منين جبتها 20 ريال أقل سكين 90 ريال
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
منين جبتها 20 ريال أقل سكين 90 ريال
يعطيك العافية
فيه سكين جابها واحد من الربع من البحرين صينيه اعتقد بعشرين ريال ماشفت مثلها صراحه موس تروع وكملت سنه عندي اقطع بها لحم وبصل وكل شي ولا ضرها ان ذكرت صورتها
موضوع مميز
بارك الله فيك
فيه سكين يابانية ستيل ناعمة ملمس وحديد ولكن حادة جدا جدا جدا ولونها أبيض وتجي مقاسات وسعرها 20 ريال الصغيرة والوسط
كل عام وأنتم بخير بالنسبة لي أنا اشتريت عدة ذبح وسلخ كاملة وأصلية ومعها شنطة الرماية لحفظها للذبح أخذت 2 سكين ام طير السويسرية مقاس 16 والسلخ أخذت سكين ام طير مقاس 10 والفريح ألمانية مقاس 12 وساطور برتغالي وسط ماركة Avo وعز الله بيضت الوجة بعيد الأضحى والكل اثنى عليها وللمعلوميه سكين ام طير بدت تنقرض من السوق قليلة اخذتها من محل باوزير بالرياض سوق الربوة مخرج 14 والثانية من شارع السبالة الحقو عليها قبل تنقطع من السوق وبالتوفيق للجميع
تسلم على الموضوع المميز
انا شريت سكين وارد السيف ب 15 ريال فقط حاده جدا ذبحت فيها 3 خرفان بالعيد هذا ممتازه جدا ورخيصه تغني عن ام 150 و 200 و 300 ريال وبعد الذبح اطلقت سبيلها بالمطبخ لتقطيع البصل وغيره
ودمتم بخير
استغفر الله واتوب اليه
بالنسبة لي جربت السكاكين السيف ام 15 ريالاصلا تراها صيني ماعاد تصنع في اليابان والله انها تتعبك ولا تعيش معك الغالي قيمتة فية بالنسبة للسكاكين السويسرية ام طير صحيح سعرها 100 ريال لكن تستاهل و احفظها عندك في شنطة ولايقربها بصل لانك لو حطيتها بالمطبخ وجاك الشغالات اللي مايعرفن شي وقطعن بها بصل خلاص ولا ثوم انعدمت انا لها عندي 3 سنوات واستخدمها في العيد وغير العيد تبرد القلب في الذبح والسلخ تحياتي للجميع
سلام عليكم ....عيدكم مبروك .
المنتدى صار يالربع شبه ميت والردود قليلة .
السكاكين لزوم تعرف وش تاخذ عشان تريح ذبيحتك .
نجي في البداية
الفيكتورينكس السويسرية(ام طير ) ممتازة بس صار الناس يبون بدايل .
جاءت الجايسر الالمانية وكيلها بادريق والفريح .
سكاكين ivoالبرتغالية ممتازة ورخيصة تلقاها بكثرة في السبالة .
سكاكين الرماية عنده اوبينيل وفيكتوري وماسرين وكيرشو وكولد ستيل .
سكاكين العقيلات عنده اسكر وجيرو وام شوكة .
سكاكين مورا تلقاها عند بيتي والرحلة .
الصياد العربي عنده سكين صلخ بظ¥ظ¥ريال ممتازة .
سكاكينDick من افضل سكاكين في العالم ...العهده على المسوقين والمواقع .
سكاكينicelالبرتغالية .
سكاكين arcosالاسبانية .
هذي اغلب السكاكين المتوفرة في السوق واسعارها مناسبة للجميع .
طبعن بيجي احد يقول فيه سكين صينية بظ¢ظ×ريال وكانها موس .
بس هل قطعها ناعم او خشن .
ارح ذبيحتك واتبع سنة محمد صل الله عليه وسلم .
دمتم بود
الطبع ما ينزل غيره بتبديل
مثل الجدي مرساه ليله نهاره
والحنظلة لو هي على شاطي النيل
زادت مرارتها القديمة مرارة
اتمنى يا اخوان كل واحد يسدح تجربته في هذا العيد ...
انا عالعادة فيكتورينكس ....بس باذن الله اجرب غيرها .واكثر انواع السكاكين عندي .
كل عام وانتم بخير عيد الاضحى 1440
الذين يشاهدون الموضوع الآن: 1 (0 من الأعضاء و 1 زائر)