المشاركة الأصلية كتبت بواسطة xxالقرشxx
السلام عليكم ورحمة الله وبركاته
يا حيا الله بخوينا ابو النيـــف يعني الاسبوع هذا ماطلعت معانا عشان تنزل الموضوع دا ...
وبعدين ماكنا مستورين بهرجة المسدسات ماكان احسن هههههههههههه يا الله مومشكله نفيد ونستفيد احم احم
با النسبه للرايفات وانواعها نبدا من تحت
1- C3X.. مسدس مايحتاج خفيف في الطفويه داخل الماء وفي التوجيه ينفع تصيد بي حوت مقاسات منوعه وما يرتد وقت الضربه حق تكنيس في البحر يعني عشق واطلق (مايعوم بالسيخ) وماأقوووول كــ سخريه من المسدس إن حق مبتدئين لا في عالم محترفه معاها C3X اما انا فــ طفح كيلي منه
2-اليورو..مسدس حق ولدولد خفيف وقوي واقوى من C3X طولو جدا مناسب للسنــكره دقه في التوجيه والتنيـشن على السمك واحلى حاجه في السيخ ((الرست))مرة صغير يعني اذا جيت وضربت السمكه مايفجرلك هوا
ويشوه السمك لا تلقى السمك اذا خرقو السيخ في فتحه بسيطه بس... مو زي بقية اسياخ الرايف رست طالع فوق
ومو ذاك الصوت اللي يشرد السمك اذا اطلقت الزناد.. مو مرغوب عند البعض بسبب إنو مايركب اكتر من2 ربر وانا من اللي عندهم يورو (مايعوم بالسيخ)
3-النكووويـــ..مسدس ماشاء الله عليه يصحي الواحد عــ صلاة الفجر اذا كنت نايم ههههههههه طبعا النكووي نفس تفصيل C3Xتقريبا من حيث الشكل إلا انه يختلف في المواصفات البودي امتن شويه قوي جدا جدا واقوا من C3X واليورو ونجي في ضربه النكووويــ ضربتو قويه مررة واحيانا اذا الصياد مااخذ بالو او بالاصح اذا طارد سمكه وخشت في جحر وجاء وراها
ونشن عــ الجحر طبعا مقبض المسدس قدام ابعد من مقبض C3X وقاعده المسدس تقريبا يكون في وجه الصياد اذا نشن على السمك فلما يجي
يطلق حــ يسير ((بووووم في الوجه او النظارة))يبغالوه تجويد معنى الكلام إرتداد قوي في النكووووي (مايعوم بالسيخ)وكان عندي نكويـ
4-الميتال..ماشاء الله عليه مسدس كفو يتحمل كل شئ تقريبا تبغى تغير مقاس ربلاتك من 16 إلى 20 يقولك حاضر طبعا مع تغير السيخ
ماتخاف عليه ينخدش ينجرح ابد يقلك ((اينما كان الصيـد فأنا لهو))
طبعا ماينفع سنوركل عائم غوص حر او غوص وفي شباب يسنكرو بـ الميتال وضربتو مايحتاج بـ 3 ربلات يعطيك مدى في الرمي وهو الرايف الوحيد إللي فيبو مسار يمسك السيخ وما يفك عشان اوضح تقريبا زي مسدسات (الهوا الضغط )
السيخ يركب في المجرى ومايبان السيخ ..اما الميتال نفس الطريقه بس السيخ مكشوف من فوق بس
يعني ماراح يفك مررررة (ميزة المجرى لـميتال 4)عندك ميتال 2 مالو مجرى (يعوم بالسيخ)ههههههههه امزح إذا فلت من يدك إلا 2000 ورا
وفي عضو ((بدي لـ ابو يوسف)) يقول الميتال مو مضبوط ترا يا ويلك ...لايسمعوك اهل الميتال ...
