السلام عليكم ورحمة الله وبركاته ..
هذه الصور .. من طلعتي اليوم بعد الأمطار أتمنى تعجبكم ..
توي أبطلع إلا وصلتني رسالة تقول ياليت التفصيل .. إبشر بعزك .
أوقظتني والدتي الله يحفظه اليوم لصلاة الفجر .. رحت وصليت ورجعت البيت قالتلي رح الدوام .. قلت نرجع أيام الثانوية والنحشات .. قلت على الجو هذا مستحييييل أروح الدوام فاتصلت على صديق الطفولة (( مخترع البر )) طبعاً هذا إسم الدلع .. قلتله تخاوين قال : توي بأدق عليك مارحت الجامعة وأبي أطلع أتمشى .. قلت فرصة ومريته على الشيروكي .. وكنا ناوين نطلع لم الخرج فاتصلنا على واحد من أهل الخرج قال ماجانا مطر .. قلنا أجل وش رايك نروح لروضة خريم .. وفي أثناء الطريق تذكرت روضة أم القطا .. وشعيب الوسيع قلت وش رايك نروح شوف الوضع هناك .. فذهبنا وكانت هذه الصور ..
الصورة هذي لشعيب الوسيع من بعيد تونا مابعد نزلنا عليه ..
هذي صورة الشعيب بعد ماتفاجأنا بوجود المستنقعات فيه .
هذا صابر لقيناه مربوط داخل روضة أم القطا وماحوله أحد المسكين يحاول يفك الرباط . شكل الراعي نساه .
طبعاً صورة من آخر الروضة وكأنها ملعب الملز ماشاء الله .. طبعا الكلب هذا مو تبعي بس ناشبني وين ماروح معي قلت خلن أصوره يمكن يطس ..
هذا فريق الأغنام في الملعب المزروع وعندهم مباراة أكثر واحد يقضي على الخضرة ..
طبعا الصخرة هذي أعجبتني كأنها منظر خروف .. سبحان الله ..