@{{ رابــطـة ملاك التاهو سبورت واليوكن جي تي (الربع) 92 إلى 99 }}@ الجزء الثاني

[سيف نجد_]

وعليكم السلام
جمعه مباركه على الجميع

ومشكور أخوي سيف نجد على اهتمامك وردك

العفو ... حياك

[ابومازن2]

بالنسيبة لموتري 94 كنت اغير عدد (4 ) علب بدون السيفون وعدد (4.5 ) مع السيفون والافضل انك تشتري السيفون الاصلي وتغيره بعد تغييرتين .
واي استفسار انا جاهز
وتحياتي لكم

[أبـوأسـد]

للبيع مكينة جمس يوكون جي تي 94 حلاب حجم 350

الحالة جيدة وما تدخن دخان ابيض
نادر جدا تدخن دخان اسود

والمكينة ما توضبت من قبل ولم تعدل تعديل داخلي فقط خارجي اسلاك وبواجي

ممشاها الاخير كان حول 310 ألف كيلو

تنقص زيت بس بمقدار قليل جدا

كل 15 إلى 19 ألف كيلو مقدار نصف علبة إلى علبة كاملة حسب التدعيس

المحرك لا يشتكي من الحرارة العادة الحرارة الربع

سبب البيع تركيب محرك آخر

للي يبي المحرك يراسلني على الخاص

المكينة مخصصة للجموس والشفر موديلات الحلاب فقط
إلا الي يبي يركبها على سيارة ثانية توليف هذا شيء ثاني

مكان المحرك بالرياض

[درب الصحراء]

السلام عليكم ورحمة الله وبركاته

انا معي تاهو ربع موديل 96 عليه ماكينة 350 فورتك مزوده فلتر+هدرز+اسلاك بواجي فقط. كنت ناوي اركب روس ماكينة وكامات لكن نصحني واحد وقالي بدل ماتزود وتخسر على ماكينة موترك ليه ماتركب LS1 اقوى واخف وصرفية بنزين اقل. لكن المشكلة بحثت في النت ماحصلت شي يفيدني حسيت انه الماكينة ماتركب على موتري اغلب الناس اللي شفتهم مركبين ال اس ون عندهم مواتر يابانية باترول او شاص وغيره. السؤال اللي يطرح نفسه هل تركب ماكينة ls1 على موتري ولا لا اذا ماتركب هل في ماكينة ثانيه تركب مثلا ماكينة 5.3 واذا تركب وين في ورش تركب علما اني متواجد في المنطقة الشرقيه في الفترة الحاليه وماعندي مشكلة اسافر اذا في ورش خارج المنطقة الشرقية.

وعليكم السلام ورحمة الله وبركاته

لا تركب وبدون مشاكل

لكن اذا ميزانيتك مفتوحة وتوصل ل40 الف فركب مكينة 6.2 ومتع عمرك لان المكينه ستوك قوتها حول 400 حصان

والتكلفة العاليه بسبب ان سعر المكينه غالي يوصل 30 الف

وانا شايف ورشة في دبي مركبينها في اكثر من سيارة وهي تحتاج
ضفيرة وكمبيوتر من امريكا
( شغل مرتب وفي السليم) وبعض التعديلات البسيطة حسب ما قالوا لي

وهذا المشروع تحت الدراسة بالنسبة لي

# وكيف تسأل عن ورش وعندك الكبتن هشام الملا افضل مبرمج في الخليج سير عليه وخذ العلم منه

وبالتوفيق

[درب الصحراء]

مسيتو بالخير جميعا

عندي استفسار بخصوص الزيت انا عندي جمس باب واحد ٩٢ وغيرت له زيت خمس علب مع السيفون بعد التغير قام يلعب عداد الزيت ويوم عايرته كنه زايد الزيت شوي سؤالي هو كم علبة زيت ياخذ مع السيفون

والله يجزاكم خير

معي يوكون موديل 99 واغير الزيت ب5 علب مع فلتر الزيت

وبدون الفلتر 4 علب ونصف والمكينه

لكن السؤال اي افضل زين نستخدم

20-50
10-40
10-30

[Abu mare]

الي له نظر
http://haraj.com.sa/112926247/_تاهو_باب_واحدربع99_/

[Htaan]

يااخوان انا عندي تاهو 99 امريكي في مشاكل

1 الموتر شبك علي دبله وانا مسافر وفرط علي القير وكسر التروس ووظبته
وفصلت فيش الديلمو والحساس على شان مايشبك مره ثانيه وودي ارجع الدبل وخايف يخرب القير مره ثانيه وش تنصحوني فيه ووش اللي خلاه يشبك مع العلم انه دبل ازرار وحساسه جديد مركبه قبل شهر كيف اعرف المشكله هي من الحساس ولا من الازرار واذا من الازرار وين القى ازرار له .؟

