السلام عليكم حيا الله جماعة الخير هذي سالفة حصلتلي مع بعض الربع وكانت في آخر الشتوية في مراوح الصيف. المهم الجو زين وسحاب وعلوووم قلنا بتطلع براء الديرة نتمشاء سرسنا عقب العصر لشعيباً من الشعبان وكان سايل المهم مشينا وحنا في الطريق شفنا طعيساتاً وشزينها قلنا بنطعس شوي والمكان بعيد عن الناس وروح عالطعس وهاه ويمين ويسار وفوق وتحت وسواقنا الله يهديه عليمي واغطس في الطعس لحوووول ودف ولا تدف وتحفر ولا تحفر مافيه فائدة تغريزتاً قشراء ثم جاتك ذيك السحابه والهواءالله لايورك اذن المغرب ولا زلنا مغرزين وقبل أذان العشاء بدقائق لمحنا نووور من بعيد يوم استبشرنا وتناتقنا الي يكبس بالسيارة ولي يصايح ولي رقا فوق الطعس ويشر بالجوال طبعاً ما فيه ابراج المهم شافونا الرجال وجوك طايرين السلام عليكم وعليكم السلام وش عندكم والله مغرزين وش جابكم هنا والله ونتمشى المهم ونعلق الواير ويسحبوننا والسماء تصب صب والرعد والبرق والهواء والبرد وتعال شف المهم ويطلعوننا الرجاجيل وجمعنا المغرب مع العشاء ونمشي والحمد لله الي رحمنا بذا الرجال وانتهت السالفة والحمد لله على السلامة مع تحياتي عويل الذيب.×
15 نوفمبر 2015 - 16:514 نوفمبر 2015 - 21:27
 |
رد مع اقتباس
