تانكي بنزين لــ fj

[ولد وايل]

اخواني الاعزاء

ابي فزعتكم ابي اركب تانكي بنزين اضافي للاف جي لان تانكيه صغير فل بنزين 95 بـ 36ريال

ابي اي طريقه او ورشه سعرها معقول وماهي افضل ماده لصنع التاني

[Black VTC]

خابر عند الرماية تانكي استرالي بس ما ادري يركب على الــfj ولا لا لو تزرق لهم و تشوف ... واعتقد كاني ما نسيت قبل سنتين سألتهم عن سعره وكان حول 2000 ريال ... وانتبه من ترهيم او تركيب تانكي صناعة محلية الا عند محلل متخصص لان تانكي البنزين حساس و خطير في حالة عدم ضبط بلف تهريب ضغط الغاز ترا يصير ما لا يحمد عقباه ..... وان رهمت عند محل زين فلا تنسى تركب طرمبة مازدا خارجية تشبك بفاصل داخل (كابينة القيادة) لتحويل البنزين من خزان لآخر ... والله يعنيك يبي يطلع التانكي الاضافي مثل حق السفاري عشان تستفيد منه لازم تفضي من تانكي لثاني مهوب مثل الفي اكس ار طرمبتين يحول للمكينة مباشرة - هذا جيد في حالة تعطل طرمبة التانكي الرئيس - ويسعفك اذا كنت بعيد عن الديرة ...

شكلي دوختك

[ولد وايل]

بارك الله فيك اخي الكريم بالنسبه للرمايه البارح انا عندهم وما لقيت طلبي................

[غضنفر]

اقترح عليك
تشري تانكي بنزين اصلي من الوكالة مع طرمبته وكل حاجة
ثم تروح لورشة محترمة ومعروفة في تركيب مثل هالامور
وتخليهم يركبونه بعد الدفرنس الخلفي لان المساحة كبيرة جدا ومناسبة ومرتفعة عن الارض
وتضيف عليه برضوه صاجة حديد لحماية التانكي من الحصى وغيره

[غضنفر]

هذا جيد في حالة تعطل طرمبة التانكي الرئيس - ويسعفك اذا كنت بعيد عن الديرة ...

سلامت راسك يا اخوي
انا كان عندي شاص
نظام الشاص
تانكيين وطرمبة في كل تانكي
ومع ذلك
تعطلت علي طرمبة التانكي الاساسي
حاولت اشغل السيارة باستخدام التانكي الاضافي ولا اشتغلت
مع ان لها طرمبة خاصة

[Black VTC]

سلامت راسك يا اخوي
انا كان عندي شاص
نظام الشاص
تانكيين وطرمبة في كل تانكي
ومع ذلك
تعطلت علي طرمبة التانكي الاساسي
حاولت اشغل السيارة باستخدام التانكي الاضافي ولا اشتغلت
مع ان لها طرمبة خاصة

يسلم راسك اخوي غضنفر ترا المعلومة ذي من واحد راعي في اكس ار و كنت اكلمه عن التانكي الاضافي في السفاري انه يصب من التانكي الاضافي الى التانكي الرئيس فرد علي وقال وين اذنك يا حبشي ليش نيسان ما خلوه مباشرة من الاضافي الى الماكينة مباشرة وينفع اذا تعطلت طرمبة التانكي الاساسي وبكذا يسعفك الموتر ... صراحة اعجبت برأيه دون تجربة و بما انك مجرب فانت ابخص واذا كان نظام الشاص مثل الفي اكس ار فابشر برأس الرجال اكسره لك في اقرب لقاء بيني وبينه

[غضنفر]

مدري عن الفكسار
لكن الشاص متأكد منه

[ولد وايل]

الفي اكس ار كل تانكي مستقل مثل الشاص

شاكر لكم تعاونكم معي

تتوقعون حق البرادو بيركب

[شبح الموت]

ورشة المواهب ان شاء تحصل طلبك

[ولد وايل]

تتوقع ان المواهب راح يفلحون فيه....................

[سعد777]

تتوقع ان المواهب راح يفلحون فيه....................

بدينا نخش في العميق ............. نخاف تسويه وينفجر فيك الله لا يقوله

[ولد وايل]

بارك الله فيك اخوي سعد اظاهر بركب حق برادو بشوف هو يركب او لا او حق الفور تشنر اذا هو كبير....

[MyName]

أخوي ولد وايل تفضل هذا الموقع فيه اللي طلبته ( إذا حبيت تطلبه من الإنترنت او تأخذ فكرة التانكي )

وهذا التانكي مخصص للـ FJ Cruiser 2007 - 2008

19 جالون = 72 لتر تقريباً ...

FJ CRUISER AUXILIARY TANK







وهذا الموقع : http://www.man-a-fre.com/fjcruiser/f...iliarytank.htm

وفيه إكسسوارات منوعه وكثيره للـ FJ Cruiser


تحياتي

[hdd4004]

اذا لقيت شئ باكتب هنا عن التانكي(البحث جاري)

[ولد وايل]

اخي الكريم طريقة الطلب كم يوم تقعد هل جربت التعامل معهم


بارك الله فيك