:::::مشكلتي مع سرعة اليوكن 2003 (((مايتعدى 60 كيلو)))

[PATHFINDER 4]

السلام عليكم ورحمة الله وبركاته

عندي يوكن xl الحجم الكبير موديل 2003 استخدام امريكي
المشكلة ان الموتر مايتعدى سرعة 60 كيلو واذا وصل العداد لل60 يثبت على هالسرعة حتى لو دعست كااامل الابنص !!

وقفت الموتر الين برد وحاولت من جديد ونفس الشئ !!

شلته بسطحه وعلى محل الجابر في صناعية 17 فحصه وقال عندك حساس الدعسة
واخذ شغل يد 500 ريال وضمان شهر
بعد ما استلمت الموتر رجع الوضع طبيعي لكن من صباح اليوم التالي اشغل الموتر للدوام ورجعت نفس المشكلة مايتعدى 60 ..
اخذت تكسي وعلى هالورشة وهواش الين اخذت دراهمي كاملة والان الموتر واقف وش تشيرون علي ؟؟؟

وترى الموتر قبل 3 شهور كان يطفى علي في الدايري يعني امشي 100 او80 ويطفى علي واذا برد اشتغل غيرت طرمبة البنزين 1200 مع الصفاية ومشى الوضع 3 شهور ثم جتني هالمشكلة
وش رايكم هل تتوقعون ان المشكلة من حساس الهواء اللي موجود عند القربة ؟؟؟

[عاشق الكابرس]

شيك ضغط البانزين والصفايه الي في الشاصي ونفس اكهرب الي تجي حق حساس الدعسه وكهربة الطرمبه

[القصيمي7]

شكل خزان النزين متوصخ لابعد حد

[أبـو زهـرهـ]

شوف ياغالي أنا أظنه من حساس الدعسه نظفه بإيسي ديلكو

[الذيب 502]

مشكلتك سهلة ان شاء الله




شف اذا كان الحساس يضرب دايم وعندك امبير الضغط يرتفع وينزل

واذا وانت واقف عند اشارة امبير الضغط نازززل وتحس انه بيطفي

فهذا حساس هواء او حساس دعسة أو بالانجليزي اير ماس

فغير انت حساس الهواء ونظف معه الثروتل

وصدقني بترتاح

هذا اللي اشوفه وفيه احتمال كبير اني مخطي

وليتك تشرح اكثر علشان نقدر نفيدك

[~EmPeRor~]

اذا انت بالرياض راسني على الخاص ادلك على واحد يفحصة لك وياكد لك العطل 100%

بالنسبة لله اذا الموتر صافي فالمشكلة تكون من الثروتل ( الي بالمكينة ) او الدعسة الي عند رجلك

لازم تفحص كلها

بالتوفيق

[عين حصنان]

والله كل اللي قالوه الشباب .. احتمال كبير

بس نعرف ان الموتر الكاتم ولا يمشي لو تدعس للاخير .. يكون السبب من دبة البيئه

الدبه الصغيره الاماميه تكون مسدوده ولازم تشااال

الله يوفقك

[رسلان الوايلي]

هذا طال عمرك صرات معي في سلفرادو
وكانت من دبة التلوث مسدوده

[mody s9]

اخوي الطبلون عندك شغال فيه _ انخفاض قوة المحرك ؟

[cci]

السلام عليكم للجميع
يالغالي المشكلة وجهتني سابقا تم تغير كل اللأتي

1- تنضيف حساس الهواء راجع الرابط
http://www.mekshat.com/vb/showthread.php?t=208116
في بخاخ في ساكو منظف إلكتروني مثل ذا


2- تغير طرمبة البنزين طبعا مو من راسي كان عزم السيارة الله بخير يوم فحصها طلعة العلة منة وتم تغير الفلتر مرة وحدة لأنه داخل التانكي على كلام المهندس


نصيحة ليك ولغيرك إذا وصل البنزين على الربع عبي بانزين لا تخلية لين متولع اللمبة

إذا كنت 91 حول 95
شوف الفرق
موفق يالغالي