استفسار: ماهي فائدة مساعد الدركسون؟

[عشق البر]

السلام عليكم ورحمة الله وبركاته

انا عندي سؤال ومحيرني من مدة
ماهي فائدة مساعد الدركسون؟؟؟؟ وكيف اعرف انه خربان ؟؟
يعني لو اسوق بدون مساعد دركسون وش راح يفرق بالسياره؟؟ هل يختل التوازن مع المطب
ولا يفيد اذا لفيت الدركسون !!
وطبعا الناس تروح تدبل المساعد عشان الرجه وهي اصلا ماتدري وش فايدته

وعلى طاري التدبيل اشوف البعض يحط مساعد دركسون استرالي وش يفرق عن الوكاله
ادري اني بالبدايه قلت سؤال واحد وانتهيت بعدة اسألة تحملوني

اتمنى اجد الجواب الوافي والكافي من اعضاء مكشات الكرام

[HAS5SAN]

من اسمه مساعد
وهو لا قدر الله ضرب عليك الكفر
يساعد في عدم انطلاق السيارة للأرض يخفف من نزولها بسرعه
وبدونه اي ضربة في الكفر
أو اهتزاز او حفريات في الشارع
تكون في يد السائق
ومثل ماقلت البعض يغيره بنوع أقوى :

[باثفندر]

يمتص الصدمات

يعني الضربات الصغيرة ودق الحصا مايحولها على الدركسون مباشرة ، ينضغط ويرجع بحركه سريعة بفعل الهواء او الغاز او الزيت المضغوط اللي فيه ، فما تحس فيها .

[عشق البر]

مشكورين ياخوان جميع

طيب لو استبدل مساعد موتري بمساعد استرالي يكون افضل من مساعد الوكاله؟

[ابوسدس]

كما تفضل الاخوان انه اذا لفيت الطاره يمين ويسار ينظغط ويتمدد وفائدته انه افضل في المناطق الوعرة وايضا له دخل في خفت الطاره

تقبل تحياتي

[ابوالهواوي]

يساعد بعدم التفاف الكفرات الأماميه بسرعه خاصه عند انفجار الأطارات الأماميه

[عشق البر]

مشكورين وماقصرتو كلن باسمه على المشاركه ووصلت المعلومه ان شاء الله
بس ياجماعه تنصحوني اغير شد البلد بواحد اقوى ولا ماله داعي

[سلكي نت]

ذكرتوني بشاص 79 لفت الطارة بيدي وانا غافل وشوي وتكسر يدي
على بالي مثل الجديد
تخيل بدون مساعد وطارة ماهي هواء(زيت) عادية