ابغى وصف دقيق من عفيف الى الشملي

[برق الجهمه]

الله لايهينكم ياللي لكم معرفه بالخطوط
ابغى وصف دقيق للطريق من عفيف الى الشملي ..

لآني عندي فيها شغل بعد اسبوع ولا ادري وين اقرب طريق لها

[عليم العطش]

اطلع من عفبف عن طريق ضريه الى الرس ومن الرس الى بريده ومن بريده الى خط حايل السريع .
بعدها تدخل حايل وتمسك خط المدينه وبعد ما تمشي شوي معه يجيك مفرق العلا والجهراء خذ معه يمين
وتمشي حول 130كيلو يجيك مفرق الشملي وتفرق يمين الى الشملي 13كيلو.

هذا رابط ينفعك
http://www.athagafy.com/maps/Fig-09.jpg

http://www.mekshat.com/vb/showthread.php?t=20188
لاهنت

[محمد الشاوي]

وصف أبو عبيد صحيح وواضح

لكن مفرق الشملي يسار وليس يمين وهو في قرية اسمها عماير ابن صنعاء

وتوصل بالسلامة إن شاء الله .

[نديم القهوة]

اذا دخلت حائل امسك الدائري الغربي حتي يجيك المفرق كبري موضح عليه لوحات(طريق المدينه المنوره) اتجه غرب وبعد تقريباً 35 كيلو يجيك المفرق (مفرق العلا ، تبوك) واضح موضح عليه لوحات تتجه معه يمين قبل الكبري ..
بين المفرق والشملي 120 ك تقريبا ..
امسك الخط وبعد قرية بيضاء نثيل بـ 10 ك يجيك المفرق يسار موضح عليه لوحات وتجد ملاعب لكرة القدم على المفرق على يسارك 15 ك وانت في الشملي

[برق الجهمه]

والله انكم ماقصصرتوا
ولاهنت يابوعبيد على الافاده ..
لكن لو مشيت مع خط عفيف المهد ومن المدينه اطلع على الشملي اقرب ولا ابعد ؟

[محمد الشاوي]

إذا كنت تعرف هالطريق فهو أقرب بكل تأكيد

عفيف - المهد - الحناكية - النخيل - الحايط - الشملي

هذا الطريق أقرب الطرق لك وهو ممتاز جدا ولكن يوجد 7 كيلومترات لم تزفلت على ما أظن بين النخيل والحايط ولكن يمشون معها الناس ولا تعتبر عائق

[برق الجهمه]

^
الله يبيض وجهك يالشاوي .. وماقصرت على الرد الطيب