جزاك الله خير
والله فيه ناس مثل البهائم
تفسد المكان ولما تحتاجه مره ثانية يقولون مكان ماهو نظيف!
وبعضهم يقول والله ماحد درى عنك تاخذ قمامتك ولا تتركها
مابي احد يدري عني!
اهم شي اكون في قرارة نفسي اعرف اني صح
افتخر بنفسي اني صح. بكيف الناس ان شاء الله ما حد درى.
من عادتي اجمع المناديل المستخدمه والعلب بالسيارة ولا اسمح لاحد ان يرمي شي من السيارة ولو كنا في سفر
صحيح تضايقني بالسيارة لكن هي ثقافه وقناعة تعودت عليها
مره كنت في حديقه داخل الرياض
وفتحت علبة عصير ورميت بالغطاء
بعد شوي رحت امشي ولدي صغير بعمر سنتين
ودعس على غطاء علبة عصير وتألم
والله الذي لا إله إلا هو اخذتها بدل الي رميت وعرفت خطأي.
متى نتعلم يا جماعة الخير
لبسك نظيف وسيارتك نظيفه وكل اشيائك نظيفه
طيب ليه ما تكون تصرفاتك نظيفه
اش يمنع تترك العلبه معك وترميها لما توقف لاي غرض او حتى لما توصل البيت.
الرسول صلى الله عليه وسلم
يقول في ما معنى الحديث
"إماطة الاذى عن الطريق صدقه" بمعنى ازالة الاذى
حتى لو حجاره صغيره او كيس او ما شابه
فلماذا ترمي بالعلب والمناديل بالشارع!!
إذا كان ازالة الاذى فيه اجر
اكيد وضع الاذى فيه اثم..
الدول الاخرى ما تشوف إلا اوراق الشجر في الشوارع
وحنا اعوذ بالله
إذا هب الهواء ما تشوف إلا المناديل الاكياس تسبح في الهواء.