2 الموتر يصرف بنزين داخل الديره بشكل مبالغ واذا انا مسافر استهلاكه للبنزين طبيعي وش المشكله منه


اللي عندهم خبره لا يقصر

[ادولف هتلر]

http://www.mekshat.com/vb/showthread.php?t=603053



لمن يرغب مع التحية

[KAKASHI_H]

السلام عليكم ورحمة الله وبركاته
ياخوتن انا ناوي اشتري مثل هالنوع من السيارات لاكن سمعت بعض الاشياء ممكن تكون صحيحه وممكن لا و انا شخصيا اعتقد انها غير صحيحه
هل صحيح اليوكن GT يجي اثقل من التاهو او لا
وسمعت بعد ان افضل الموديلات هي ال 1997 - 1999
وابي اعرف هل التاهو ال sport هو نفسه ال Z71 ولا يفرقون وكل واحد فئه وان كان البدي نفسه والمحركات حبيت اعرف اذا كانو كل واحد فئه غير عن الثاني
ارجو افادتي قبل ما اشتري سياره اذا الله اراد ان شاءالله
يعطيكم الف عافيه

[سيف نجد_]

السلام عليكم ورحمة الله وبركاته
ياخوتن انا ناوي اشتري مثل هالنوع من السيارات لاكن سمعت بعض الاشياء ممكن تكون صحيحه وممكن لا و انا شخصيا اعتقد انها غير صحيحه
هل صحيح اليوكن GT يجي اثقل من التاهو او لا
وسمعت بعد ان افضل الموديلات هي ال 1997 - 1999
وابي اعرف هل التاهو ال sport هو نفسه ال Z71 ولا يفرقون وكل واحد فئه وان كان البدي نفسه والمحركات حبيت اعرف اذا كانو كل واحد فئه غير عن الثاني
ارجو افادتي قبل ما اشتري سياره اذا الله اراد ان شاءالله
يعطيكم الف عافيه

بسيطة، قريب ان شاء الله بنزل موضوع فيه خلول كثير من المشاكل الازلية

جوابا على سؤالك فعلا مكاين الفورتك من 97 الى 99 ولازك لها تعديل بسيط لنظام البخاخات من نفس المكينة الي راكبه على موديل 2001 وطبعا لاي مكينة ممشاها فوق ال200 الف مسل بتلاحظ تحسن كبير في الصرفيه والاداء واهتزاز المحرك

الموديلات اختلافها بالداخليه والخارجيه والالوان لكن الاهم لك هو الدفرنس الخلفي اذا كلتشات ولا لا لانه يقوم بعمل قف لالدفرنس الخلفي له صيانته مراقبه اكثر من العادي وفي المقابل اداء افضل من العادي

برأيي يميز هذا الموديل عدا ان نظام تعليقه مشابه او مطابق للسييرا 2500 الحديث دبله الثقيل القوي ومكينته الجميله طبعا اذا عرفت كيف تحل مشكلة الكهرب (دينمو امبيره 124 وفوق) ونظام مراوح كهرب ممتاز


Sent from my GT-I9505 using Tapatalk 2

[KAKASHI_H]

مشكور اخوي سيف نجد
بس كيف اعرف الدفرنس اللي يكون كلتشات أو بدون كلتشات

[ناصر المالكي]

السلام عليكم ورحمه الله وبركاته
يا اخوان عندي يوكن 93 اذا شبكت الدبل الكفرات الامامية ماتتحرك رحت للمهندس يقول يمكن دينمو الدبل اتمنى تفيدوني الله يجزاكم خير

[سيف نجد_]

السلام عليكم ورحمه الله وبركاته
يا اخوان عندي يوكن 93 اذا شبكت الدبل الكفرات الامامية ماتتحرك رحت للمهندس يقول يمكن دينمو الدبل اتمنى تفيدوني الله يجزاكم خير

صح ممكن يكون الدينمو، سمعت من الاخوان هنا وبمنتدى ثاني ان الدينمو يعطل ولا يشبك الدبل ان شاء الله بسيط ولا يحتاج تنزيل،



Sent from my GT-I9505 using Tapatalk 2

[سيف نجد_]

السلام عليكم ورحمه الله وبركاته
يا اخوان عندي يوكن 93 اذا شبكت الدبل الكفرات الامامية ماتتحرك رحت للمهندس يقول يمكن دينمو الدبل اتمنى تفيدوني الله يجزاكم خير

اعتقد من الشكل وممكن ترفع كفر والثاني على الارض وتدعس له شوي وتشوف اذا العزم يرجع للكفر الثابت على الارض او لا او ببساطة لما تغير الزيت للدفرنس بفك غطاء الدفرنس الشبه دائري الكبير (لاتنسى تشري وجه!) يبين معك

Sent from my GT-I9505 using Tapatalk 2

[-ابوفهد-]

السلام عليكم ورحمة الله وبركاته

اخباركم طيبين طيبين ان شاء الله