15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي ذهبي
السلام عليكم ورحمه الله وبركاته
واحد من اخواني معه تاهو 2008 طلعله صوت في المكينة ( زي طقطقه البلوف )
طق طق بس الصوت قوي ومستمر سواء السيارة حارة او بارده
سألته عن نوع الزيت اللي يغيره قال عيار 20 ـ 50 والسيفون من الوكاله
مالكم بالطويله غيرت الزيت بالبيت ولا زال الصوت
ومخطط بكرا يجيب سيفون من الوكاله وزيت خفيف 10 ـ 30 بنجرب لعل وعسى
علماً ان عداد الزيت تحت النص بشوي واذا دعس يرتفع شوي
برأيكم وش المشكله وماهو حلها الله يجزاكم ووالديكم كل خير
كلمتان خفيفتان على اللسان ثقيلتان في الميزانسبحان الله وبحمده ، سبحان الله العظيم
مكشاتي نشيط
اذا الصوت قوي طرنمبة زيت مافيها كلام وهذا عيب سيارات الشفر كلهاا.... لا يمشي على الموتر واجد
كان معاي كابرس 2006 فاكة وكالة وقفته يمكن اسبوعين وبعدها شغلته ورحت عليه مشوار وطلع صوت طقطقه واستخدمت السيارة وزادت وغيرت طرنمبة زيت +شدادات + صبابات بسبب التاخير
والسبب الزيت الثقيل + التأخر في التغيير
========
قالي المهندس المفروض اول ما طلع الصوت وهو خفيف سويت غسل للمكينة ... بعض الأحيان تنجح الطريقه
مكشاتي متواصل
وعليكم السلام ورحمة الله وبركاته
هل ضغط الزيت منخفض؟؟؟
هل تطلع على شاشة المعلومات ضغط الزيت منخفض؟؟؟
اذا نعم راسلني على الخاص واعطيك العلم
مكشاتي ذهبي
الله يجزاكم خير اخواني العابر وباااس
صدقت يالعابر كان مع الوالد كابرس 2006 مطلعه وكاله وتعطلت طرمبته
كنت مخطط اغير الزيت والسيفون بزيت خفيف لعل وعسى
الحين ابزود على المخطط غسيل قبل التغيير
اخي باس اخوك برحه بالانقليزي اذكر قريت كلمه نسيتها وبعدها لوLow
علماً ان امبير الزيت تحت النص بشوي واذا دعست يتحرك
شيك على الخاص لاهنت
مكشاتي ذهبي
هذي صورة الكتابه ترجمتها بقوقل
يقول : غسالة السوائل منخفضة
إضافة السائل
هل المقصود طرمبه الزيت ؟؟
أخى هويدي كم المفروض يكون ضغظ مؤشر الزيت للطرمبة لتاهو 2008المشاركة الأصلية كتبت بواسطة هويدي
هذي صورة الكتابه ترجمتها بقوقل
يقول : غسالة السوائل منخفضة
إضافة السائل
هل المقصود طرمبه الزيت ؟؟
راجع كتلوج السيارة ،،، اذا كان مستوى الضغط طبيعي تحت النص
قد تكون الطرمبه سليمه .
