فورد اف 150 وش يسوى ياهل الخبره مشورتكم

[كلاسيكو]

السلام عليكم ورحمة الله وبركاته

ندخل بقلب الموضوع انا من فتره معجبني الفورد الحوض اف 150 الي بيكون غمارتين شكله وفخامته من الداخل وطوله احس انه لبق اكثر من الجمس لاني اشوف الجمس فيه طول زائد ويبي له طريق سريع ووسيع لجل ياخذ راحته هع وهل يعتبر منافس او يتميز عن الجمس الشكل الجديد
لكن الي ابسئل عنه

كيف قوة الموتر ونشاطه
والمشاكل الي فيه (عيوبه)
تماسكه بالصحراء هل يتحمل كرف خاصه للي رجله شوي حاره الي متعود على الجيوب وكيف رساوته بالخط
صرفيته
قطع غياره هل متوفره بشكل مستمر
والقطع هل هي مناسبه او فيها ارتفاع
والاهم كيف تسويق الموتر بالبيع والمشترى
واي الموديلات الافضل الي قد تكون فيها اقل مشاكل لان بعض الموديلات يجي فيها عيوب مصنعيه
لاني محصل لي موتر موديل 2006 بحدود 70 الف
والموتر لونه ابيض ورزته حلوووه
لكن مااعرف باسعارها
وشاكر لكم الاجابه مقدما
نبي اهل الخبره

[.الهاجر.]

ممتاز من جميع النواحي توكل على واشتر واحد لكن بشرط النظافه والممشى قليل وسعر 2006 فل كامل يسوى 60000 الف تقريباً والعادي ب 55000 ويختلف السعر من سياره لأخرى على حسب النظافه والنظيف سعره فيه ,.

[أبونورة777]

عندي اف ١٥٠ موديل ٢٠٠٦ لون ذهبي غامق ( بني ) غمارة ونص دبل ارضي ( عصا ) .. للبيع اذا يناسبك عطني خبر عالخاص

[السنعوسي 2]

عندي اف ١٥٠ موديل ٢٠٠٦ لون ذهبي غامق ( بني ) غمارة ونص دبل ارضي ( عصا ) .. للبيع اذا يناسبك عطني خبر عالخاص

السلام عليكم
ليتك تدرج صورته بالمنتدى
او ترسلها على الايميل الله لا يهينك
salhabad@yahoo.com

[كلاسيكو]

ممتاز من جميع النواحي توكل على واشتر واحد لكن بشرط النظافه والممشى قليل وسعر 2006 فل كامل يسوى 60000 الف تقريباً والعادي ب 55000 ويختلف السعر من سياره لأخرى على حسب النظافه والنظيف سعره فيه ,.

يعطيك الف الف عافيه على الافاده
تحياتي

[كلاسيكو]

عندي اف ١٥٠ موديل ٢٠٠٦ لون ذهبي غامق ( بني ) غمارة ونص دبل ارضي ( عصا ) .. للبيع اذا يناسبك عطني خبر عالخاص

ربي يوفقك بالبيعه الي تسرك

[طاش]

خوش سيارة وعندي من سنتان وماخليت ديرة مارحت خوش سيارة

[Wolfeye]

عندي اف 150 موديل 2006 لون ذهبي غامق ( بني ) غمارة ونص دبل ارضي ( عصا ) .. للبيع اذا يناسبك عطني خبر عالخاص

السلام عليكم اذا كانت السياره موجوده ياليت تراسلني على الايميل f_s_k666@hotmail.com

[ذيب العيص]

2006 ...........بسبعين الف ؟؟؟ واجد
سعره مابين 50 الف الى 55 الف
اذا بتاخذ خذ غماره ونص دبل ارضي ...
الله يكتب لك الخير

[S 3D]

سبحان الله وبحمده سبحان الله العظيم
استغفر الله
بالتوفيق إن شاء الله

[ليميتد2006]

السلام عليكم
واانا بعد والله داخل براسي الــ اف150 من فتره
ابي معلومات كاااافيه عن الموتر لأن خوفي اخذه و ابلش بالقطع و الخرابات
واللي اسمعه انه صبور و يتحمل
ابيه كــ سياره رسميه للسفر و داخل المدينه<< فاهمين الوضع انتم

اعتذر من صاحب الموضوع بس طلبي نفس طلبه
و شااااااااكر لكم

[ABOKHALED004]

سبحان الله وبحمده

[SRAAAB]

الله يرزقنا وياك وكل مسلم

[رحال7]

الموتر مجربه بس الدفعه الاولى وبعته بعد استخدام سنه تقريبا..والان عندي جي ام سي واقدر اقارن لك من وجهة نظري الخاصه
-الفورد اجمل من الداخل والخارج والديكورات والبودي متماسك ما شاء الله افضل من الجي ام والشفر مرات!!!
-اذا خربت المكينه والقير او تعرض لخرابات كبيره الوكاله يحوسون كثير ويمكن يخسرونك الكثير من المال والجهد ويصبح الموتر كابوس والاصلاح خارج الوكاله اعتقد شبه مستحيل..
- الجي ام والشفر خراباته معروفه وهذا قسم السيارات شاهد وتجد من يصلحه خارج الوكاله واحيانا احسن من الوكاله..سياره شعبيه
-مكائن الجي ام والشفر غير معقده وتصميم رائع ..ومرتبه ومنظمه بشكل كبير..اما الفورد فكأنك تدخل غابه وايرات وحساسات وكمبيوتر ومواصير متداخله فوق تحت..تصميم سيء للغايه..يصعب الصيانه.. افتح الكبوت وتشوف الفرق..

-قطع اجي ام والشفر متوفره بشكل كبير
-المكينه VVT حساسه جدا لنقص الزيت وحساسه اكثر لاجواء ...مكائن جي ام الجديده 6.2 ايضا VVT وقرأت ان شركة جي ام متجهه لهذه التقنيه في المكائن الاكثر انتشار والاكثر استخدام وهي 5.3 ..ما ادري؟؟؟!!..يمكن جي ام تتقنها افضل من فورد..شوف تويوتا مكاين VVT ولكن جوده!!!

نسأ الله القوي العزيز المتين ان يفرج هم اخواننا في سوريا وان يرفع الضيم عنهم وان يحفظ لهم دينهم ويحقن دمائهم وان يحمي اعراضهم واموالهم..انه على كل شيء قدير انه سميع الدعاء ارحم الراحمين..كما نسأل وندعو ونتوسل للقوي العزيز المنتقم ان يهزم الاسد واعوانه القتله المجرمين عاجل غير اجل وان يجعل كيدهم ومكرهم في سفال...كما نسأله ان يحفظ وطننا العظيم من كل مكروه ...امين

والله اعلم واكبر والحمد لله رب العالمين وصلى الله على محمد واله وسلم تسليما كثيرا