المشاركة الأصلية كتبت بواسطة mazeneidan
اقولك الرجال طلع كذاب
يقول لي ان السياره فيها مشكله في المكينة و أنا ما أرضاها لك
ولكن ابشر راح اسوي لك خصم على القير التوماتيك خذ موديل 2011 ( تصدق إن الوانيتات اللي بقير اوتوماتيكي دفعة 2011 و تم إنتاجها في تاريخ 11/2010 يعني السياره لها سنة وثلاثة اشهر وهيه واقفه ) بـ 88000 ألف ريال و التأمين عليك .
قلت له / وموديل 2012 ماعندك
قال / ما نزل موديل 2012 قير أوتوماتيكي و اللي نزل القير العادي
قلت / تبغى تبيعه 85000 ألف ريال
طالع فيه كذا
و قال / لا مستحيل حنا نبيعه الحين بـ 90000 الف
قلت له / أنا جيتك قبل 6 أشهر وكنت تبيعه بـ 83000 الف ريال و القير العادي 79000 الف ريال
قال / مستحيل
قلت له / طيب خذ الورقه هذه كتبتها بخط يدك وفيها الاسعار للقير العادي والاتوماتيكي والالوان المتوفره و اللي باكسسوار واللي بدون اكسسوار و فيها التاريخ وكان يوم 22/6/2011
طالع فيها وانفجع
و قال لي / أكلم الاداره وارد لك خبر
و أنا الحين استنى الاتصال منه
و للمعلومية راح تنزل الموديلات الجديده في شهر 4/2012