مكشاتي متقدم
هذي صورة الكتابه ترجمتها بقوقل
يقول : غسالة السوائل منخفضة
إضافة السائل
هل المقصود طرمبه الزيت ؟؟
ياهويدي هذي مويه المساحات عبها وتروح الكتابه
طرمبة الزيت عندك مستواها طبيعي تحت النص بشرطه
المشكله من نوع الزيت اللي اخوك يحطه ثقيل مره على محركات الفورتك التقنيه الحديثه
العيار مثل ما ذكرت 10 على 30 مناسب وتوصيه المصنع 5 على 30 وتلاحظ الغطا مكتوب عليه 5 على 30 صيف خريف شتاء ربيع لاتصدق اللي يقول مايتحمل حراره الجو لأن اللي صنعه ابخص وانصحك تقراء الكاتلوج مفيد جدا جدا
موتركم ان شاء الله مايحتاج يروح للورشه بعد ماتغير سيفون اصلي + زيت الترا 7
بيرجع طبيعي باذن اللة لاكن اصبر عليه شوي
الطرمبه سليمه لاتغيرها
قد يكون مشكله ف ياحد تكايات البلوف وليس كلها
جميع ماتحتاج من قطع ميكانيكية واكسسوارات للجموس والشفرات من موديل 77 حتى 87 (gm-اي سي )تفضل الرابط
و يوجد دزق وكلتش وفحمه وهلال للقير العايدي أصلي جي بكرتون
مكشاتي ذهبي
للرفع
لازلت حاظر التصرف على راعي الموتر
تكفون لا يطيح وجهي هههههههههههههه
مكشاتي ذهبي
جزاك الله خير يالجنوبي
على حسب كلام اخوي وماقرأت بالنت انبير الزيت تحت النص طبيعي وهو كذلك
الطقطقه قويه زي صوت ابووكلين وتزيد مع الدعسه
مكشاتي متواصل
اقول الحق على مكينة السيارة00000 هذا ياطويل العمرذراع البستم او بنز البستم ( خابور البستم ) لازم تكشف عند ورشه متخصصه باسرع وقت و الا المكينه يتنفجر لا سمح الله
عندك ورشة مشعل العتيبي في شارع الجمعية في صناعية الرياض القديمة تسمى سابقآ ورشة عويض رجل قديم وخبرة بيشخص المشكلة ويعطيك عدة حلول ان شاء الله .
مكشاتي متواصل
هذي تبع موية المساحات
لكن اذا كان ضغط الزيت اقل من النص ولا وصل للخط الحمر ولا تنبيه في الشاشة ان الزيت من خفض فما افيدك بشي
لكن اذا تأكد ان طرمبة الزيت خربانه .. الوكاله راح يغيرونها بجديدة وممكن ترجع المشكلة .. لكن اعرف ورشة صلحت عندهم الطرمبة وشغلهم نظيف والان لها قرابة 3-4 سنوات مافيها الا العافية
وسيارتي يوكن
لكن انا اقولك اذا تأكد انه الطرمبة
الورشة هي احمد المشعل على شارع الامام سعود بن عبدالعزيز مخرج 9 وانت باتجاه الشرق فيه محطة الدريس قبل الاتصالات الورشة في المحطة
وبالتوفيق
مكشاتي ذهبي
الله يجزاكم خير يا اخوان على الافاده وحرصكم
وورشه المشعل معروفه من ايام ابوعلي الله يرحمه ويغفرله
أخر ماجيتهم قبل ثلاث سنوات غيرت عندهم طرمبه كابرس
وتعرفت على علي مدير الورشه ونعم الرجل قمه بالادب الاحترام وإن شالله ابوديلهم السياره
لاهنت يامستور الحال وجزاك الله خير على حرصك وابشرك الموتر من طلع الصوت ما تحرك
اخوى هويدي
أّذاصوت يزيد مع الدعس مثل ما قال الاخ مستور
قد يكون ذراع اوبنز او قرعة (طقطقه )سبيكة
الله يعينكم حملوها سطحى أفضل
مكشاتي ذهبي
جزاك الله خير يابدوي جنوبي
مواعد ميكانيكي فلبيني بيشوفه عند البيت
اعتقد السبب والله العالم زيت التسهيلات المغشوش
(( سوبر جيتي )) اللي كرتونه بـ 125 فيه 24 علبه
هذي صورته للتحذير بعد اذن صاحب الصورة
الصورة التالية اللي على اليمين اصلي والثاني مقلد
صورة بدون تحيه لوزارة التجاره
حسبي الله ونعم الوكيل
مكشاتي متواصل
الاخ هويدي و الله خوفتني انا استخدم سوبر جيتي وشلون اعرف انة مغشوش
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
