض

شمال شرق المدينة ( حي غرناطة )

مطر طيب وسحاب هادئ بدون بروق وحبات المطر كبيرة وتبشر بيوم مطير .....أسأل الله البركة والرضى

[بيرق العزة]

الأن الساعة 2،30 فجر الخميس
مدينة الرياض

شمال شرق المدينة ( حي غرناطة )

مطر طيب وسحاب هادئ بدون بروق وحبات المطر كبيرة وتبشر بيوم مطير .....أسأل الله البركة والرضى

الحمد لله تلاحظ في هدوء هذه المطره بعد رياح قويه الساعه 9 مساءآ بنفس المنطقه او المدينه كلها استمر المطر بفضل من الله عشر دقائق وشمل شمال وشرق رياض الخير وعاود بعد توقف 5دقائق ومازال مستمر حتى الساعه 57-2 فجرآ ولله الحمد والمنه الله يبارك لنا فيه ويزيدنا من فضله استغفر الله استغفر الله

[((أبو أسامة))]

عواصف رعدية وأمطار متوسطة على الخبر والدمام ولكن الخبر اقوى

جريان وادي شطاب بعد الحوطة بـ 50كم تقريبا وهو وادي كبير ولا يمشيه إلا سيل قوي

جريان الشعاب بالافلاج ما بين الاحمر وواسط

أمطار فوق المتوسطة على مدينة حفر الباطن

أمطار خفيفة عبارة عن ديم خفيفة

ما بين الرياض ولبخة


برد ومطر غزير بين وادي برك والحيانية جنوب الحوطة

[((أبو أسامة))]

أمطار وسيل خفيف ومتقطع ما بين الدلم والحوطة مشي حزوم وصب تلاع في بعض الاماكن ==== ولد هبس

والخيال اللي أمس على شعيب العجيمي شرق جنوب الحوطة خيال قوي جدا يمكن تجي علومه اليوم

[ولد هبس]

السيل الان يتجاوز كبري القصايم (الرغيب) على خط الجنوب سيل ضعيف من الساعة الثامنة ونصف الى كتابة الخبر الساعة 10.44 ومازال على ممشاه
وسيل جنوب الحوطة 90كيلو يتجاوز كبري شطاب الساعة التاسعة والنصف وهو سيل جذيب وصل بعد توقف السيل الاول
سد لصاد ببلدة نعام شرق الحريق فيه الان 4متر من سيل البارح
اللهم اغثنا

[أبورهف]

الحمد لله على عطاءه

مطرنا بفضل الله ورحمته مع صلاة الفجر اليوم الخميس مطراً متوسطاً لكنه شديد أثناء نزوله على مدينة الملك خالد العسكرية

بحفر الباطن

اللهم صيباً نافعاً عاماً على بلاد المسلمين يارب العالمين



استغفرالله استغفرالله استغفرالله

[ابومبارك]

الان سيل الجويفا والاحمر( الافلاج) بتجاه واسط داخلها

11:15

[الشقردي]

البارح الاربعاء
متجه من الرياض الى الخرج وعند الوصول حوالي الساعة 9 م جتنا عجه وروحتنا منا شمال وعند الساعه 10,30 جانا في الخرج رش خفيف

وعند طريق الرجعه (من الخرج الى الرياض) الساعة 12,40 تقريبا جانا مطر مع هواء غربي جنوبي شديد وانا في الخط المطر متفاوت بين الغزير الى المتوسط الى الديم وفي بعض المواقع في الطريق ما جاها شئ سبحان الله, والى ان وصلت قبل نقطة التفتيش بـ 10 كلم تقريبا أنقطع المطر

نسأل الله الكريم من فضله

[أبو سالم]

.
.
السلام عليكم ..
مازالت السدود في الرياض فاضية .. والوديان جافة .. حتى إعداد هذا الخبر ..
أبو سالم ..
.
.

[علووووم الحيا]

الان الساعه 4,25 في شرق الرياض

امطار شبه غزيره بحمد الله وفضله وكانت الامطار

قد بدأت من الساعه 11 قبل الظهر ديم حتى هذه اللحظه .

[ريف النشاما]

ديمه طيبة ومستمرة على الرياض (شرق)


وشارعنا من السور إلا السور وكان تبون صورة ترا مامن مسافه

مشوار من الغرفة للباب

وأنا توي جاي من الثمامة .....والمطر مستمر بحمد الله وبدأ ينقع ......وبكره الصباح الوعد


====

تحذير من السرعه


توي شايف حادث بالثمامة وقد حصل فيه وفيات وإصابات نسأل الله السلامه

والله يرحم من مات ويغفر له ويشفي المصابين ويعافيهم

[علووووم الحيا]

ولا تزال الامطار مستمره ولله الحمد على الرياض يوم السبت

3/3/ 1427 الساعه الان 7 مساء والارض نقعت والشعاب

الصغيرة مشت , اللهم صيبا نافعا .

[المرقاب]

يا جماعة الخير

السلام عليكم ورحمة الله وبركاته

السؤال عن الصمان وسدير وتمير وش أخبارهم بعد المطر............فيه أخبار؟