فرشات ياهل الفرشات

[المنطلدز]

السلام عليكم

كيف الحال

انا عندي فرشات وضاعن او اختفن مادري وين طارنلة

المهم ابشري فرشات بر
بس ابي النوع الزين
ومافي مانع انكم تشيرون علي عشان نكشت بهن اذا شريتهن

لان معي فرشات الحين عبره خلاقين مهب فرشات < منب ضحتس

[المستعين بالله]

وعليكم السلام ورحمة الله وبركاته
من اجمل الفرشات اللي جربتها السجاد التركي انسب مقاس منه اثنين في ثلاثة ويجي شبيه منه وطني خذ لك ثنتين وتبي تدعي لي بإذن الله
السعر تتفاوت المحلات من 110 الى 140 التركي اثنين بثلاثة
المميزات جمال الالوان جودة الخامة وسهولة الغسل مدها على البلاط واطلق عليها اللي وكذلك صغر الحجم بعد التصفيط وان كانك بالرياض تلقاهن بمستودعات الفيصلية الدايري الشرقي مخرج 17 باتجاه الغرب ثاني اشارة لف يسار اول تقاطع يجيك قبل المسجد لف معه يمين يجي على يسارك محل ابولبن تلقاهن عنده وعند المحلات اللي جنبه طب وتنق
قبل التقاطع فيه محل الجنادرية على اليمين عنده فرشات ممتازة كذلك
الله يوفقنا واياك لكل خير

[رِجم]

فيه فرشه تلقاها عند السوريين المتجولين مقاسها 1×3 قيمتها 60 او 70 ريال على شكل رسمه سدو وهي فرشه مو سدو

خذها وودها محلات الشرع والخيام وخلهم يقصونها نصين ويحط تحتها لباد وتنزاني وراح تدعيلي

[المنطلدز]

الله يعطيم العافيه
لكن انا مابيه كبيرتن با الحيل مثلا 3 في 3

انا با القصيم
واتمنى رفق صورة او شي عن الفرشة عشان اعرفه

[حب لاينتهي]

فيه المدات مناسبه

وخصوصا بالشتاء

[المنطلدز]

طيب يا اخوان صور
عشان افهم اللي ابشري منه

[المنطلدز]

.................................................. ................

[مكتشف الهوات]

عندك محلات الزل ابو افغان عندهم الصيني والتركي وبطنهن شراع تنزاني بدون اسفج وكد ومد 10سنوات

[لاتكب البيالة]

السلام عليكم
ان بغيت الاجود فعندك التركي مقاس 2*3 و 2*4 الاولى ب 120 والثانية ب 160 عند المستودعات مخرج 17
اما ان بغيت طولات فخذ وحده وقصقصه ووخيطه على شراع وانصحك بالتايلندي اما التنزاني فمتره ب 19 الان وانت بالخيار

[المنطلدز]

الله يعافيكم
بس ترا مكاني القصيم
يعني مالي با المخارج والرياض ههههههههههه

[Hagaanaf]

يالله حيه
شف شارع العليا العام ، بعد فندق الخزامى فيه محل يبيع زل ايراني
عندهم قطع حق درج (50سم × 3م) سعرها بـ (50) يابلاش
انقز قبل اتخلص الكميه
بس لاتجي على الهلي او الددسن يقعدون يطمعون فيك ويرفعون السعر

يحفظك الله
وص اي واحد رايح للرياض ، وقله يمر برق الحيا ، او البريه وهناك سوف تجد ظالتك بإذن الله

[بلاتين]

شف فيه نوع ممتاز جدا فيه مقاسين 3*2 وفيه 4*2 اقرب مالها الزل خمتها واقفه وعليها ستكر NOOR صناعه وطنيه ممتازه جدا جربها بتدعيلي ولا تبطنها التبطين غثى تصفيطه .

[سليمان 10]

مر السنيدي بالقصيم وفيه عنده قطع فرشات حمر على شكل البساط الاول مقاس 180*60 قيمتها 48 ريال سميكه جدا لجميع الجلسات خذها وفصل تحتها تنزاني وخطها زين والا جازتلك اشتر منها كم وحده 0على فكره معي في السياره 3 حبات توضع على جال الضو او النار 000

[بواردي رحال]

يا ليت يالربع
الي جرب الفرشات الي بمحلات الكشاته
ولا برق الحيا و القاضي للخيام
يعلمنا هي زينه ولا لا انا اقصد الي تجي متر بعدين مركه بعدين متر
سعرها حوالي 60 ريال انا اتكلم عن المحلات الي في الرياض

[المنطلدز]

مر السنيدي بالقصيم وفيه عنده قطع فرشات حمر على شكل البساط الاول مقاس 180*60 قيمتها 48 ريال سميكه جدا لجميع الجلسات خذها وفصل تحتها تنزاني وخطها زين والا جازتلك اشتر منها كم وحده 0على فكره معي في السياره 3 حبات توضع على جال الضو او النار 000

ايوه انا ابيه على جال الضو

بس ياليت يا الغالي صورة لهن عشان اعرفهن