باترول 94 أفيدوني بأصلاح العطالات والورشه المناسبه

[السومر]

السلام عليكم

كل عام وانتم بخير وجعلكم من عواده

الموضوع :باترول 94

1-عندي الجيب اذا شغلته لازم ادعس له علشان يبقى شغال واحيانآ يفقع ويقطع
رحت لميكانيكي يقول عندك بلفين قافله

ممكن تفيدوني كم بيكلف شغلها وافضل ورشه

2-عندي عداد الضغط وعداد البانزين لا تعمل

3-جلد القزاز اللي تجي داخل الباب ( اذا رفعت القزاز وقفلته يمسك فيه فوق هذا اللي اقصده) وين احصلها

وسلامتكم

[عاشق الخسائر]

ماضنتي البلوف مقفلة لاكن غير بواجي-اسلاك بواجي-بويبينة-بليتين-اصلاح كلبيتر اصلي انتبة لاتاخذ التجاري وذا قال لك مافية اصلاح اصلي قل عطني ابرة اصلاح كلبيتر اصلي -وغير الليات اللي طالعة من الكلبيتر موزعة على الصفاية وطرمبة البنزين - كمان غير صفاية بنزين -بالنسبة لليات اشتر مترين وخلة يغير كل الليات يمكن تصير يابسة مع الحرارة- ووزن الديلكو بس لايرفع الابنص مرة ولو تغير الديلكو وتحط ديلكو الكتروني احسن لك من لذعات البليتين بس غالي يمكن يوصل الديلكو مع التركيب 1500 - طبعا تكلفة جميع القطع اللي ذكرت توصل 300 ريال تزيد او تنقص قليلا بدون شغل اليد وتكلفة شغل اليد بالكثير 300 ريال لايزود عنها هللة ونشاء الله انك تعي لي ويتغير عليك الموتر بالنسبة للمهندس فية واحد في الشفاء كل اللي عندة جيب نسيان متخصص كلبريترات وومتاز جدا يجلس الموتر عندة يوم فقط موقع الشفاء تحياتي اتمنى اني افدتك تحياتي 0

[عاشق الخسائر]

باالنسبة للعدادات ممكن تكون فيوز او اللمبات اللي داخل الطبلون خربانة بس اتوقع فيوز او حساس الامبير اما القزاز انشاء الله يفيدونك الاخوان

[السومر]

مشكور اخوي عاشق الخسائر (( جعلك تربح ))

وجزاك الله خير

[sgl2002]

المشكلة الاولى كلبريتر

ولو البلف قافل كان تلاحظ تفتفه مستمره والعزم مرررره رديء يالله يتحرك بالاول

واذا كان يطفا فقط عند بداية التشغيل والسيارة باردة فخله عايدي

اما اذا يطفى على طول بمجرد ماتشيل رجلك فبقولك حل مؤقت

اعكس اثنين من اسلاك البواجي ركب كل واحد مكان الثاني وشغله

راح تلاحظ الكلبريتر يقوم يفقع معك ويعاطس

وبعدها رجع اسلاك البواجي وبتلقاه ضبط

[السومر]

sgl2002
مكشاتي متقدم

مشكور اخوي وما قصرت

[ابو نايف00]

نصيحة .
كل ورشة متخصصة بشئ معين .
لا توقفة بورشة وتقول لهم صلحو كل شي .

[برهوش]

بالنسبة لأنبير البنزين هذه من العوامه داخل التانكي يبيلها تغيير وتراها تختلف اذا كان فيه لنبة داخل الطبلون تولع حقت البنزين لها عوامه تختلف عن الي بدون لنبه..

[السومر]

ابو نايف00
مكشاتي متواصل

برهوش
مكشاتي متقدم

أشكركم على ما أبديتوا به من رأي

[saleh333]

الله يعينك اشغال الباترول القديم ماتخلص

[باترول 1987]

بالنسبه للعداد شف لك كهربائي فنان يظبه اما اذا مكانفع فالله يعيينك خذ جديد من التشاليح

[عبرود الودي]

امبير البزيم .. لي سوالف معه

انا معي سفاري 97 بخاخ ,, وامبير البنزيم اذا عبيت فل مايرتفع للأخر .. مثل مشكلتك بالظبط

غيرت العوامه .. مافاد !! ..

آخر شي طحت بكهرباىي في المجمعه ... شاف العوامه ، وقال لي جب عوامه حقت سياحي بدون لمبه تحذير
وجبتها له وركبها .. وياسلاااااااااااااااااااااااااام سلم طلع مظبوط

[باترولي]

اذا الموتر يطفي ولازم تدوس الدواسه . غير فيوز رقم عشرين ودعواتك

[عاشق جوالرمله]

ماضنتي البلوف مقفلة لاكن غير بواجي-اسلاك بواجي-بويبينة-بليتين-اصلاح كلبيتر اصلي انتبة لاتاخذ التجاري وذا قال لك مافية اصلاح اصلي قل عطني ابرة اصلاح كلبيتر اصلي -وغير الليات اللي طالعة من الكلبيتر موزعة على الصفاية وطرمبة البنزين - كمان غير صفاية بنزين -بالنسبة لليات اشتر مترين وخلة يغير كل الليات يمكن تصير يابسة مع الحرارة- ووزن الديلكو بس لايرفع الابنص مرة ولو تغير الديلكو وتحط ديلكو الكتروني احسن لك من لذعات البليتين بس غالي يمكن يوصل الديلكو مع التركيب 1500 - طبعا تكلفة جميع القطع اللي ذكرت توصل 300 ريال تزيد او تنقص قليلا بدون شغل اليد وتكلفة شغل اليد بالكثير 300 ريال لايزود عنها هللة ونشاء الله انك تعي لي ويتغير عليك الموتر بالنسبة للمهندس فية واحد في الشفاء كل اللي عندة جيب نسيان متخصص كلبريترات وومتاز جدا يجلس الموتر عندة يوم فقط موقع الشفاء تحياتي اتمنى اني افدتك تحياتي 0

اخوي ممكن توصف لي الي بالشفاء اورقم تلفونه