طلب: تحويل القزاز من هندل الى كهرب

[المتهقرص]

السلام عليكم ورحمة الله وبركاته

صبحكم الله بالخير

يالربع انا معي باترول سلقة 2009 قزاز هندل

والصراحة انه ما اعجبن الهندل ابدن

وابي احوله لكهرب

فاللي خابر لي ورشة بالقصيم يعرف لهالشغلانه ياليت يفيدنا

[التعـ King ـديل]

يبيلك مكينه وديكور باب وامورك طيبه بس الله يعينك على البحث لان الربع قزاز كهرب مب واجد

لكن اذا كان سلقه 4 ابواب امورك طيبه

[شحرور الدهنا]

لايقربك الهندل ازين اما الكهرب يقرقع الباب مع الوقت وانت بكيفك

[يزيد 999]

يا اخوي البارح وانا بمعارض بريده حصلت جمس وانيت للبيع القزاز هندل لكنه مرهمه كهرب بطريقه حلوه فاك العصا حق الهند ومركب مكينه خارجيه لكل باب

[المتهقرص]

طيب محد يخبر ورشة بالقصيم يحولهن

[You Like Me]

انا سمعت واحد ممتاز يسويها لك في بريدة
الظاهر والله اعلم في تشاليح بريدة يقالة العثيم
يفيدونك اهل القصيم

[المتهقرص]

رحت لكهربائي العثيم بصناعية الرواف يقول ماعندي

[التعـ King ـديل]

مر التشليح واشتر ديكور باب كهربا مع المكاين واي كهربائي فنان بيضبطها لك انا جربتها على باترول 97

[المتهقرص]

الله يعافيكم يالربع وبيض الله وجيهكم

بس مافيه احد القى عنده الديكور مع المكاين

الصدز الروحة للتشليح ينقل له هم

[ابوأريام]

لا تشتري ديكور ولا شي رح لمعرض السلام شارع الغرابي في الرياض يركبها لك على الديكور ولايبان انها هندل من قبل وسعره 300 ريال للبابين وصناعتها على مااظن صيني ومجربها وماشيه تمام معي

[المتهقرص]

اخوي ابواريام

ياليت لو تورينا صورة من الديكور ولا عليك امر

[المتهقرص]

اححد يفيدنا يالربع

[شمالات نجد]

اححد يفيدنا يالربع

يا ابن الحلال وش تبي فيها يا زين الموتر اذا صار كلش فيه عادي

الناس متبهذله من سيارات هالايام ومشاكلها وانت تبي تجيبها لنفسك

[المتهقرص]

الله يعطيك العافية

لكن اخوي انا ماني متردد
اذا تعرف علمنا

[sulaiman.fj40]

هلا اخوي/ ان كان موترك هندل من بلده فلا تفكر بتركيب كهرب لشبب بسيط وهو ان الظفيره لا تحتوي على اسلاك وفيوزات وكتاوت لقزاز الكهرب وان ذهبت لعمالة شارع الغرابي او اي ورشه بيركبون لك ويسحبون فلوسك ولكن النتيجه ان الدائره الكهربائيه للسياره تتلخبط وتكون بعض الاسلاك متحمله اكثر من غيرها وقد تسبب ماس وتحترق لاسمح الله. عندي ربع 96 قزاز كهرب والغيتها لهندل ولو تشوف اسلاكها مسكت راسك. انصحك بابقاء الهندل لبساطتها وفقك الله.