والدليل على الميتال جبنا مرررة حوووت مشرف بــميتال 2
5-الــباها او البـــاجا ..مسدس جبار جدا قوي من حيث الضربه بـ 3 ربلات مدى المسدس ايضا حلو وبعيد
طبعا مو اي مين يستخدمو ليش ؟؟ لأنو كبير وخشبتو عريضه صعب في التوجيه والتنشين تحس إنك شايل مدفع معك
إرتدادو جدا قوي با اللنسبه للجديد يبغالك من شهر إلى شهرين لين تتـعود عليه وبعدها راح تعرف إن شركه رايف قومت
نفسها عشان تصلح مسدس واحد بس جبار إللي هوا ((البــــــــــــاها))معليش ترا حماسي زاد يوم جيت امدح الباها هههههه
طبعا مايحتاج ((يعووم بالسيخ)) 8 ملم وفي عالم تشهد ههههههههههههه ((باها وبس والباقي خس))
هي هذي المعلومات إللي اكتشفتها من تجربتي لمسدسات الرايف كلها ماعدا ((البلو وااتر))والخبرة إللي اكتسبتها
وإن شاء الله الاعضاء يستفيدو منها سواء - المبتدئ او المتوسط او المحترف
وشكرا مرررة اخرى.. اخوي وصديقي ابو النيـــف عـ الفكرة الرائعه
تقبلو مروري
عليكم السلام ورحمة الله وبركاتة ,,
حيالله خويي صمدو , نور الموضوع بوجودك والله , والصراحه معلوماتك جدا مفيدة وقيمة , واللي جاية طبعا من خبرتك الطويلة والواسعه في هالمجال , مجال الغوص الحر ,, والشباب يشدهون على هالشي , " ماشاء الله عليك " !
بالنسبة لي السي 3 اكس " الكومبتيتور" * ذو الخشبه النحيفة مقارنةً بالستاندرد
- اوافقك رأيك ياا صمدو في ان السي 3 كومبيتيتور وليس الستاندرد , يعتبر من المسدسات المحدود استخدامها في مجموعة سلسلة مسدسات الرايف مقارنةً في الستاندرد والميديل هاند والميتال , ونقصد في كلمة محدود من حيث القوة والمدى , وايضًا قوة تحمل الخشب !
* لكن لو ننظر في الجهة المقابلة , تعتبر الخشبة النحيفة ميزة ايضًا , تساعدك في الغوص الحر والصيد لمسافات طويلة !
الرايف مثل زعانف الكاربون , تاخذ خشبه نحيفة تفيدك في الراحه على حساب المدى , نفس الشي في الزعانف , لما تاخذ زعانف سوفت اللي هي خفيفة , تفيدك في الخفة , لكن ماتديك الدفعة القوية , ونفس الشي في الستاندرد والميديل هاند , خشبة اعرض وامتن , تفيدك قوة ومدى , لكن استخدامها متعب نوعًا ما ........ !
* ملاحظة : الاحتراف لا يعني صيد احجام كبيرة ابدا , الاحتراف هو معرفة كل مالك وكل ماعليك ومعرفة أسرار وخبايا الغوص الحر واللي ناتجة من الخبرة الطويلة في هالشي ,
عادةً مايجي الاحتراف الا لما تكون عاشق للغوص الحر أو مجبور انك تسويه , مثل لما تكسب فيه فلوس !
نرجع للأنواع
- اليورو انا ما اقدر افيد احد فيه , لأن كل المعلومات اللي عندي من كلام الناس , ولا جربته عشان احكم بنفسي , وزي ماقلت ياصمدو انه اليورو مريح في الغوص الحر , صحيح كثير اسمع هالجلمة من الناس , اليورو افضل مسدس مناسب للغوص الحر , بالنسبة للقوة مثل ماقال اخونا سنايبر , هي تعتمد في الاساس على قوة الربل , لكن السؤال هو : ايت خشبة تستحمل وتخليني احمل ربل اقوى !
- بالنسبة للباها , اعتقد مسدس لاغبار عليه , ولايختلف عليه اثنين في انه مسدس يدعمك في القوة والمدى , لاكن مثل ماقلنا انه يتعبك شوي الشيل , واول ماتبدأ تستعمله , الكنترول راح يكون صعب معاك الين تولف عليه شوي , بعدها تبدأ تكتشف قيمتة , وقيمة ثقله وتعبه !
بالنسبة لي شخصيا , اعشق شي اسمة باها , واحترم اي شخص اختار الباها وميزه عن المسدسات الثانية , لأنه من جد شي يبرد قلبك , صلاتي على النبي , ظربته مو زي اي ظربة , تحس انك تطمن وقت ماتظرب الحوتة !
يعطيك الف عافية يا كابتن صمدو , افتدتنا كثير بخبرتك ومعلوماتك والله ,,
نشوفك قريب ان شاء الله ,,