أخو الباجيرو حاسني حوسة أراء الجميع تهمني

[الحياة بحر]

يا ربع انا حصلتي ناتيفا موديل 2008 ممشاه 60 الف وصاحبه طالب فيه مبلغ 48 الف
ما ادري يا اخوان يسوى
وفي نظرك كم يسوى ، ومحصل جمس سييرا 1500شاص طويل بدون دبل 2005 ممشاه 140 الف طالب فيه صاحبه 44 الف
ومحتار بين الاثنين
واحس كلهم مبالغ في اسعارهم
ايش رايك ما هو الافضل وما هو السعر المناسب لكل واحد

[المداوي2]

الناتيفا حقه من38 الى 40 اما الجمس ماعندي خبر عنه

[الحياة بحر]

مشكور يا اخوي على المعلومة وننتظر باقي الاخوان

[الحياة بحر]

أمانة يا اخواني الي عنده معلومة لا يبخل علينا وله مني الدعاء
الدعاء بظر الغيب

[ولد وايل]

بدون دبل ابعد عنه ...........

[الحياة بحر]

مشكورين ويعطيكم العافية ، والجمس يا خوي ولد وايل ما ودي به مابه دبل بس ودي اعرف سعر السيارتين
وانتظر مزيد من آراء لاخوان

[blue arrow]

خذ الناتيفا موتر جديد وياباني وممشاه قليل بس لا يزيد عن 42 اذا كان نظيف , توني مشتري واحد من شهر والله ياهو موتر وفي البر ما يحتاج بس يبيله شوي تلقيطات خفيفه ويطلع ما شاء الله .
ولا تنسى الاستخارة .

[الباشاء]

الناتيفا افضل لاكن سعره غالي شوي يمكن علشان وقت الطلعات .. سعره بين 37 - 43 الف والله يوفقك

[كم كيلو باقي]

حدد طبيعة استخدامك .. العدد التقريبي للعائلة .. مكشات .. سفر وخطوط .. ديرة

يمكن فيه خيارات افضل

[الحياة بحر]

اخواني
blue arrow
الباشاء
كم كيلو باقي
يعطيكم العافية جميعا
بس السييرا ماركة جمس وهذه قطع الغيار بكل مكان وفي متناول الجميع
والناتيفا قطع غياره محدودة اماكنها واسعارها نااااااااااااار
الي اسمعه ان الميتسوبيشي يفقد سعره عكس السييرا ،، هذي الأشياء ايضا شوشت علي الموضوع
والنسبة للاسيخدام سفر وخطوط وديره اما الكشتات قليلية
بس خايف اشري واندم على اسعارهن
واعذروني طفشتكم معاي

[المميـز]

:

استخدامك يحدد اختيارك

السيارتين كلها معروفه بالجوده العاليه

وميزة الميتسوبيشي مايطلب قطع غيار خاصه مع الشخص اللي يحافظ واستخدام الخطوط مايأثر على السيارة

ومن واقع تجربه لباجيرو 2004 جديد من الوكاله .. استخدام ثلاث سنوات بدون اي طلبات ماشاء الله

وانصحك تمر على هذا الموضوع لعل ردود الاخوان تساعدك ان شاء الله

*~*, رابطة مـــــلاك الجموس الحوض ,*~* الجزء الثاني

وعليك بالاستخاره بعد الاستشاره والله يكتب لك اللي فيه الخير

:

[الحياة بحر]

لا هنت اخوي المميز ، ولا هانوا الاخوان الباقين ، والموضوع يحتاج إلى نوع من التأخير لأن أسعار السوق شيء خيالي عشان وقت الطلعات والكشتات
واتوقع لو حنا بالصيف كان حصلت السييرا بـ 35 الف
والناتيفا مثلما ما ذكر الاخوان من 37- 43

[مافيه]

النتافا مالي علم فيه (لاكن اتوقع غويلي شوي لو ينقض فيه هال8 طلع ممتاز)

و الجمس انحش عنه غاااااااالي بالحيل وبدون دبل ((انا ادري انه الحين شتويه بس الجمس بدون دبل مايسوى قيمته ويتعبك بالنفود مايمديك تاطاه الا وهو حافر وان حفر معاد طلع الا بسحب)) لوه بدبل قلنا عشانه موسم ومع ارتفاع الاسعار يستاهل سعره لاكن بدون دبل لو يطرح فيه 5 لاتقربه

انا لاقي لي واحد تتعب وانت تقول نضيف من بدي ومحركات موديله 2007 الشكل القديم شاص طويل دبل ارضي قير تماتيك جميحي ممشاه 110 ولونه مرغوب بالحيل من قبل الشباب (لون التاهو الجديد يجيك ازرق ويقلب على اخضر وعلى بحري)) وسومه وصل 48 وطالب فيه 52 بس هالكلام قبل فتره تقريبا 3 شهور او شهرين

[الحياة بحر]

يعطيك العافية يا خوي على المشورة ، ولا حرمك الاجر