السلام عليكم ورحمة الله وبركاته
صبحكم الله بالخير
يالربع انا معي باترول سلقة 2009 قزاز هندل
والصراحة انه ما اعجبن الهندل ابدن
وابي احوله لكهرب
فاللي خابر لي ورشة بالقصيم يعرف لهالشغلانه ياليت يفيدنا
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
السلام عليكم ورحمة الله وبركاته
صبحكم الله بالخير
يالربع انا معي باترول سلقة 2009 قزاز هندل
والصراحة انه ما اعجبن الهندل ابدن
وابي احوله لكهرب
فاللي خابر لي ورشة بالقصيم يعرف لهالشغلانه ياليت يفيدنا
يبيلك مكينه وديكور باب وامورك طيبه بس الله يعينك على البحث لان الربع قزاز كهرب مب واجد
لكن اذا كان سلقه 4 ابواب امورك طيبه
لايقربك الهندل ازين اما الكهرب يقرقع الباب مع الوقت وانت بكيفك
استغفرالله
سبحان الله وبحمده سبحان الله العظيم
يا اخوي البارح وانا بمعارض بريده حصلت جمس وانيت للبيع القزاز هندل لكنه مرهمه كهرب بطريقه حلوه فاك العصا حق الهند ومركب مكينه خارجيه لكل باب
[iges/mk62310.gif[/https://www.mekshat.com/pix/upload/sign/images/mk62310.gifimg[img]https://www.mekshat.com/pix/upload/sign/images/mk62310.gif[/imghttps://www.mekshat.com/pix/upload/sign/images/mk62310.gif
طيب محد يخبر ورشة بالقصيم يحولهن
انا سمعت واحد ممتاز يسويها لك في بريدة
الظاهر والله اعلم في تشاليح بريدة يقالة العثيم
يفيدونك اهل القصيم
رحت لكهربائي العثيم بصناعية الرواف يقول ماعندي
مر التشليح واشتر ديكور باب كهربا مع المكاين واي كهربائي فنان بيضبطها لك انا جربتها على باترول 97
الله يعافيكم يالربع وبيض الله وجيهكم
بس مافيه احد القى عنده الديكور مع المكاين
الصدز الروحة للتشليح ينقل له هم
لا تشتري ديكور ولا شي رح لمعرض السلام شارع الغرابي في الرياض يركبها لك على الديكور ولايبان انها هندل من قبل وسعره 300 ريال للبابين وصناعتها على مااظن صيني ومجربها وماشيه تمام معي
اخوي ابواريام
ياليت لو تورينا صورة من الديكور ولا عليك امر
اححد يفيدنا يالربع
الله يعطيك العافية
لكن اخوي انا ماني متردد
اذا تعرف علمنا
هلا اخوي/ ان كان موترك هندل من بلده فلا تفكر بتركيب كهرب لشبب بسيط وهو ان الظفيره لا تحتوي على اسلاك وفيوزات وكتاوت لقزاز الكهرب وان ذهبت لعمالة شارع الغرابي او اي ورشه بيركبون لك ويسحبون فلوسك ولكن النتيجه ان الدائره الكهربائيه للسياره تتلخبط وتكون بعض الاسلاك متحمله اكثر من غيرها وقد تسبب ماس وتحترق لاسمح الله. عندي ربع 96 قزاز كهرب والغيتها لهندل ولو تشوف اسلاكها مسكت راسك. انصحك بابقاء الهندل لبساطتها وفقك الله.
الذين يشاهدون الموضوع الآن: 1 (0 من الأعضاء و 1 زائر)